ಅಭಿಮಾನಿಗಳ ಪ್ರೀತಿ ವಿಶ್ವಾಸ ಕಂಡು ಭಾವುಕರಾಗಿ ಕಣ್ಣೀರು ಹಾಕಿದ ಶಾಸಕ ಹೆಚ್ ಡಿ ರೇವಣ್ಣ

ಬೆಂಗಳೂರು: ಅಭಿಮಾನಿಗಳು ಮತ್ತು ಬೆಂಬಲಿಗರ ಪ್ರೀತಿ ವಿಶ್ವಾಸಕ್ಕೆ ಹೊಳೆನರಸೀಪುರ ಶಾಸಕ ಹೆಚ್ ಡಿ ರೇವಣ್ಣ (HD Revanna) ಭಾವುಕರಾಗುತ್ತಿದ್ದಾರೆ. ಮಹಿಳೆಯೊಬ್ಬರ ಅಪಹರಣ ಪ್ರಕರಣದಲ್ಲಿ (woman abduction case) ಅವರು ಬಂದನಕ್ಕೊಳಗಾಗಿ ಜೈಲು ಸೇರಿ ನಿನ್ನೆ ಜಾಮೀನು ಪಡೆದು ಹೊರಬಂದಿದ್ದು ಎಲ್ಲರಿಗೂ ಗೊತ್ತಿರುವ ಸಂಗತಿಯೇ. ರೇವಣ್ಣರನ್ನು ಕಂಡು ಮಾತಾಡಿಸಲು ಬೆಂಬಲಿಗರ (supporters) ಮಹಾಪೂರ ಹರಿದು ಬರುತ್ತಿದೆ. ನಿನ್ನೆ ಮಾಜಿ ಪ್ರಧಾನಿ ಹೆಚ್ ಡಿ ರೇವಣ್ಣ ಮನೆ ಮುಂದೆ ಸಾವಿರಾರು ಅಭಿಮಾನಿಗಳು ನೆರೆದಿದ್ದರು. ಇವತ್ತು ಬೆಂಗಳೂರಿನ ಬಸವನಗುಡಿಯಲ್ಲಿರುವ ರೇವಣ್ಣ ಮನೆ ಮುಂದೆ ಅಭಿಮಾನಿಗಳ ದಂಡನ್ನು ದೃಶ್ಯಗಳಲ್ಲಿ ನೋಡಬಹುದು. ಅವರೊಡನೆ ಮಾತಾಡಲು ರೇವಣ್ಣ ಹೊರ ಬಂದಾಗ ಜನ ಅಣ್ಣಾ ನಿಮ್ಮೊಂದಿಗೆ ನಾವಿದ್ದೇವೆ, ನೀವು ಯಾವ ಕಾರಣಕ್ಕೂ ಹೆದರಬಾರದು ಅಂತ ಕಿರುಚುವ ಧ್ವನಿಯಲ್ಲಿ ಹೇಳಿದರು. ರೆವಣ್ಣ ಹತ್ತಿರ ಹೋಗುವಲ್ಲಿ ಸಫಲರಾದ ಕೆಲವರು ಅವರನ್ನು ತಬ್ಬಿಕೊಂಡು ಕಣ್ಣೀರು ಸುರಿಸಿದರು ಮತ್ತು ಕೆಲವರು ಅವರ ಗದ್ದ, ಕೆನ್ನೆ ನೇವರಿಸಿ ತಮ್ಮ ಪ್ರೀತಿ-ಅಭಿಮಾನ ವ್ಯಕ್ತಪಡಿಸಿದರು. ರೇವಣ್ಣರಿಗೂ ಭಾವನೆಗಳನ್ನು ಅದುಮಿಡುವುದು ಸಾಧ್ಯವಾಗದೆ ಕಣ್ಣೀರು ಸುರಿಸಿದಾಗ ಬೆಂಬಲಿಗರು, ಅಣ್ಣಾ ದಯವಿಟ್ಟು ಅಳಬೇಡಿ, ನಾವಿದ್ದೇವೆ ಅಂತ ಭರವಸೆ ನೀಡಿದರು.

ಮತ್ತಷ್ಟು ವಿಡಿಯೋ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

ಇದನ್ನೂ ಓದಿ: Prajwal Revanna case: ಪ್ರಜ್ವಲ್ ದುಬೈಯಿಂದ ಬೆಂಗಳೂರುಗೆ ಬರುವ ಮಾಹಿತಿ, ವಿಮಾನ ನಿಲ್ದಾಣದಲ್ಲೇ ಬಂಧನ ಸಾಧ್ಯತೆ!