ನನ್ ಬ್ರದರ್ ಹೇಳಿದ್ರಾ? ಕಾರ್ತಿಕ್​ನನ್ನು ಮಲೇಷ್ಯಾಗೆ ಕಳಿಸಿದ್ಯಾರು ಎಂದ ಎಚ್​ಡಿಕೆಗೆ ಡಿಕೆಶಿ ಟಾಂಟ್

ಬೆಂಗಳೂರು, ಮೇ 1: ಪ್ರಜ್ವಲ್ ರೇವಣ್ಣ ಲೈಂಗಿಕ ದೌರ್ಜನ್ಯ ಆರೋಪದ ಪ್ರಕರಣದಲ್ಲಿ (Prajwal Revanna sex scandal) ರಾಜಕೀಯ ವಾಗ್ಯುದ್ಧ ನಡೆಯುತ್ತಿದೆ. ಪ್ರಜ್ವಲ್ ರೇವಣ್ಣ ವಿದೇಶಕ್ಕೆ ಹೋಗಿರುವುದು, ಪೆನ್ ಡ್ರೈವ್ ಲೀಗ್ ಆಗಿದ್ದರ ರೂವಾರಿ ಡ್ರೈವರ್ ಕಾರ್ತಿಕ್ ಮಲೇಷ್ಯಾದಲ್ಲಿರುವ ವಿಚಾರ ಕಾಂಗ್ರೆಸ್ ಮತ್ತು ಎನ್​ಡಿಎ ಮಧ್ಯೆ ಆರೋಪ ಪ್ರತ್ಯಾರೋಪಕ್ಕೆ ಕಾರಣವಾಗಿದೆ. ಈ ವಿಚಾರವಾಗಿ ಯಾರು ಏನು ಮಾತಾಡಿದರು, ಇಲ್ಲಿದೆ ಡೀಟೇಲ್ಸ್….

ಎಚ್​ಡಿ ಕುಮಾರಸ್ವಾಮಿ: ಡ್ರೈವರ್ ಕಾರ್ತಿಕ್ ಪ್ರೆಸ್ ಮೀಟ್ ಮಾಡಿ ಹೇಳಿದ್ದಾರಾ? ವಿಡಿಯೋ ಮಾಡಿ ಹೇಳಿಕೆ ನೀಡಿದ್ದಾರೆ. ಮಲೇಷ್ಯಾದಿಂದ ವಿಡಿಯೋ ಮಾಡಿ ಕಳುಹಿಸಿದ್ದಾನೆ. ಅವನನ್ನು ಮಲೇಷ್ಯಾಗೆ ಕಳಿಸಿದ್ದು ಯಾರು?

ಡಿಕೆ ಶಿವಕುಮಾರ್: ಯಾರು ನನ್ನ ಬ್ರದರ್ ಹೇಳಿದ್ರಾ? ಅವರಿಗೆ ಎಲ್ಲಾ ಇನ್ಫಾರ್ಮೇಶನ್ ಗೊತ್ತಿರಬೇಕಲ್ವ. ಸೆಂಟ್ರಲ್​ನಿಂದ ಮಾಹಿತಿ ತರಿಸಲಿ…. ನಂಗೇನು ತಲೆ ಕೆಟ್ಟಿದ್ಯಾ? ರೋಡಲ್ಲಿ ಫೈಟ್ ಮಾಡ್ತೀನಿ. ಹಿಂದೆ ಯಾರನ್ನೋ ಕಳುಹಿಸೋದು, ತೋಟದಲ್ಲಿ ಮಡಗೋದು ಇವೆಲ್ಲಾ ನಂಗೆ ಅಭ್ಯಾಸ ಇಲ್ಲ.

ಇದನ್ನೂ ಓದಿ: ಪಕ್ಷದ ಕಾರ್ಯಕರ್ತೆಯರ ಕರೆಸಿ ಫಾರ್ಮ್​ಹೌಸ್​ನಲ್ಲಿ ಅಶ್ಲೀಲ ವಿಡಿಯೋ ರೆಕಾರ್ಡಿಂಗ್ ಮಾಡಲಾಗಿತ್ತಾ?

ಡಿಕೆ ಸುರೇಶ್: ಕುಮಾರಸ್ವಾಮಿಗೆ ಏನೇನು ಮಾಹಿತಿ ಇರುತ್ತದೋ ನಂಗೆ ಗೊತ್ತಿಲ್ಲ. ಇಂಟರ್ನ್ಯಾನಲ್ ಏಜೆನ್ಸಿ ಇಟ್ಕೊಂಡಿರ್ತಾರೆ ಅವರಿಗೆ ಮಾಹಿತಿ ಇರುತ್ತದೆ. ಇಷ್ಯೂನ ಡೈವರ್ಟ್ ಮಾಡೋಕೆ ಬೇರೆಯವರನ್ನ ಡೈವರ್ಟ್ ಮಾಡ್ತಿರ್ತಾರೆ.

ಪ್ರಲ್ಹಾದ್ ಜೋಷಿ: ನನ್ನ ನೇರವಾದ ಆರೋಪ ಎಂದರೆ ಸಿದ್ದರಾಮಯ್ಯರೇ ಪ್ರಜ್ವಲ್​ ರೇವಣ್ಣ ಅವರನ್ನು ವಿದೇಶಕ್ಕೆ ಕಳುಹಿಸಿದ್ದು. ಇದರಲ್ಲಿ ಯಾವ ಅನುಮಾನವೂ ಇಲ್ಲ. ಈಗ ಡ್ರಾಮಾ ಆಡೋಕೆ ಪ್ರಧಾನಿಗೆ ಪತ್ರ ಬರೀತಾರೆ. ಎಫ್​ಐಆರ್ ಆಗಿಲ್ಲ ಮತ್ತೊಂದು ಆಗಿಲ್ಲ, ಕೇಂದ್ರ ಸರ್ಕಾರ ಏನು ಮಾಡೋಕೆ ಆಗುತ್ತೆ?.

ಸಿದ್ದರಾಮಯ್ಯ: ವಿದೇಶಕ್ಕೆ ಹೋಗೋಕೆ ವೀಸಾ ಕೊಡೋದು ಯಾರು? ಇವರಿಗೆ ಗೊತ್ತಿಲ್ಲದೆ ಹೋಗೋಕೆ ಆಗುತ್ತಾ? ದೇವೇಗೌಡರೇ ಪ್ಲಾನ್ ಮಾಡಿ ಕಳುಹಿಸಿರೋದು.

ಇದನ್ನೂ ಓದಿ: ಪ್ರಜ್ವಲ್ ರೇವಣ್ಣ ಪ್ರಕರಣ: ಪೆನ್ ಡ್ರೈವ್​ಗಳನ್ನು ಡಿಕೆ ಶಿವಕುಮಾರ್ 2 ತಿಂಗಳು ತಮ್ಮ ಬಳಿ ಇಟ್ಟುಕೊಂಡಿದ್ದು ಯಾಕೆ? ಬಿವೈ ವಿಜಯೇಂದ್ರ

ಜಿಟಿ ದೇವೇಗೌಡ: ಎಂಪಿ ಆದವರಿಗೆ ರೆಡ್ ಪಾಸ್​ಪೋರ್ಟ್ ಕೊಡಲಾಗುತ್ತೆ. ಜರ್ಮನಿ ಮೊದಲಾದ ದೇಶಗಳಿಗೆ ಇವರು ಹೋಗೋಕೆ ವೀಸಾನೆ ಬೇಕಿಲ್ಲ.

ಆರ್.ಬಿ. ತಿಮ್ಮಾಪುರ: ಈ ಪ್ರಜ್ವಲ್ ರೇವಣ್ಣ ಕೃಷ್ಣ ದಾಖಲೆಯನ್ನು ಮುರೀತಾನೆ ಅನ್ಸುತ್ತೆ.

ಇನ್ನಷ್ಟು ವಿಡಿಯೋ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ