ಮೈಸೂರು ದಸರಾ: ರಾಜಪರಂಪರೆ ದಸರೆಯ ಇಂಚಿಂಚೂ ಮಾಹಿತಿ; ವಿಡಿಯೋ ನೋಡಿ
Updated on: Sep 23, 2026 | 9:29 PM
ಮೈಸೂರು ಅರಮನೆಯಲ್ಲಿ ಖಾಸಗಿ ದಸರಾ ಸಿದ್ಧತೆಗಳು ಭರದಿಂದ ಸಾಗಿವೆ. ಅಕ್ಟೋಬರ್ 5ರಿಂದಲೇ ಪ್ರಮೋದಾದೇವಿ ಒಡೆಯರ್ ಮಾರ್ಗದರ್ಶನದಲ್ಲಿ ನವಗ್ರಹ ಹೋಮ, ರತ್ನಖಚಿತ ಸಿಂಹಾಸನ ಜೋಡಣೆ, ಯದುವೀರ ಕೃಷ್ಣದತ್ತ ಚಾಮರಾಜ ಒಡೆಯರ್ ಕಂಕಣಧಾರಣೆ ಮತ್ತು ಖಾಸಗಿ ದರ್ಬಾರ್ಗೆ ಚಾಲನೆ ದೊರೆಯಲಿದೆ. ಈ ವಿಡಿಯೋ ನೋಡಿ.
ಮೈಸೂರು, ಸೆಪ್ಟೆಂಬರ್ 23: ಸಾಂಸ್ಕೃತಿಕ ನಗರಿ ಮೈಸೂರಿನಲ್ಲಿ ದಸರಾ ಸಂಭ್ರಮ ಮನೆ ಮಾಡಿದೆ. ಒಂದು ಕಡೆ ರಾಜ್ಯ ಸರ್ಕಾರವು ನಡೆಸುವ ನಾಡಹಬ್ಬ ದಸರಾಕ್ಕಾಗಿ ಸಿದ್ಧತೆಗಳು ಭರದಿಂದ ಸಾಗಿದ್ದರೆ, ಮತ್ತೊಂದು ಕಡೆ ಮೈಸೂರು ಅರಮನೆಯಲ್ಲಿ ರಾಜಪರಂಪರೆಯ ದಸರಾ ಆಚರಣೆಗಳಿಗೂ ಸಿದ್ಧತೆಗಳು ನಡೆದಿವೆ. ಅಕ್ಟೋಬರ್ 5 ರಂದು ಪ್ರಮೋದಾದೇವಿ ಒಡೆಯರ್ ಅವರ ಮಾರ್ಗದರ್ಶನದಲ್ಲಿ ನವಗ್ರಹ ಹೋಮದೊಂದಿಗೆ ಖಾಸಗಿ ದಸರಾ ಆಚರಣೆಗಳು ಆರಂಭಗೊಳ್ಳಲಿವೆ. ಇದೇ ದಿನ ರತ್ನಖಚಿತ ಸಿಂಹಾಸನವನ್ನು ಜೋಡಣೆ ಮಾಡಲಾಗುತ್ತದೆ. ಅಕ್ಟೋಬರ್ 11 ರಂದು ಯದುವೀರ ಕೃಷ್ಣದತ್ತ ಚಾಮರಾಜ ಒಡೆಯರ್ ಅವರು ಕಂಕಣಧಾರಣೆ ಮಾಡಲಿದ್ದು, ನಂತರ ಸಿಂಹಾಸನಾರೋಹಣಗೊಂಡು ಖಾಸಗಿ ದರ್ಬಾರ್ ನಡೆಸುತ್ತಾರೆ. ಅಕ್ಟೋಬರ್ 20ರಂದು ಮಹಾನವಮಿಯಂದು ಆಯುಧ ಪೂಜೆ ನಡೆಯಲಿದೆ. ಕೊನೆಯ ದಿನ ಅಕ್ಟೋಬರ್ 21ರ ವಿಜಯದಶಮಿಯಂದು ಅರಮನೆಯಿಂದ ಹೊರಡುವ ಮೆರವಣಿಗೆ ಭುವನೇಶ್ವರಿ ದೇವಾಲಯದಲ್ಲಿ ಶಮಿ ಪೂಜೆ ಸಲ್ಲಿಸಿ, ಕಂಕಣ ವಿಸರ್ಜನೆಯೊಂದಿಗೆ ಸಂಪನ್ನಗೊಳ್ಳಲಿದೆ.
ಮತ್ತಷ್ಟು ವಿಡಿಯೋ ಸುದ್ದಿಗಳನ್ನು ನೋಡಲು ಇಲ್ಲಿ ಕ್ಲಿಕ್ ಮಾಡಿ.
