‘ಬಿಗ್​ ಬಾಸ್​ನಲ್ಲಿ ಮೊದಲಿಗೆ ನನ್ನನ್ನು ಜಾಸ್ತಿ ತೋರಿಸಿಲ್ಲ’: ಕಾರಣ ತಿಳಿಸಿದ ಮೈಕಲ್​ ಅಜಯ್​

ನೈಜೀರಿಯಾ ಕನ್ನಡಿಗ ಮೈಕಲ್​ ಅಜಯ್​ (Michael Ajay) ಅವರು ‘ಬಿಗ್​ ಬಾಸ್​ ಕನ್ನಡ ಸೀಸನ್​ 10’ (BBK 10) ರಿಯಾಲಿಟಿ ಶೋನಿಂದ ಎಲಿಮಿನೇಟ್​ ಆಗಿದ್ದಾರೆ. ಎಲಿಮಿನೇಷನ್​ ಬಳಿಕ ‘ಟಿವಿ9’ ಜೊತೆ ಅವರು ಮಾತನಾಡಿದ್ದಾರೆ. ಆರಂಭದಲ್ಲಿ ಮೈಕಲ್​ ಅವರಿಗೆ ಚೆನ್ನಾಗಿ ಕನ್ನಡ (Kannada) ಮಾತನಾಡಲು ಬರುತ್ತಿರಲಿಲ್ಲ. ಬಳಿಕ ಅವರು ಕಲಿಯುವ ಪ್ರಯತ್ನ ಮಾಡಿದರು. ಅದಕ್ಕೆ ಕಿಚ್ಚನ ಚಪ್ಪಾಳೆ ಕೂಡ ಸಿಕ್ಕಿತ್ತು. ಆರಂಭದಿಂದಲೇ ಈ ಪ್ರಯತ್ನ ಇದ್ದಿದ್ದರೆ ಫಿನಾಲೆ ತಲುಪಬಹುದಿತ್ತು ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ. ‘ಮೊದಲಿಗೆ ನನ್ನ ಕನ್ನಡ ಅಷ್ಟು ಚೆನ್ನಾಗಿ ಇರಲಿಲ್ಲ. ಹಾಗಾಗಿ ಜಾಸ್ತಿ ಮಾತಾಡೋಕೆ ಆಗಲಿಲ್ಲ. ಹೊರಗೆ ಬಂದ ಬಳಿಕ ನನಗೆ ಗೊತ್ತಾಗಿದ್ದು ಏನೆಂದರೆ, ಆ ಟೈಮ್​ನಲ್ಲಿ ನನ್ನನ್ನು ಜಾಸ್ತಿ ತೋರಿಸಿಲ್ಲ. ನಾನು ಕನ್ನಡ ಜಾಸ್ತಿ ಮಾತಾಡಿದಾಗ ನನ್ನನ್ನು ಜಾಸ್ತಿ ತೋರಿಸಲು ಶುರು ಮಾಡಿದರು. ಆಗ ಜನರಿಗೆ ಇಂಟರೆಸ್ಟ್​ ಶುರುವಾಯಿತು’ ಎಂದು ಮೈಕಲ್​ ಅಜಯ್​ ಹೇಳಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ