Kannada News Budget Union budget 2025, focus on skill programs to enhance employability of youth
Union budget: ಅಗತ್ಯ ಕೌಶಲ್ಯಗಳ ತರಬೇತಿಗೆ ವಿವಿಧ ಯೋಜನೆಗಳು; 2025ರ ಬಜೆಟ್ನಿಂದ ಮತ್ತಷ್ಟು ಪುಷ್ಟಿ ನಿರೀಕ್ಷೆ
ನವದೆಹಲಿ, ಜನವರಿ 21: ಮುಂಬರುವ ಬಜೆಟ್ನಲ್ಲಿ ಯುವಜನರ ಕೌಶಲ್ಯಾಭಿವೃದ್ಧಿಗೆ ಹೆಚ್ಚು ಒತ್ತು ಕೊಡುವ ಸಾಧ್ಯತೆ ಇದೆ. ದೇಶದ ಆರ್ಥಿಕತೆಯ ಬೆಳವಣಿಗೆಗೆ ದೂರಗಾಮಿ ದೃಷ್ಟಿಯಲ್ಲಿ ಕೌಶಲ್ಯವಂತ ಕೆಲಸಗಾರರ ಅಗತ್ಯತೆ ಬಹಳ ಇದೆ. ಇದನ್ನು ಗಮನದಲ್ಲಿರಿಸಿಕೊಂಡು ಬಜೆಟ್ನಲ್ಲಿ ವಿವಿಧ ಸ್ಕೀಮ್ಗಳ ವ್ಯಾಪ್ತಿ ಮತ್ತು ಶಕ್ತಿಯನ್ನು ಹೆಚ್ಚಿಸುವ ಪ್ರಯತ್ನವಾಗಬಹುದು.
ದೇಶದ ಯುವಶಕ್ತಿಯ ಮಾನವ ಸಂಪನ್ಮೂಲಗಳು ಸರಿಯಾಗಿ ಬಳಕೆಯಾಗಲು ಆ ಶಕ್ತಿ ಪ್ರಬಲವಾಗಿರಬೇಕು. ಯುವಜನರು ಇಂದಿನ ದಿನಗಳ ಕೆಲಸಗಳಿಗೆ ತಕ್ಕುದಾದ ಕೌಶಲ್ಯಗಳನ್ನು ಹೊಂದಿರಬೇಕು. ಆಗ ಮಾತ್ರವೇ ಮಾನವ ಸಂಪನ್ಮೂಲಗಳ ಸದ್ಬಳಕೆ ಸಾಧ್ಯ. ಈ ನಿಟ್ಟಿನಲ್ಲಿ ಕೇಂದ್ರ ಸರ್ಕಾರ ದೂರಗಾಮಿ ದೃಷ್ಟಿಯಲ್ಲಿ ವಿವಿಧ ಕೌಶಲ್ಯ ಮತ್ತು ತರಬೇತಿ ಯೋಜನೆಗಳನ್ನು ಹಮ್ಮಿಕೊಂಡಿದೆ. ಅಪ್ರೆಂಟಿಸ್ಶಿಪ್ ಸ್ಕೀಮ್ಗಳು, ಇಂಟರ್ನ್ಶಿಪ್ ಯೋಜನೆ, ಸ್ಕಿಲ್ ಇಂಡಿಯಾ ಯೋಜನೆ ಇತ್ಯಾದಿ ಹಲವು ಯೋಜನೆಗಳನ್ನು ಸರ್ಕಾರ ಚಾಲನೆಯಲ್ಲಿ ಇರಿಸಿದೆ.
1 / 6
ಕಳೆದ ಬಾರಿಯ ಬಜೆಟ್ನಲ್ಲಿ (2024-25) ಶಿಕ್ಷಣ, ಉದ್ಯೋಗ ಮತ್ತು ಕೌಶಲ್ಯ ತರಬೇತಿಗೆ 1.48 ಲಕ್ಷ ಕೋಟಿ ರೂ ವಿನಿಯೋಗಿಸಲಾಗಿತ್ತು. ಈ ಕ್ಷೇತ್ರದಲ್ಲಿ ನಿರೀಕ್ಷಿತ ರೀತಿಯಲ್ಲಿ ಪ್ರಗತಿ ಹೊಂದಲು ಸಾಧ್ಯವಾಗಿದೆ. ಇದೇ ಉತ್ಸಾಹ ಮುಂದುವರಿಸುವ ಇರಾದೆಯೊಂದಿಗೆ ಸರ್ಕಾರವು ಈ ಬಾರಿಯ ಬಜೆಟ್ನಲ್ಲಿ (2025-26) ಈ ಕ್ಷೇತ್ರಗಳಿಗೆ ಹೆಚ್ಚಿನ ಗಮನ ಹರಿಸುವ ಸಾಧ್ಯತೆ ಇದೆ.
2 / 6
ನ್ಯಾಷನಲ್ ಅಪ್ರೆಂಟಿಸ್ಶಿಪ್ ಪ್ರೊಮೋಶನ್ ಸ್ಕೀಮ್ ಮೂಲಕ 7.34 ಲಕ್ಷ ಯುವಜನರಿಗೆ ತರಬೇತಿ ನೀಡಲಾಗಿದೆ. ಕಳೆದ ಮೂರು ವರ್ಷದಲ್ಲಿ ಹೆಚ್ಚೆಚ್ಚು ಕಂಪನಿಗಳು ಅಪ್ರೆಂಟಿಸ್ಗಳನ್ನು ಅಪ್ಪಿಕೊಳ್ಳುತ್ತಿವೆ. ವರದಿ ಪ್ರಕಾರ 40,000 ಕಂಪನಿಗಳು ಅಪ್ರೆಂಟೆಸ್ಶಿಪ್ ಮಾದರಿಯನ್ನು ಅಳವಡಿಸಿಕೊಂಡಿವೆ. ಎರಡು ಲಕ್ಷ ಕಂಪನಿಗಳು ಯೋಜನೆಯ ಪೋರ್ಟಲ್ನಲ್ಲಿ ನೊಂದಾಯಿಸಿವೆ.
3 / 6
ಇನ್ನು, ಪಿಎಂ ಇಂಟರ್ನ್ಶಿಪ್ ಸ್ಕೀಮ್ ಕೂಡ ಭರ್ಜರಿ ಸ್ಪಂದನೆ ಪಡೆದಿವೆ. ಟಾಪ್ 500 ಕಂಪನಿಗಳಲ್ಲಿ ಯುವಜರು ತರಬೇತಿ ಪಡೆಯುವ ಅವಕಾಶವನ್ನು ಈ ಯೋಜನೆ ನೀಡಿದೆ. ಮೊದಲ ವರ್ಷದಂದು 1.27 ಲಕ್ಷ ಇಂಟರ್ನ್ಶಿಪ್ ಅವಕಾಶ ಇದ್ದು ಅದಕ್ಕಾಗಿ 6.21 ಲಕ್ಷ ಮಂದಿ ಅರ್ಜಿ ಸಲ್ಲಿಸಿರುವುದು ಈ ಸ್ಕೀಮ್ಗೆ ಉತ್ತಮ ಸ್ಪಂದನೆ ಸಿಗುತ್ತಿರುವುದಕ್ಕೆ ಸಾಕ್ಷಿ ಎನಿಸಿದೆ.
4 / 6
ಸ್ಕಿಲ್ ಇಂಡಿಯಾ ಯೋಜನೆ ಅಡಿಯಲ್ಲಿ ಒಂದು ವರ್ಷದ ಅಂತರದಲ್ಲಿ 17 ಲಕ್ಷಕ್ಕೂ ಅಧಿಕ ಮಂದಿ ತರಬೇತಿ ಪಡೆದಿದ್ದಾರೆ. 36 ರಾಜ್ಯ ಮತ್ತು ಕೇಂದ್ರಾಡಳಿತ ಪ್ರದೇಶಗಳು ಹಾಗೂ 729 ಜಿಲ್ಲೆಗಳಲ್ಲಿನ ಜನರು ಟ್ರೈನಿಂಗ್ ಪಡೆದಿದ್ದಾರೆ. 37 ಸೆಕ್ಟರ್ಗಳು ಹಾಗೂ 790 ಕೆಲಸಗಳಿಗೆ ತರಬೇತಿ ನೀಡಲಾಗಿದೆ. ರೋಬೋಟಿಕ್ಸ್, ಎಐ, ಮೆಕಾಟ್ರಾನಿಕ್ಸ್, ಡ್ರೋನ್ ಇತ್ಯಾದಿ ಕ್ಷೇತ್ರಗಳೂ ಇದರಲ್ಲಿವೆ.
5 / 6
2025ರ ಬಜೆಟ್ನಲ್ಲಿ ಸಾಕಷ್ಟು ನಿರೀಕ್ಷೆಗಳಿವೆ. ಅಪ್ರೆಂಟಿಸ್ಶಿಪ್ ಯೋಜನೆಗಳ ವ್ಯಾಪ್ತಿಯನ್ನು ಹೆಚ್ಚಿಸುವುದು, ಹೆಚ್ಚೆಚ್ಚು ಮಹಿಳೆಯರಿಗೆ ಉದ್ಯೋಗಾವಕಾಶ ಸಿಗುವ ರೀತಿಯಲ್ಲಿ ತರಬೇತಿ ನೀಡುವುದು ಇತ್ಯಾದಿಗೆ ಈ ಬಜೆಟ್ನಲ್ಲಿ ಒತ್ತು ಕೊಡುವ ಸಾಧ್ಯತೆ ಇದೆ.
