Video: ರಾತ್ರಿ ಪಾಳಿಯಲ್ಲಿ ಕೆಲಸ ಮಾಡುತ್ತಿದ್ದ ಪತಿಗೆ ಊಟ ತಂದ ಪತ್ನಿ, ವೈರಲ್ ಆಯ್ತು ದೃಶ್ಯ
ಸಣ್ಣ ಪುಟ್ಟ ವಿಷ್ಯಕ್ಕೂ ಜಗಳ ಮಾಡ್ಕೊಂಡು ದೂರವಾಗುವ ದಂಪತಿಗಳ ನಡುವೆ ಇಂತಹ ಜೋಡಿಯನ್ನು ಕಂಡಾಗ ನಿಜಕ್ಕೂ ಖುಷಿಯಾಗುತ್ತದೆ. ಹೌದು, ರಾತ್ರಿ ಡ್ಯೂಟಿಯಲ್ಲಿದ್ದ ಪತಿಗೆ ಪ್ರೀತಿಯಿಂದ ಅಡುಗೆ ಮಾಡಿ ಊಟ ತಂದ ಪತ್ನಿಯ ವಿಡಿಯೋ ವೈರಲ್ ಆಗಿದೆ. ಈ ಹೃದಯ ಸ್ಪರ್ಶಿ ಕ್ಷಣದ ವಿಡಿಯೋ ನೋಡಿ ನೆಟ್ಟಿಗರು ಆದರ್ಶ ದಂಪತಿ ಎಂದು ಕಾಮೆಂಟ್ ಮಾಡಿದ್ದಾರೆ. ಈ ಕುರಿತಾದ ಸ್ಟೋರಿ ಇಲ್ಲಿದೆ.
ದಾಂಪತ್ಯ ಎಂದರೆ ಕಷ್ಟ ಸುಖದಲ್ಲಿ ಭಾಗಿಯಾಗಿ ಜತೆಗೆ ನಡೆಯುವುದು. ಹೆಣ್ಣು ತನ್ನ ಗಂಡನಿಂದ ಪ್ರೀತಿ ಕಾಳಜಿ ಬಯಸಿದರೆ, ದುಡಿಯುವ ಗಂಡಸುವ ಬಯಸೋದು ಪತ್ನಿ ಪ್ರೀತಿಯಿಂದ ಮಾಡುವ ಅಡುಗೆ, ನಗು ತುಂಬಿದ ಮುಖ ಹಾಗೂ ನೆಮ್ಮದಿ ಮಾತ್ರ. ಇದೀಗ ರಾತ್ರಿ ಪಾಳಿಯಲ್ಲಿಎಚ್‌ಡಿಎಫ್‌ಸಿ ಬ್ಯಾಂಕ್‌ನಲ್ಲಿ ಭದ್ರತಾ ಸಿಬ್ಬಂದಿಯಾಗಿ ಕೆಲಸ ಮಾಡುವ ಪತಿಗೆ (husband) ಪತ್ನಿ ಪ್ರೀತಿಯಿಂದ ಅಡುಗೆ ಮಾಡಿ ತಂದಿದ್ದು, ಇಬ್ಬರೂ ಜತೆಗೆ ಕುಳಿತು ಊಟ ಮಾಡುವ ದೃಶ್ಯ ನೆಟ್ಟಿಗರ ಗಮನ ಸೆಳೆದಿದೆ.
ರಾತ್ರಿ ಪಾಳಿಯಲ್ಲಿ ದುಡಿಯುವ ಪತಿಗೆ ಊಟ ತಂದು ಕೊಟ್ಟ ಪತ್ನಿ
ಜ್ಞಾನಾದ್ ಭಟ್ (Gnyanad Bhatt) ಎಂಬ ಎಕ್ಸ್ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ. ಈ ಕ್ಲಿಪಿಂಗ್ ಗೆ ನಿಮ್ಮ ಸಂತೋಷದ ದಿನಗಳಲ್ಲಿ ಎಲ್ಲರೂ ಜೊತೆಯಾಗಿರಬಹುದು; ಆದರೆ ಕಷ್ಟದ ಸಮಯದಲ್ಲಿ ಸದಾ ನಿಮ್ಮೊಂದಿಗಿರುವುದೇ ನಿಜವಾದ ಪ್ರೀತಿ ಎಂದು ಬರೆದುಕೊಂಡಿದ್ದಾರೆ. ಈ ವಿಡಿಯೋದಲ್ಲಿ ರಾತ್ರಿ ಪಾಳಿಯಲ್ಲಿ ಕೆಲಸ ಮಾಡುವ ಭದ್ರತಾ ಸಿಬ್ಬಂದಿಯೊಬ್ಬರಿಗೆ ಪತಿಯು ಊಟ ತಂದು ಕೊಟ್ಟಿರುವ ದೃಶ್ಯವನ್ನು ಕಾಣಬಹುದು. ಪತಿ ಪತ್ನಿಯರಿಬ್ಬರೂ ಕುಳಿತು ಊಟ ಮಾಡುತ್ತಿದ್ದಾರೆ.
ವೈರಲ್ ವಿಡಿಯೋ ಇಲ್ಲಿದೆ
ಇದನ್ನೂ ಓದಿ: ಮಗನ ಜತೆಗೆ ಮಾಜಿ ಪತ್ನಿಯ ಮದುವೆಗೆ ಶುಭ ಹಾರೈಸಲು ಬಂದ ವ್ಯಕ್ತಿ
ಈ ವಿಡಿಯೋ ಅಧಿಕ ವೀಕ್ಷಣೆಗಳನ್ನು ಪಡೆದುಕೊಂಡಿವೆ. ಒಬ್ಬ ಬಳಕೆದಾರ, ಇಂತಹ ಪ್ರೀತಿ ಕಾಣಸಿಗುವುದು ಅಪರೂಪ ಎಂದಿದ್ದಾರೆ. ಇನ್ನೊಬ್ಬರು, ಹೀಗೆ ನೂರು ಕಾಲ ಸುಖವಾಗಿ ಬಾಳಿ ಎಂದು ಹೇಳಿದ್ದಾರೆ. ಮತ್ತೊಬ್ಬರು, ಒಬ್ಬರಿಗೊಬ್ಬರು ಸಮಯ ಕೊಟ್ಟರೆ ಬದುಕು ಸುಂದರ ಎಂದು ಕಾಮೆಂಟ್ ಮಾಡಿದ್ದಾರೆ.
ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ