Kannada News Business Adani Ports acquire NQXT coal export terminal in Australia's Queensland

Adani Ports: ಆಸ್ಟ್ರೇಲಿಯಾದ ಅಬ್ಬಾಟ್ ಪೋರ್ಟ್ನಲ್ಲಿನ NQXT ಟರ್ಮಿನಲ್ ಖರೀದಿಸಿದ ಅದಾನಿ ಕಂಪನಿ

APSEZ acquires coal export port terminal from Adani family: ಅದಾನಿ ಕುಟುಂಬ ಒಡೆತನದ CRPSHPL ಸಂಸ್ಥೆಯಿಂದ ಅಬ್ಬಾಟ್ ಪಾಯಿಂಟ್ ಪೋರ್ಟ್ ಹೋಲ್ಡಿಂಗ್ಸ್ ಅನ್ನು ಅದಾನಿ ಪೋರ್ಟ್ಸ್ ಖರೀದಿಸಿದೆ. ಇದರೊಂದಿಗೆ, ಆಸ್ಟ್ರೇಲಿಯಾದ ಕ್ವೀನ್ಸ್ಲ್ಯಾಂಡ್ನಲ್ಲಿರುವ ಅಬ್ಬಾಟ್ ಪಾಯಿಂಟ್ ಬಂದರಿನ NQXT ಕಲ್ಲಿದ್ದಲು ಟರ್ಮಿನಲ್ ಈಗ ಅದಾನಿ ಪೋರ್ಟ್ಸ್ನ ಸುಪರ್ದಿಗೆ ಹೋಗಿದೆ. 2011ರಲ್ಲಿ ಇದೇ ಟರ್ಮಿನಲ್ ಅನ್ನು ಅದಾನಿ ಪೋರ್ಟ್ಸ್ ಸಂಸ್ಥೆ ಅದಾನಿ ಕುಟುಂಬಕ್ಕೆ ವರ್ಗಾಯಿಸಿತ್ತು. ಈಗ ಅದನ್ನು ಮರಳಿ ಪಡೆದಿದೆ.

ಅದಾನಿ ಪೋರ್ಟ್ಸ್

Updated on: Apr 18, 2025 | 11:56 AM

ಮೆಲ್ಬೋರ್ನ್, ಏಪ್ರಿಲ್ 18: ಗೌತಮ್ ಅದಾನಿ ಮಾಲಕತ್ವದ ಅದಾನಿ ಪೋರ್ಟ್ಸ್ ಮತ್ತು ಸ್ಪೆಷಲ್ ಎಕನಾಮಿಕ್ ಜೋನ್ (APSEZ) ಸಂಸ್ಥೆ ಆಸ್ಟ್ರೇಲಿಯಾದಲ್ಲಿ ಕೋಲ್ ಎಕ್ಸ್ಪೋರ್ಟ್ ಟರ್ಮಿನಲ್ವೊಂದನ್ನು ಖರೀದಿಸಿದೆ. 2.4 ಬಿಲಿಯನ್ ಡಾಲರ್ ಮೌಲ್ಯದ ಷೇರು ವಿನಿಮಯ ಮೂಲಕ ಈ ಡೀಲ್ ನಡೆದಿದೆ. ಇದು ಅದಾನಿ ಗ್ರೂಪ್ ಮಧ್ಯೆ ನಡೆದಿರುವ ರಿಲೇಟೆಡ್ ಪಾರ್ಟಿ ಡೀಲ್ ಆಗಿದೆ. ಇದರೊಂದಿಗೆ ಅಸ್ಟ್ರೇಲಿಯಾದ ಪೂರ್ವ ಕರಾವಳಿ ಭಾಗದ ಕ್ವೀನ್ಸ್ಲ್ಯಾಂಡ್ ರಾಜ್ಯದಲ್ಲಿರುವ ಅಬ್ಬಾಟ್ ಪಾಯಿಂಟ್ ಪೋರ್ಟ್ನಲ್ಲಿನ NQXT ಟರ್ಮಿನಲ್ ಅದಾನಿ ಪೋರ್ಟ್ಸ್ನ ಪಾಲಾಗಿದೆ. ಈ ಪೋರ್ಟ್ ಕಲ್ಲಿದ್ದಲು ರಫ್ತಿಗೆ ಮುಡಿಪಾಗಿದೆ. ವರ್ಷಕ್ಕೆ 50 ಮಿಲಿಯನ್ ಟನ್ ಕಲ್ಲಿದ್ದಲು ಸಾಗಣೆ ಸಾಮರ್ಥ್ಯ ಈ ಪೋರ್ಟ್ಗೆ ಇದೆ.

ಅಬ್ಬಾಟ್ ಪಾಯಿಂಟ್ ಪೋರ್ಟ್ ಹೋಲ್ಡಿಂಗ್ಸ್ (APPH) ಎನ್ನುವ ಸಂಸ್ಥೆಯು ನಾರ್ತ್ ಕ್ವೀನ್ಸ್ಲ್ಯಾಂಡ್ ಎಕ್ಸ್ಪೋರ್ಟ್ ಟರ್ಮಿನಲ್ನ (NQXT) ಮಾಲಕತ್ವ ಹೊಂದಿದೆ. ಇದರ ಮಾಲಕತ್ವವು ಕಾರ್ಮೈಕೇಲ್ ರೇಲ್ ಅಂಡ್ ಪೋರ್ಟ್ ಸಿಂಗಾಪುರ್ ಹೋಲ್ಡಿಂಗ್ಸ್ (CRPSHPL) ಸಂಸ್ಥೆಗೆ ಸೇರಿದೆ. ಇಲ್ಲಿ CRPSHPL ಸಂಸ್ಥೆಯು ಗೌತಮ್ ಅದಾನಿ ಕುಟುಂಬಕ್ಕೆ ಸೇರಿದ್ದಾಗಿದೆ.

ಈಗ ನಡೆದಿರುವ ಡೀಲಿಂಗ್ ಅದಾನಿ ಗ್ರೂಪ್ನ ಆಂತರಿಕ ವ್ಯವಹಾರ. ಅದಾನಿ ಕುಟುಂಬಕ್ಕೆ ಸೇರಿದ CRPSHPL ಸಂಸ್ಥೆಯು APPH ಕಂಪನಿಯನ್ನು ಪೂರ್ಣವಾಗಿ ಅದಾನಿ ಪೋರ್ಟ್ಸ್ಗೆ ಮಾರಿದೆ. ಇದಕ್ಕೆ ಬದಲಾಗಿ ಅದಾನಿ ಪೋರ್ಟ್ಸ್ ಕಂಪನಿಯ 2.4 ಬಿಲಿಯನ್ ಡಾಲರ್ ಮೌಲ್ಯದ 14.38 ಕೋಟಿ ಹೊಸ ಈಕ್ವಿಟಿ ಷೇರುಗಳನ್ನು CRPSHPLಗೆ ನೀಡಲಿದೆ. ಈ ಮೂಲಕ ಅದಾನಿ ಪೋರ್ಟ್ಸ್ನಲ್ಲಿ ಪ್ರೊಮೋಟರ್ಸ್ನ ಪಾಲು ಶೇ. 2.13ರಷ್ಟು ಹೆಚ್ಚಾಗಲಿದೆ.

ಇದನ್ನೂ ಓದಿ

ಟಾಟಾ ಸನ್ಸ್ನಿಂದ ಬ್ರಿಟನ್ನಲ್ಲಿ ಅತಿದೊಡ್ಡ ಬ್ಯಾಟರಿ ಫ್ಯಾಕ್ಟರಿ

ಭಾರತದಿಂದ ಆಹಾರವಸ್ತುಗಳ ರಫ್ತಿನಲ್ಲಿ ದಾಖಲೆ ಏರಿಕೆ

ಶಸ್ತ್ರಾಸ್ತ್ರಗಳ ಮಾರಾಟಕ್ಕೆ ಭಾರತದ ಗಂಭೀರ ಹೆಜ್ಜೆ

ಒಂದು ವರ್ಷದಲ್ಲಿ 250 ಪೇಟೆಂಟ್ ದಾಖಲಿಸಿದ ಟಾಟಾ ಮೋಟಾರ್ಸ್

ಇದನ್ನೂ ಓದಿ: ಭಾರತಕ್ಕೆ ಐಫೋನ್ ಸಕ್ಸಸ್ ಸ್ಟೋರಿ ಆಯ್ತು, ಈಗ ಮಿಸೈಲ್, ಯುದ್ಧನೌಕೆ, ಹೆಲಿಕಾಪ್ಟರ್ಗಳ ಸರದಿ

14 ವರ್ಷದ ಹಿಂದೆಯೆ ಟರ್ಮಿನಲ್ ಖರೀದಿಸಿದ್ದ ಅದಾನಿ ಪೋರ್ಟ್ಸ್

ಅದಾನಿ ಪೋರ್ಟ್ಸ್ ಸಂಸ್ಥೆ 2011ರಲ್ಲಿ NQXT ಟರ್ಮಿನಲ್ ಅನ್ನು 2 ಬಿಲಿಯನ್ ಡಅಲರ್ಗೆ ಖರೀದಿಸಿತ್ತು. 2013ರಲ್ಲಿ ಅದಾನಿ ಕುಟುಂಬಕ್ಕೆ ಇದೇ ಬೆಲೆಗೆ ಇದನ್ನು ವರ್ಗಾಯಿಸಿತ್ತು. ಭಾರತದಲ್ಲಿ ಬ್ಯುಸಿನೆಸ್ ವಿಸ್ತರಿಸುವತ್ತ ಗಮನ ಕೊಡಲು ಎಪಿಎಸ್ಇಝಡ್ ಆ ನಿರ್ಧಾರ ತೆಗೆದುಕೊಂಡಿತ್ತು. ಈಗ ಅದಾನಿ ಪೋರ್ಟ್ಸ್ ಸಾಕಷ್ಟು ಬಲವೃದ್ಧಿ ಕಂಡಿದ್ದು, ಜಾಗತಿಕವಾಗಿ ಬ್ಯುಸಿನೆಸ್ ವಿಸ್ತರಣೆ ಕಾಣುತ್ತಿದೆ. ಈ ಹಿನ್ನೆಲೆಯಲ್ಲಿ ಮತ್ತೊಮ್ಮೆ ಆಸ್ಟ್ರೇಲಿಯಾದ ಈ ಕಲ್ಲಿದ್ದಲು ಟರ್ಮಿನಲ್ ಅನ್ನು ಮತ್ತೆ ಸುಪರ್ದಿಗೆ ತೆಗೆದುಕೊಂಡಿದೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

Vijaya Sarathy SN

ಹುಟ್ಟೂರು ಹಾಸನ ಜಿಲ್ಲೆಯ ಶ್ರವಣಬೆಳಗೊಳ ಸಮೀಪದ ಒಂದು ಪುಟ್ಟ ಹಳ್ಳಿ. ಬೆಳದದ್ದು ಬೆಂಗಳೂರು ನಗರದಲ್ಲಿ. ಹಲವು ವರ್ಷಗಳಿಂದ ಪತ್ರಿಕಾ ರಂಗದಲ್ಲಿ ನೆಲೆ. ಬರವಣಿಗೆಯ ಆಸಕ್ತಿ ಮತ್ತು ಪರಿಣಿತಿಯ ಕ್ಷೇತ್ರಗಳು ಆರ್ಥಿಕತೆ, ಹಣಕಾಸು, ಅಂತರರಾಷ್ಟ್ರೀಯ ವಿದ್ಯಮಾನ, ಜನಕ್ರಾಂತಿ, ರಾಷ್ಟ್ರೀಯತೆ, ಸಂಸ್ಕೃತಿ, ಮಾನವ ಸಂಬಂಧ, ಕ್ರೀಡೆ ಮೊದಲಾದವು ಇವೆ. ಓದುಗರಿಗೆ ಸುಲಭವಾಗಿ ಅರ್ಥವಾಗುವಂತೆ ಸಾಧ್ಯವಾದಷ್ಟೂ ಸ್ಫುಟವಾಗಿ, ಸರಳವಾಗಿ ಬರೆಯುವ ಇಚ್ಛೆ.

Add TV9 Kannada As A Trusted Source