ಅಂಗೋಲಾದ ಮಾಜಿ ಅಧ್ಯಕ್ಷ ಡೋಸ್ ಸಾಂಟೋಸ್ ನಿಧನ

ಬಾರ್ಸಿಲೋನಾ: ಅಂಗೋಲಾದ (Angola) ಮಾಜಿ ಅಧ್ಯಕ್ಷ ಜೋಸ್ ಎಡುವಾರ್ಡೊ ಡೋಸ್ ಸಾಂಟೋಸ್(Jose Eduardo dos Santos) ಶುಕ್ರವಾರ ನಿಧನರಾಗಿದ್ದಾರೆ. ಆಫ್ರಿಕಾದಲ್ಲಿ ಎರಡನೇ ಅತೀ ದೊಡ್ಡ ತೈಲ ಉತ್ಪಾದಕರಾಗಿರುವ ಅಂಗೋಲಾವನ್ನು ನಾಲ್ಕು ದಶಕಗಳ ಕಾಲ ಆಳಿದ್ದ ಸಾಂಟೋಸ್ ಅವರು 79ನೇ ವಯಸ್ಸಲ್ಲಿ ನಿಧನರಾಗಿದ್ದಾರೆ ಎಂದು ಅಂಗೋಲನ್ ಪ್ರೆಸಿಡೆನ್ಸಿ  ಫೇಸ್​​ಬುಕ್​​ನಲ್ಲಿ ಹೇಳಿದೆ. ದೀರ್ಘಕಾಲದ ಅನಾರೋಗ್ಯದಿಂದ ಬಳಲುತ್ತಿದ್ದ ಮಾಜಿ ಅಧ್ಯಕ್ಷರು ಸ್ಪಾನಿಶ್ ಸಮಯ ಬೆಳಗ್ಗೆ 11.10ಕ್ಕೆ ಬಾರ್ಸಿಲೊನಾ ಟೆಕ್ನಾನ್ ಕ್ಲಿನಿಕ್ ನಲ್ಲಿ ಕೊನೆಯುಸಿರೆಳೆದಿದ್ದಾರೆ ಎಂದು ಪ್ರೆಸಿಡೆನ್ಸಿ ಹೇಳಿದೆ. ಬಾರ್ಸಿಲೋನಾ ಟೆಕ್ನಾನ್ ಕ್ಲಿನಿಕ್ ವಕ್ತಾರರು ಈ ಬಗ್ಗೆ ಹೇಳಿಕೆ ನೀಡಲು ನಿರಾಕರಿಸಿದ್ದಾರೆ. 2019ರಿಂದ ಡೋಸ್ ಸಾಂಟೋಸ್ ಚಿಕಿತ್ಸೆಯಲ್ಲಿದ್ದರು. ಬಾರ್ಸಿಲೋನಾದಲ್ಲಿರುವ ಆಸ್ಪತ್ರೆಯಲ್ಲಿ ಸಾಂಟೋಸ್ ಅವರು ಐಸಿಯುನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ಪೊರ್ಚುಗೀಸ್ ನ್ಯೂಸ್ ಏಜೆನ್ಸಿ ಕಳೆದ ತಿಂಗಳು ವರದಿ ಮಾಡಿತ್ತು. ಅತೀ ಹೆಚ್ಚು ಕಾಲ ಆಫ್ರಿಕಾದಲ್ಲಿ ಅಧಿಕಾರ ಚಲಾಯಿಸಿದ್ದ ಸಾಂಟೋಸ್ 5 ವರ್ಷಗಳ ಹಿಂದೆ ಅಧಿಕಾರದಿಂದ ಕೆಳಗಿಳಿದಿದ್ದರು. ಅವರ ಅಧಿಕಾರವಧಿಯಲ್ಲಿ ಅಮೆರಿಕ ವಿರುದ್ಧ ರಕ್ತಸಿಕ್ತ ಅಂತರ್ಯುದ್ಧ ನಡೆದಿತ್ತು. ಇದರಲ್ಲಿ ಸಾಂಟೋಸ್ ಗೆದ್ದಿದ್ದರು.

2017ರಲ್ಲಿ ಸಾಂಟೋಸ್ ಅವರನ್ನು ಕೆಳಗಿಳಿಸಿ ಜಾವೊ ಲೌರೆಂಕೊ ಅಧ್ಯಕ್ಷ ಸ್ಥಾನಕ್ಕೇರಿದರು. ಡಾಸ್ ಸಾಂಟೋಸ್ ಕಾಲದಲ್ಲಿ ಬಹುಕೋಟಿ ಹಗರಣ ನಡೆದಿದೆ ಎಂದು ಪೀಪಲ್ಸ್ ಮೂವ್ ಮೆಂಟ್ ಫಾರ್ ದಿ ಲಿಬರೇಷನ್ ಆಫ್ ಅಂಗೋಲಾ (ಎಂಪಿಎಲ್ಎ) ನಾಯಕ ಲೌರೆಂಕೊ ತ್ವರಿತ ತನಿಖೆಗೆ ಆದೇಶಿಸಿದ್ದು ಮಾಜಿ ಅಧ್ಯಕ್ಷರ ಮಕ್ಕಳನ್ನು ಗುರಿಯಾಗಿಕೊಂಡಿದ್ದರು.

Published On - 5:54 pm, Fri, 8 July 22