Apple Inc. Stock Bonus: ಆಪಲ್ ಇಂಕ್ ಸಿಬ್ಬಂದಿಗೆ 75 ಲಕ್ಷದಿಂದ 1.5 ಕೋಟಿ ರೂಪಾಯಿ ಸ್ಟಾಕ್​ ಬೋನಸ್

ಆಪಲ್​ ಇಂಕ್​ನ ಆಯ್ದ ಗುಂಪು ಉದ್ಯೋಗಿಗಳಿಗೆ 1.5 ಕೋಟಿ ರೂಪಾಯಿಯ ಸ್ಟಾಕ್​ ಬೋನಸ್ ಕೊಡುವ ಸಾಧ್ಯತೆ ಇದ್ದು, ಪ್ರತಿಭಾವಂತ ಉದ್ಯೋಗಿಗಳನ್ನು ಉಳಿಸಿಕೊಳ್ಳಲು ಹೀಗೆ ಮಾಡಲಾಗುತ್ತಿದೆ ಎಂಬ ಮಾಹಿತಿ ಇದೆ.

Apple Inc. Stock Bonus: ಆಪಲ್ ಇಂಕ್ ಸಿಬ್ಬಂದಿಗೆ 75 ಲಕ್ಷದಿಂದ 1.5 ಕೋಟಿ ರೂಪಾಯಿ ಸ್ಟಾಕ್​ ಬೋನಸ್
ಸಾಂದರ್ಭಿಕ ಚಿತ್ರ
TV9kannada Web Team

| Edited By: Srinivas Mata

Mar 26, 2022 | 12:56 PM

ಆಪಲ್ ಇಂಕ್​ನಿಂದ  (Apple Inc.) ಸಣ್ಣ ಸಂಖ್ಯೆಯ ಎಂಜಿನಿಯರ್​ಗಳಿಗೆ ಮತ್ತೊಂದು ಸುತ್ತಿನ ವಿಶೇಷ ಬೋನಸ್ ನೀಡಲಾಗುತ್ತಿದೆ. ಕಂಪೆನಿಯ ಪ್ರಮುಖ ಪ್ರತಿಭೆಗಳನ್ನು ಹಾಗೇ ಉಳಿಸಿಕೊಳ್ಳುವುದಕ್ಕೆ ಇಂಥ ನಿರ್ಧಾರಕ್ಕೆ ಬರಲಾಗಿದೆ ಎಂದು ಈ ಬೆಳವಣಿಗೆ ಬಗ್ಗೆ ಮಾಹಿತಿ ಇರುವವರು ತಿಳಿಸಿದ್ದಾರೆ. ಕಂಪೆನಿಯ ಹಾರ್ಡ್​ವೇರ್​ ಮತ್ತು ಸಾಫ್ಟ್​ವೇರ್​ ವಿಭಾಗದಲ್ಲಿನ ಆಯ್ದ ಗುಂಪಿನ ಉದ್ಯೋಗಿಗಳಿಗೆ ಬೋನಸ್ ನೀಡುವುದಕ್ಕೆ ಮುಂದಾಗಿದೆ. ಬೋನಸ್ ವಿಚಾರವನ್ನು ಅಧಿಕೃತವಾಗಿ ಸಾರ್ವಜನಿಕಗೊಳಿಸದ ಕಾರಣಕ್ಕೆ ತಮ್ಮ ಹೆಸರನ್ನು ಹೇಳಲು ಇಚ್ಛಿಸದ ಜನರ ಪ್ರಕಾರ, ಕಂಪೆನಿಯ ಉದ್ಯೋಗಿಗಳಿಗೆ 1 ಲಕ್ಷ ಯುಎಸ್​ಡಿಯಿಂದ (ಭಾರತದ ರೂಪಾಯಿ ಲೆಕ್ಕದಲ್ಲಿ 76 ಲಕ್ಷ) 2 ಲಕ್ಷ ಯುಎಸ್​ಡಿ (1.52 ಕೋಟಿ ರೂಪಾಯಿ) ನಿರ್ಬಂಧಿತ ಸ್ಟಾಕ್​ ಯೂನಿಟ್ಸ್​ನಲ್ಲಿ ನೀಡಲಾಗುತ್ತದೆ.

ಸಿಬ್ಬಂದಿಯನ್ನು ಕಂಪೆನಿಯಲ್ಲೇ ಉಳಿಸಿಕೊಳ್ಳುವುದಕ್ಕಾಗಿ ಈ ಸ್ಟಾಕ್​ ಬೋನಸ್ ನೀಡಲಾಗುತ್ತಿದೆ. ಹಲವು ವರ್ಷಗಳಿಂದ ಕಂಪೆನಿಯಲ್ಲಿ ಇರುವಂಥವರು ಕೆಲಸ ಬಿಡಬಾರದು ಎಂಬ ಕಾರಣಕ್ಕೆ ಹೀಗೆ ಬೋನಸ್ ನೀಡಲಾಗುತ್ತಿದ್ದು, ಸ್ಟಾಕ್​ ಬೆಲೆ ಏರಿಕೆ ಆದಂತೆಯೂ ಅದರ ಮೌಲ್ಯ ಹೆಚ್ಚಾಗುತ್ತದೆ. ಕಳೆದ ಹನ್ನೆರಡು ತಿಂಗಳಲ್ಲಿ ಆಪಲ್​ ಷೇರಿನ ಬೆಲೆ ಶೇ 40ಕ್ಕೂ ಹೆಚ್ಚಾಗಿದೆ. 2022ರಲ್ಲಿ ಆಪಲ್ ಕಂಪೆನಿ ಷೇರಿನ ಬೆಲೆಯಲ್ಲಿ ಇಳಿಕೆ ಆದ ನಂತರವೂ ಇಷ್ಟು ಬೆಲೆಯಿದೆ. ಈ ವರ್ಷ ಟೆಕ್​ ಸ್ಟಾಕ್​ ಬೆಲೆಗಳು ಕಡಿಮೆ ಆಗಿವೆ.

ಕಳೆದ ಬಾರಿ 2021ರ ಡಿಸೆಂಬರ್​ನಲ್ಲಿ ಆಪಲ್ ಕಂಪೆನಿಯಿಂದ ಸ್ಟಾಕ್ ಆಧಾರಿತ ಬೋನಸ್​ ನೀಡಲಾಗಿತ್ತು. ಆಗಿನ ಗರಿಷ್ಠ ಮಟ್ಟ ಅಂದರೆ 1,80,000 ಯುಎಸ್​ಡಿ ಆಗಿತ್ತು. ಆ ಪ್ರಕರಣದಲ್ಲಿ ಕಂಪೆನಿಯ ಹಾರ್ಡ್​ವೇರ್​ ಟೆಕ್ನಾಲಜೀಸ್ ಗುಂಪಿಗೆ ನೀಡಲಾಗಿತ್ತು. ಅದು ಕಸ್ಟಮ್ ಚಿಪ್ಸ್ ರೂಪಿಸುತ್ತದೆ, ಮತ್ತು ಇದೇ ಗುಂಪು ಭವಿಷ್ಯದ ವರ್ಚುವಲ್ ಮತ್ತು ಆಗುಮೆಂಟೆಡ್ ರಿಯಾಲಿಟಿ ಹೆಡ್​ಸೆಟ್​ಗಾಗಿ ಕಾರ್ಯ ನಿರ್ವಹಿಸುತ್ತದೆ. ಆದರೆ ಈ ಹಿಂದೆ ಇಂಥ ಬಗೆಯಲ್ಲಿ ಉದ್ಯೋಗಿಗಳಿಗೆ ರಿವಾರ್ಡ್ಸ್ ನೀಡಿರುವುದು ತುಂಬ ವಿರಳ. ಅಂದ ಹಾಗೆ ಚಿಪ್​ ಡಿಸೈನ್ ಗುಂಪಿನಲ್ಲಿ ಕೆಲವು ಪ್ರಮಾಣದಲ್ಲಿ ಕೆಲಸದಿಂದ ಬಿಟ್ಟರು. ಫೇಸ್​ಬುಕ್​ ಮಾತೃ ಸಂಸ್ಥೆ ಮೆಟಾ ಪ್ಲಾಟ್​ಫಾರ್ಮ್ಸ್ ಇಂಕ್ ಎಂಜಿನಿಯರ್​ಗಳ ನೇಮಕಾತಿಯನ್ನು ಹೆಚ್ಚಿಸುವ ಗುರಿ ಹೊಂದಿದೆ. ಆ ಎಂಜಿನಿಯರ್​ಗಳನ್ನು ಮೆಟಾ ವರ್ಸ್​ನಲ್ಲಿ ಕೆಲಸಕ್ಕೆ ಇರಿಸುವ ಉದ್ದೇಶವನ್ನು ಇಟ್ಟುಕೊಂಡಿದೆ.

ಕಳೆದ ಡಿಸೆಂಬರ್​ನಲ್ಲಿ ಎಷ್ಟು ಉದ್ಯೋಗಿಗಳಿಗೆ ವಿಶೇಷ ಮೊತ್ತ ಸಿಕ್ಕಿತೋ ಅದಕ್ಕಿಂತ ಕಡಿಮೆ ಸಂಖ್ಯೆಯವರಿಗೆ ಈ ಬಾರಿ ದೊರೆಯಲಿದೆ ಎಂದು ಮೂಲಗಳು ತಿಳಿಸಿವೆ. ಆಯಾ ವಿಭಾಗದ ಹಿರಿಯ ಅಧಿಕಾರಿಗಳು ಸಿಬ್ಬಂದಿಗೆ ಈ ಬೋನಸ್​ ಬಗ್ಗೆ ಮಾಹಿತಿ ಕೊಟ್ಟಿದ್ದಾರೆ. ಕಳೆದ ಕೆಲವು ವಾರದಿಂದ ವಾಋ್ಷಿಕ ಬೋನಸ್​ಗಳನ್ನು ನೀಡಲಾಗುತ್ತಿದೆ. ಅದಕ್ಕೆ ಏಪ್ರಿಲ್​ 15 ದಿನಾಂಕ ಆಗಿದೆ. ಉದ್ಯೋಗಿಗಳಿಗೆ ವರ್ಷಕ್ಕೆ ಎರಡು ಸಲ, ಅಂದರೆ ಏಪ್ರಿಲ್ ಮತ್ತು ಅಕ್ಟೋಬರ್​ನಲ್ಲಿ ನೀಡಲಾಗುತ್ತದೆ. ಇನ್ನು ಹಣದುಬ್ಬರದ ಕಾರಣಕ್ಕಾಗಿ ಈಗ ವೇತನ ಹೆಚ್ಚಿಸಬೇಕಾದ ಒತ್ತಡದಲ್ಲಿ ಉದ್ಯೋಗದಾತರಿದ್ದಾರೆ. ಉದ್ಯೋಗಿಗಳನ್ನು ಮತ್ತೆ ಕಚೇರಿಗೆ ಕರೆಸಿಕೊಳ್ಳುವ ಸಿದ್ಧತೆ ನಡೆಸಿದ್ದು, ಕೆಲ ಉದ್ಯೋಗಿಗಳು ಆತಂಕಕ್ಕೆ ಒಳಗಾಗಿದ್ದಾರೆ. ಕನಿಷ್ಠ ಮೂರು ದಿನ ಕಚೇರಿ ನಡೆಸುವುದಕ್ಕಾಗಿ ಆಪಲ್​ ಕಂಪೆನಿಗೆ ಎಂಜಿನಿಯರ್​ಗಳು ಮತ್ತು ಇತರ ಕಾರ್ಪೊರೇಟ್ ಸಿಬ್ಬಂದಿ ಅಗತ್ಯ ಇದೆ.

ಇದನ್ನೂ ಓದಿ: ಆಪಲ್ ಐಫೋನ್​ ಎಸ್​ಇ3 ಬಿಡುಗಡೆ; ಫೋನ್​ನ ಫೀಚರ್ಸ್, ದರ ಮತ್ತಿತರ ವಿವರ ಇಲ್ಲಿದೆ

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada