Plane Crash: ಅಲಾಸ್ಕಾದಲ್ಲಿ 8 ಜನರಿದ್ದ ಪ್ರಯಾಣಿಕರ ವಿಮಾನ ಪತನ
ಪಶ್ಚಿಮ ಅಲಾಸ್ಕಾದ ಹಿಮಭರಿತ ಪ್ರದೇಶದಲ್ಲಿ ಎಂಟು ಜನರಿದ್ದ ಚಾರ್ಟರ್ ವಿಮಾನ ಪತನಗೊಂಡಿದೆ. ಕೇಪ್ ನ್ಯೂವೆನ್ಹ್ಯಾಮ್ ಬಳಿ ನಡೆದ ಈ ದುರಂತದಲ್ಲಿ ಇಬ್ಬರು ಪೈಲಟ್ಗಳು ಮತ್ತು ಆರು ಪ್ರಯಾಣಿಕರಿದ್ದರು. ಅಲಾಸ್ಕಾ ರಕ್ಷಣಾ ಸಮನ್ವಯ ಕೇಂದ್ರ ಹಾಗೂ ಯುಎಸ್ ಕೋಸ್ಟ್ ಗಾರ್ಡ್ ನೆರವಿನೊಂದಿಗೆ ಶೋಧ ಮತ್ತು ರಕ್ಷಣಾ ಕಾರ್ಯಾಚರಣೆ ನಡೆಯುತ್ತಿದೆ. ಪ್ರತಿಕೂಲ ಹವಾಮಾನ ಮತ್ತು ದೂರದ ಪ್ರದೇಶದಿಂದಾಗಿ ಬದುಕುಳಿದವರ ಬಗ್ಗೆ ಇನ್ನೂ ಮಾಹಿತಿ ಲಭ್ಯವಾಗಿಲ್ಲ. FAA ಮತ್ತು NTSB ತನಿಖೆ ಆರಂಭಿಸಿವೆ.
Updated on: Aug 21, 2026 | 11:58 AM
ಅಲಾಸ್ಕಾ, ಆಗಸ್ಟ್ 21: ಪಶ್ಚಿಮ ಅಲಾಸ್ಕಾದ ದೂರದ ಹಿಮಭರಿತ ಪ್ರದೇಶದಲ್ಲಿ ಎಂಟು ಜನರನ್ನು ಹೊತ್ತೊಯ್ಯುತ್ತಿದ್ದ ಪ್ರಯಾಣಿಕರ ವಿಮಾನವೊಂದು ಪತನ(Plane Crash)ಗೊಂಡಿದೆ. ರಾಷ್ಟ್ರೀಯ ಸಾರಿಗೆ ಸುರಕ್ಷತಾ ಮಂಡಳಿಯ (NTSB) ಅಲಾಸ್ಕಾ ಮುಖ್ಯಸ್ಥ ಕ್ಲಿಂಟ್ ಜಾನ್ಸನ್ ಅವರ ಪ್ರಕಾರ, ಆಂಕಾರೇಜ್ ನಗರದಿಂದ ಹೊರಟಿದ್ದ ಈ ವಿಮಾನವು ಕೇಪ್ ನ್ಯೂವೆನ್ಹ್ಯಾಮ್ ಲಾಂಗ್ ರೇಂಜ್ ರಾಡಾರ್ ಸೈಟ್ ಸಮೀಪಿಸುತ್ತಿದ್ದಾಗ ಅಪಘಾತಕ್ಕೀಡಾಗಿದೆ.
ವಿಮಾನದಲ್ಲಿ ಇಬ್ಬರು ಪೈಲಟ್ಗಳು ಹಾಗೂ ಆರು ಮಂದಿ ಪ್ರಯಾಣಿಕರಿದ್ದರು. ಅಪಘಾತದ ಮಾಹಿತಿ ತಿಳಿಯುತ್ತಿದ್ದಂತೆಯೇ ಅಲಾಸ್ಕಾ ರಕ್ಷಣಾ ಸಮನ್ವಯ ಕೇಂದ್ರವು (RCC) ಯುಎಸ್ ಕೋಸ್ಟ್ ಗಾರ್ಡ್ ನೆರವಿನೊಂದಿಗೆ ತುರ್ತು ಶೋಧ ಮತ್ತು ರಕ್ಷಣಾ ಕಾರ್ಯಾಚರಣೆಯನ್ನು ಆರಂಭಿಸಿದೆ.
ಭೌಗೋಳಿಕವಾಗಿ ಅತ್ಯಂತ ಕಡಿದಾದ ಮತ್ತು ದೂರದ ಪ್ರದೇಶದಲ್ಲಿ ಈ ದುರ್ಘಟನೆ ಸಂಭವಿಸಿರುವುದರಿಂದ ಬದುಕುಳಿದವರ ಬಗ್ಗೆ ತಕ್ಷಣಕ್ಕೆ ಯಾವುದೇ ಅಧಿಕೃತ ಮಾಹಿತಿ ಲಭ್ಯವಾಗಿಲ್ಲ. ಸಿಟ್ಕಾದ ಹಾರ್ಬರ್ ಮೌಂಟೇನ್ ಬಳಿ ತರಬೇತಿ ಹಾರಾಟದಲ್ಲಿದ್ದಾಗ ಯುಎಸ್ ಕೋಸ್ಟ್ ಗಾರ್ಡ್ನ MH-60 ಜೇಹಾಕ್ ಹೆಲಿಕಾಪ್ಟರ್ ಪತನಗೊಂಡು ನಾಲ್ವರು ಸಿಬ್ಬಂದಿ ಗಾಯಗೊಂಡಿದ್ದರು.
ಮತ್ತಷ್ಟು ಓದಿ: ಕೀನ್ಯಾದಲ್ಲಿ ಪ್ರವಾಸಿ ಹೆಲಿಕಾಪ್ಟರ್ ಪತನ: ಈಕ್ವೆಡಾರ್ ಗುಪ್ತಚರ ಮುಖ್ಯಸ್ಥ, ಪತ್ನಿ ಹಾಗೂ 5 ಅಮೆರಿಕನ್ನರ ದುರ್ಮರಣ
ಇತರ ಇತ್ತೀಚಿನ ದುರಂತಗಳು: ಟೆಕ್ಸಾಸ್ನ ಲಾರೆಡೊದಲ್ಲಿ ಹೆದ್ದಾರಿಗೆ ಬಿಸಿನೆಸ್ ಜೆಟ್ ಅಪ್ಪಳಿಸಿ ಸಾವು ಸಂಭವಿಸಿತ್ತು; ಜೊತೆಗೆ ಕ್ಯಾಲಿಫೋರ್ನಿಯಾದಲ್ಲಿ ಬಿ-52 ಬಾಂಬರ್ ಪರೀಕ್ಷಾರ್ಥ ಹಾರಾಟ ವೇಳೆ ೮ ಮಂದಿ ಹಾಗೂ ಮಿಸೌರಿಯಲ್ಲಿ ಸ್ಕೈಡೈವರ್ಗಳ ವಿಮಾನ ಪತನಗೊಂಡು 12 ಮಂದಿ ಮೃತಪಟ್ಟಿದ್ದರು.
ಅಲಾಸ್ಕಾದ ಹವಾಮಾನ ಸವಾಲು: ಅಲಾಸ್ಕಾದ ಕರಾವಳಿ ಮತ್ತು ರಾಡಾರ್ ಸೈಟ್ಗಳ ಪ್ರದೇಶವು ವಿಪರೀತ ಹಿಮಪಾತ, ಮಂಜು ಮತ್ತು ಕ್ಷಿಪ್ರ ಹವಾಮಾನ ಬದಲಾವಣೆಗಳಿಗೆ ಕುಖ್ಯಾತವಾಗಿದ್ದು, ಇದು ಸಣ್ಣ ಚಾರ್ಟರ್ ವಿಮಾನಗಳ ಹಾರಾಟಕ್ಕೆ ನಿರಂತರ ಸವಾಲಾಗಿದೆ.
ತನಿಖೆಗೆ ಆದೇಶ: ಫೆಡರಲ್ ಏವಿಯೇಷನ್ ಅಡ್ಮಿನಿಸ್ಟ್ರೇಷನ್ (FAA) ಮತ್ತು NTSB ಅಪಘಾತಕ್ಕೆ ತಾಂತ್ರಿಕ ದೋಷವೇ ಅಥವಾ ಪ್ರತಿಕೂಲ ವಾತಾವರಣ ಕಾರಣವೇ ಎಂಬುದರ ಕುರಿತು ಅಧಿಕೃತ ತನಿಖೆ ಆರಂಭಿಸಿವೆ.
ಅಂತಾರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
