Infosys FY22 Q4 Results: ಇನ್ಫೋಸಿಸ್ ಹಣಕಾಸು ವರ್ಷ 2022ರ ನಾಲ್ಕನೇ ತ್ರೈಮಾಸಿಕ ಲಾಭ 5,686 ಕೋಟಿ ರೂ.

ಭಾರತದ ಎರಡನೇ ಅತಿ ದೊಡ್ಡ ಮಾಹಿತಿ ತಂತ್ರಜ್ಞಾನ ಸೇವಾ ಪೂರೈಕೆದಾರ ಕಂಪೆನಿ ಇನ್ಫೋಸಿಸ್ (Infosys Ltd) ಏಪ್ರಿಲ್ 13ರ ಬುಧವಾರದಂದು 2022ರ ಜನವರಿಯಿಂದ ಮಾರ್ಚ್ ನಾಲ್ಕನೇ ತ್ರೈಮಾಸಿಕದಲ್ಲಿ 5,686 ಕೋಟಿ ರೂಪಾಯಿಗಳ ಏಕೀಕೃತ ನಿವ್ವಳ ಲಾಭವನ್ನು ವರದಿ ಮಾಡಿದ್ದು, ಶೇ 12ರಷ್ಟು ಬೆಳವಣಿಗೆಯನ್ನು ದಾಖಲಿಸಿದೆ. ಅನುಕ್ರಮವಾಗಿ ಲಾಭವು ಶೇ 2ರಷ್ಟು ಕಡಿಮೆಯಾಗಿದೆ. ಬೆಂಗಳೂರು ಮೂಲದ ಐಟಿ ಕಂಪೆನಿಯಾದ ಇನ್ಫೋಸಿಸ್ ಒಂದು ವರ್ಷದ ಹಿಂದೆ ಇದೇ ಅವಧಿಯಲ್ಲಿ 5,076 ಕೋಟಿ ರೂಪಾಯಿಗಳ ತೆರಿಗೆಯ ನಂತರದ ಲಾಭವನ್ನು (ಪಿಎಟಿ) ವರದಿ ಮಾಡಿದ್ದರೆ, ಕಳೆದ ತ್ರೈಮಾಸಿಕದಲ್ಲಿ ಪಿಎಟಿಯು 5,809 ಕೋಟಿ ರೂಪಾಯಿ ಇತ್ತು. ವರದಿಯಾದ ತ್ರೈಮಾಸಿಕದಲ್ಲಿ ಇನ್ಫೋಸಿಸ್‌ನ ಆದಾಯವು ಹಿಂದಿನ ವರ್ಷದ ಅವಧಿಗೆ ಹೋಲಿಸಿದರೆ ಶೇ 23 ಬೆಳವಣಿಗೆಯನ್ನು, ಅಂದರೆ 32,276 ಕೋಟಿ ರೂಪಾಯಿಗಳಿಗೆ ದಾಖಲಿಸಿದೆ. ತ್ರೈಮಾಸಿಕ ಆಧಾರದ ಮೇಲೆ ಬೆಳವಣಿಗೆಯು ಶೇಕಡಾ 1ರಷ್ಟಿದೆ. 

2022ರ ಆರ್ಥಿಕ ವರ್ಷಕ್ಕೆ ಕಂಪೆನಿಯು ಅಂತಿಮ ಲಾಭಾಂಶವಾಗಿ ಪ್ರತಿ ಷೇರಿಗೆ 16 ರೂ ಘೋಷಿಸಲಾಗಿದೆ. “ಈಗಾಗಲೇ ಪಾವತಿಸಿದ ಪ್ರತಿ ಷೇರಿಗೆ ರೂ 15 ರ ಮಧ್ಯಂತರ ಲಾಭಾಂಶದೊಂದಿಗೆ FY22ಗಾಗಿ ಒಟ್ಟು ಲಾಭಾಂಶವು ರೂ 31 ಆಗಿರುತ್ತದೆ, ಇದು FY21 ಗಿಂತ ಶೇ 14.8ರಷ್ಟು ಹೆಚ್ಚಳವಾಗಿದೆ.”

ಆದಾಯದ ಬೆಳವಣಿಗೆಗೆ ಸಣ್ಣ ಗಾತ್ರವನ್ನು ಹೊಂದಿರುವ, ಆದರೆ ಕಡಿಮೆ ಕಾರ್ಯಗತಗೊಳಿಸುವ ಸಮಯದ ಚೌಕಟ್ಟನ್ನು ಹೊಂದಿರುವ ವಿವೇಚನೆ ಕಾರ್ಯಕ್ರಮಗಳು ಸಹಾಯ ಮಾಡಿದವು. ಪೂರೈಕೆ ಬದಿಯ ಸವಾಲುಗಳು ಮತ್ತು ಹೆಚ್ಚಿನ ವೀಸಾ ವೆಚ್ಚಗಳು ಕಂಪೆನಿಯ ಮಾರ್ಜಿನ್ ಅನ್ನು ತಗ್ಗಿಸಿವೆ. ಕಳೆದ ವರ್ಷದ ಇದೇ ತ್ರೈಮಾಸಿಕದಲ್ಲಿ ಕಂಪೆನಿಯು 26,311 ಕೋಟಿ ರೂಪಾಯಿಗಳ ಏಕೀಕೃತ ಆದಾಯವನ್ನು ವರದಿ ಮಾಡಿತ್ತು. ಅಕ್ಟೋಬರ್-ಡಿಸೆಂಬರ್ ಅವಧಿಯಲ್ಲಿ ಇದರ ಆದಾಯ 31,867 ಕೋಟಿ ರೂಪಾಯಿ ಆಗಿತ್ತು.

ಪೂರ್ಣ-ವರ್ಷದ ಅವಧಿಗೆ (2021ರ ಏಪ್ರಿಲ್- 2022ರ ಮಾರ್ಚ್) ಏಕೀಕೃತ ಲಾಭವು ರೂ 22,110 ಕೋಟಿಗಳಲ್ಲಿ ದಾಖಲಾಗಿದೆ, ಇದು FY21ಕ್ಕೆ ವರದಿ ಮಾಡಲಾದ ರೂ. 19,351 ಕೋಟಿ ಲಾಭದಿಂದ ಶೇ 14ರಷ್ಟು ಬೆಳವಣಿಗೆಯಾಗಿದೆ. FY22ರ ಏಕೀಕೃತ ಆದಾಯವು 1,21,641 ಕೋಟಿ ರೂಪಾಯಿಗಳಷ್ಟಿದೆ, FY21ಕ್ಕೆ ವರದಿಯಾದ 1,00,472 ಕೋಟಿ ಆದಾಯದಿಂದ ಶೇ 21ರಷ್ಟು ಏರಿಕೆಯಾಗಿದೆ.

ದೊಡ್ಡದಾದ, ದೀರ್ಘಾವಧಿಯ ವ್ಯವಹಾರಗಳಿಗೆ ಸಹಿ ಮಾಡುವುದಕ್ಕಿಂತ ಕಡಿಮೆ ಅವಧಿಯಲ್ಲಿ ಡಿಜಿಟಲ್ ರೂಪಾಂತರ ಯೋಜನೆಗಳನ್ನು ಕಾರ್ಯಗತಗೊಳಿಸುವ ತುರ್ತು ಕಾರಣದಿಂದಾಗಿ ಗ್ರಾಹಕರು ಈ ದಿನಗಳಲ್ಲಿ ಸಣ್ಣ ವ್ಯವಹಾರಗಳಿಗೆ ಆದ್ಯತೆ ನೀಡುತ್ತಿರುವಾಗಲೂ ಕಂಪೆನಿಯು ವ್ಯಾಪಾರದ ವರ್ಟಿಕಲ್​ಗಳು ಮತ್ತು ಭೌಗೋಳಿಕತೆಯಾದ್ಯಂತ ಸ್ಥಿರವಾದ ಕಾರ್ಯಕ್ಷಮತೆಯನ್ನು ಕಂಡಿದೆ.

ಎನ್​ಎಸ್​ಇಯಲ್ಲಿ ಏಪ್ರಿಲ್ 13ರಂದು ಇನ್ಫೋಸಿಸ್ ಷೇರು ರೂ. 6.10ರಷ್ಟು ಏರಿಕೆಯೊಂದಿಗೆ ರೂ 1,748.55 ಕ್ಕೆ ಕೊನೆಗೊಂಡಿತು. ಈ ಸ್ಟಾಕ್ ಕಳೆದ ತಿಂಗಳಿಗಿಂತ ಶೇ 4ರಷ್ಟು ಕಡಿಮೆಗೆ ವಹಿವಾಟು ನಡೆಸುತ್ತಿದೆ ಮತ್ತು ಕಳೆದ ವರ್ಷದಲ್ಲಿ ಶೇ 25.2ರಷ್ಟು ಆದಾಯವನ್ನು ಗಳಿಸಿಕೊಟ್ಟಿದೆ.

ಇದನ್ನೂ ಓದಿ: ಭಾರತದ ಪ್ರತಿಭಾವಂತರು ವಿದೇಶಕ್ಕೆ ಹೋಗಿ ಸಾಧನೆ ಮಾಡಿದರೆ ತಪ್ಪೇನಲ್ಲ; ಇನ್ಫೋಸಿಸ್ ನಾರಾಯಣಮೂರ್ತಿ