‘ಖಾತೆ ಹ್ಯಾಕ್​ ಆಗಿದೆ, ಕಮೆಂಟ್​ ಇಲ್ಲ, ಫಾಲೋವರ್ಸ್​ ಇಲ್ಲ’: ತುಕಾಲಿ ಸಂತೋಷ್​

ಬಿಗ್​ ಬಾಸ್​ (BBK 10) ಶೋನಲ್ಲಿ ಹಾಸ್ಯ ನಟ ತುಕಾಲಿ ಸಂತೋಷ್​ ಅವರು ತಮ್ಮದೇ ರೀತಿಯಲ್ಲಿ ಗುರುತಿಸಿಕೊಂಡಿದ್ದರು. ಫಿನಾಲೆವರೆಗೂ ಬಂದ ಅವರು ಟ್ರೋಫಿ ಗೆಲ್ಲಲು ಸಾಧ್ಯವಾಗಲಿಲ್ಲ. ಸೋಶಿಯಲ್​ ಮೀಡಿಯಾದಲ್ಲಿ ಅವರ ಪರವಾಗಿ ಯಾವುದೇ ರೀತಿ ಪ್ರಚಾರ ನಡೆದಿರಲಿಲ್ಲ. ಆ ಬಗ್ಗೆ ತುಕಾಲಿ ಸಂತೋಷ್ (Tukali Santhosh)​ ಮಾತನಾಡಿದ್ದಾರೆ. ‘ನನ್ನ ಇನ್​ಸ್ಟಾಗ್ರಾಮ್​ ಖಾತೆ ಹ್ಯಾಕ್​ ಆಗಿದೆ. ನನಗೆ ಒಂದೇ ಒಂದು ಕಮೆಂಟ್​ ಇಲ್ಲ, ಫ್ಯಾನ್​ ಪೇಜ್​ ಇಲ್ಲ, ಫಾಲೋವರ್ಸ್​ ಇಲ್ಲ. ಆದರೂ ನಾನು ಹೊರಗೆ ಬಂದ ಬಳಿಕ ಸಂತು ನೀನು ಇಲ್ಲದೇ ಬಿಗ್​ ಬಾಸ್​ ಇಲ್ಲ ಅಂತಾರೆ. ಅಂದರೆ, ನನ್ನ ಜನ ಹೊರಗೆ ಇದ್ದಾರೆ. ಫ್ಯಾನ್​ ಪೇಜ್​ಗಿಂತಲೂ ದೊಡ್ಡದು ಇದೆ. ಅದಕ್ಕೆ ಬೆಲೆ ಕಟ್ಟೋಕೆ ಆಗಲ್ಲ’ ಎಂದು ತುಕಾಲಿ ಸಂತೋಷ್​ ಹೇಳಿದ್ದಾರೆ. 5ನೇ ರನ್ನರ್​ಅಪ್​ ಆಗಿ ಅವರು ಬಿಗ್​ ಬಾಸ್​ ಜರ್ನಿ ಮುಗಿಸಿದ್ದಾರೆ. ಈ ಶೋನಿಂದ ಅವರ ಖ್ಯಾತಿ ಹೆಚ್ಚಾಗಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ