ತ್ಯಾಜ್ಯದಲ್ಲಿ ಸಿಕ್ಕ ಪ್ರಿಸ್ಕ್ರಿಪ್ಷನ್ ಚೀಟಿ ಆಧಾರದ ಮೇಲೆ ಕ್ಲಿನಿಕ್ ಪತ್ತೆ ಮಾಡಿ 15 ಸಾವಿರ ರೂ. ದಂಡ

ಬೆಂಗಳುರು, (ಅಕ್ಟೋಬರ್ 13): ವೈದ್ಯಕೀಯ ತ್ಯಾಜ್ಯ ಸುರಿದ ಕ್ಲಿನಿಕ್‌ಗೆ 15 ಸಾವಿರ ರೂ. ದಂಡ ವಿಧಿಸಲಾಗಿದೆ. ಬೆಂಗಳೂರು ದಕ್ಷಿಣ ನಗರ ಪಾಲಿಕೆ ಅಧಿಕಾರಿಗಳು ತ್ಯಾಜ್ಯ ವಿಲೇವಾರಿ ವಿರುದ್ಧ ಕಾರ್ಯಚರಣೆ ನಡೆಸಿದ್ದು, ಈ ವೇಳೆ ಬಿಟಿಎಂ ಲೇಔಟ್ ವಿಭಾಗದ ಈಜಿಪುರ–ಮಂಗಮ್ಮನಪಾಳ್ಯ ಮುಖ್ಯರಸ್ತೆಯಲ್ಲಿ ತ್ಯಾಜ್ಯ ಪತ್ತೆಯಾಗಿದೆ.ಔಷಧಿಗಳ ಪೊಟ್ಟಣ, ವೈದ್ಯಕೀಯ ತ್ಯಾಜ್ಯ ಹಾಗೂ ಮಿಶ್ರ ಕಸವನ್ನು ರಸ್ತೆಬದಿ ಎಸೆಯಲಾಗಿದ್ದು, ಸ್ಥಳದಲ್ಲಿ ಸಿಕ್ಕ ಪ್ರಿಸ್ಕ್ರಿಪ್ಷನ್ ಚೀಟಿ, ದಾಖಲೆಗಳಿಂದ ಅಲ್-ಶಿಫಾ ಪಾಲಿಕ್ಲಿನಿಕ್​​ಗೆ ಸೇರಿದ ತ್ಯಾಜ್ಯ ಎನ್ನುವುದು​​​ ಪತ್ತೆಯಾಗಿದೆ. ಹೀಗಾಗಿ ಆಯುಕ್ತ ಕೆ. ಎನ್. ರಮೇಶ್ ಅವರು ಸ್ಥಳದಲ್ಲೇ ಕ್ಲಿನಿಕ್​​ಗೆ 15,000 ದಂಡ ಹಾಕಿದ್ದಾರೆ. ಅಲ್ಲದೇ ವೈದ್ಯಕೀಯ ತ್ಯಾಜ್ಯವನ್ನು ಅಧಿಕೃತ ಏಜೆನ್ಸಿಗಳ ಮೂಲಕವೇ ವಿಲೇವಾರಿ ಮಾಡಲು ಸೂಚನೆ ನೀಡಿದ್ದಾರೆ.

ಕರ್ನಾಟಕದ ಮತ್ತಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ