ವಾಷಿಂಗ್ ಮಷಿನ್ನಿಂದ ಇಣುಕಿದ ಮುಖ ನೋಡಿ ಹೌಹಾರಿದ ದಂಪತಿ; ಕಿವಿಯಷ್ಟೇ ಮೊದಲು ಕಾಣಿಸಿತ್ತು !
ಮಹಿಳೆಯ ಹೆಸರು ನತಾಶಾ ಪ್ರಯಾಗ್. ಹೊರಗೆಲ್ಲೋ ಪ್ರಯಾಣಕ್ಕೆ ಹೋಗಿದ್ದ ನತಾಶಾ ಮತ್ತು ಅವರ ಪತಿ ಆದಂ ಮನೆಗೆ ಬಂದು ಬಾಗಿಲು ತೆಗೆದು, ಕಾರಿನಲ್ಲಿದ್ದ ಬ್ಯಾಗ್ಗಳನ್ನು ಒಂದಾದ ಬಳಿಕ ಮತ್ತೊಂದು ತೆಗೆಯುತ್ತ ನಿಂತಿದ್ದರು.
Updated on:May 29, 2021 | 10:49 PM
ಮಹಿಳೆಯೊಬ್ಬರು ತಮ್ಮ ಮನೆಯ ವಾಷಿಂಗ್ ಮಷಿನ್ ಬಾಗಿಲು ತೆಗೆಯುತ್ತಿದ್ದಂತೆ ಹೊರಬಂದ ಮುಖವನ್ನು ನೋಡಿ ಅಕ್ಷರಶಃ ಕಂಗಾಲಾಗಿ ಹೋಗಿದ್ದಾರೆ. ವಾಷಿಂಗ್ ಮಷಿನ್ನಲ್ಲಿ ಬೆಕ್ಕು ಹೊಕ್ಕುವುದು ಸಾಮಾನ್ಯ. ಆದರೆ ಈ ಮಹಿಳೆಯನ್ನು ಹೆದರಿಸಿದ್ದು ಬೆಕ್ಕಲ್ಲ !
ಘಟನೆ ನಡೆದಿದ್ದು ಲಂಡನ್ನಲ್ಲಿ. ಮಹಿಳೆ ಟ್ವಿಟರ್ನಲ್ಲಿ ತಮಗಾದ ಅನುಭವ ಹೇಳಿಕೊಂಡಿದ್ದಲ್ಲದೆ, ವಾಷಿಂಗ್ ಮಷಿನ್ ಒಳಗಿನಿಂದ ಮುಖವನ್ನಷ್ಟೇ ಹೊರಹಾಕಿ ಇಣುಕುತ್ತ ನಿಂತ ನರಿಯ ಫೋಟೋವನ್ನೂ ಅಪ್ಲೋಡ್ ಮಾಡಿದ್ದಾರೆ.
ಮಹಿಳೆಯ ಹೆಸರು ನತಾಶಾ ಪ್ರಯಾಗ್. ಹೊರಗೆಲ್ಲೋ ಪ್ರಯಾಣಕ್ಕೆ ಹೋಗಿದ್ದ ನತಾಶಾ ಮತ್ತು ಅವರ ಪತಿ ಆದಂ ಮನೆಗೆ ಬಂದು ಬಾಗಿಲು ತೆಗೆದು, ಕಾರಿನಲ್ಲಿದ್ದ ಬ್ಯಾಗ್ಗಳನ್ನು ಒಂದಾದ ಬಳಿಕ ಮತ್ತೊಂದು ತೆಗೆಯುತ್ತ ನಿಂತಿದ್ದರು. ಆಗ ಬಹುಶಃ ಈ ನರಿ ಒಳ ಸೇರಿರಬೇಕು ಎನ್ನುತ್ತಾರೆ ನತಾಶಾ. ಅದು ಹೇಗೋ ಒಳ ಸೇರಿದ ನರಿ, ಬಳಿಕ ಅಡಗಲು ಒಂದು ಸುರಕ್ಷಿತ ಸ್ಥಳವನ್ನು ಹುಡುಕಿದೆ. ಆಗ ಕಾಣಿಸಿದ ವಾಷಿಂಗ್ ಮಷಿನ್ನಲ್ಲಿ ಹೊಕ್ಕಿದೆ ಎಂಬುದು ನತಾಶಾ ಅವರ ಅಭಿಪ್ರಾಯ. ಇದೀನ ನತಾಶಾ ಪ್ರಯಾಗ್ ಪೋಸ್ಟ್ ಮಾಡಿರುವ ಫೋಟೋ ಸಿಕ್ಕಾಪಟೆ ವೈರಲ್ ಆಗುತ್ತಿದೆ.
ಮೊದಲು ನರಿಯ ಕೂಗು ಕೇಳಿತು. ನಾವು ಹುಡುಕಿದೆವು. ಮೊದಲು ಅಡುಗೆ ಮನೆ, ಕಿಟಕಿಯ ಹತ್ತಿರ ಪರೀಕ್ಷಿಸಿ, ತಿರುಗುವಷ್ಟರಲ್ಲಿ ವಾಷಿಂಗ್ ಮಷಿನ್ನಲ್ಲಿ ಒಂದು ಕಿವಿ ಕಂಡುಬಂತು. ಪೂರ್ತಿ ಬಾಗಿಲು ತೆರೆಯುತ್ತಿದ್ದಂತೆ ಅಲ್ಲಿ ನರಿ ಇರುವುದು ಗೊತ್ತಾಯಿತು. ಅದನ್ನು ನೋಡಿ ನಾವು ಸಿಕ್ಕಾಪಟೆ ಕಂಗಾಲಾದೆವು. ನಂತರ ಅದನ್ನು ಸುರಕ್ಷಿತ ಪ್ರದೇಶಕ್ಕೆ ಕಳಿಸಲಾಗಿದೆ ಎಂದು ನತಾಶಾ ಆ ಸಂದರ್ಭವನ್ನು ವಿವರಿಸಿದ್ದಾರೆ.
ಇದನ್ನೂ ಓದಿ: ಯೋಗಗುರು ಬಾಬಾ ರಾಮ್ದೇವ್ ವಿರುದ್ಧ ಜೂ.1ರಂದು ದೇಶಾದ್ಯಂತ ಪ್ರತಿಭಟನೆ ನಡೆಸಲು ಅಲೋಪಥಿಕ್ ವೈದ್ಯರ ನಿರ್ಧಾರ
Published On - 10:49 pm, Sat, 29 May 21
