ಕ್ರಿಪ್ಟೋಕರೆನ್ಸಿ ಪ್ಲಾಟ್​ಫಾರ್ಮ್​ನ ಒಂದು ಬಗ್​ ಸಮಸ್ಯೆಯಿಂದ 670 ಕೋಟಿ ರೂ.ಗೆ ಮುಳುಗು ನೀರು; ಇದು ಒಂದು ತಪ್ಪಿನ ಕಥೆ

ಒಂದು ಬಗ್​ನಿಂದ ತಪ್ಪಾಗಿ 90 ಮಿಲಿಯನ್ ಯುಎಸ್​ಡಿ ಕ್ರಿಪ್ಟೋಕರೆನ್ಸಿ ಪ್ಲಾಟ್​ಫಾರ್ಮ್​ನಿಂದ ಬಳಕೆದಾರರಿಗೆ ಹೋಗಿದೆ. ಅದನ್ನು ಈಗ ಹಿಂತಿರುಗಿಸುವಂತೆ ಕಾಂಪೌಂಡ್​ ಪ್ಲಾಟ್​ಫಾರ್ಮ್ ಅಂಗಲಾಚುವಂತೆ ಆಗಿದೆ.

ಕ್ರಿಪ್ಟೋಕರೆನ್ಸಿ ಪ್ಲಾಟ್​ಫಾರ್ಮ್​ನ ಒಂದು ಬಗ್​ ಸಮಸ್ಯೆಯಿಂದ 670 ಕೋಟಿ ರೂ.ಗೆ ಮುಳುಗು ನೀರು; ಇದು ಒಂದು ತಪ್ಪಿನ ಕಥೆ
ಸಾಂದರ್ಭಿಕ ಚಿತ್ರ

ಇದು “ಒಂದು ತಪ್ಪಿನ” ಕಥೆ. ಆದರೆ ಅದರ ಪರಿಣಾಮ ಏನು ಅಂತ ಕೇಳಿದರೆ ಮೈ ಝುಂ ಅನ್ನಿಸದಿದ್ದರೆ ಕೇಳಿ! ಕಾಂಪೌಂಡ್ ಹೆಸರಿನಲ್ಲಿ ವಿಕೇಂದ್ರೀಕೃತವಾದ ಹಣಕಾಸು ಪ್ಲಾಟ್​​ಫಾರ್ಮ್​ ಇದೆ. ಇದರ ಅಪ್​ಗ್ರೇಡ್​ ಆದ ಮೇಲೆ ಅಚಾತುರ್ಯದಿಂದ 9 ಕೋಟಿ ಅಮೆರಿಕನ್​ ಡಾಲರ್​ ಮೌಲ್ಯದ ಕ್ರಿಪ್ಟೋಕರೆನ್ಸಿ ಬಳಕೆದಾರರಿಗೆ ಹೊರಟುಹೋಗಿದೆ. ಭಾರತದ ರೂಪಾಯಿ ಲೆಕ್ಕದಲ್ಲಿ ಹೇಳಬೇಕು ಅಂದರೆ 670.51 ಕೋಟಿ ಆಗುತ್ತದೆ. ಇದೀಗ ಕಂಪೆನಿಯ ಸಿಇಒ ಆ ಬಳಕೆದಾರರನ್ನು ಬೇಡಿಕೊಳ್ಳುತ್ತಿದ್ದಾರೆ. ದಯವಿಟ್ಟು ಪ್ಲಾಟ್​ಫಾರ್ಮ್​ಗೆ ನೀವಾಗಿಯೇ ಕ್ರಿಪ್ಟೋ ಹಿಂತಿರುಗಿಸಿ ಅಂತ ಅಂಗಲಾಚುತ್ತಿದ್ದಾರೆ. ಕಾಂಪೌಂಡ್​ನ ಪ್ರೊಟೊಕಾಲ್​ ತಪ್ಪಿನಿಂದ ನಿಮಗೇನಾದರೂ ತಪ್ಪಾದ ಮೊತ್ತದ ಕ್ರಿಪ್ಟೋಕರೆನ್ಸಿ COMP, ದೊಡ್ಡ ಮಟ್ಟದಲ್ಲಿ ಬಂದಿದ್ದಲ್ಲಿ ದಯವಿಟ್ಟು ಹಿಂತಿರುಗಿಸಿ ಎಂದು ಕಾಂಪೌಂಡ್​ ಲ್ಯಾಬ್ಸ್ ಸ್ಥಾಪಕ ರಾಬರ್ಟ್​ ಲೆಷ್ನರ್ ಕಳೆದ ವಾರ ಟ್ವೀಟ್ ಮಾಡಿದ್ದಾರೆ. ಶೇ 10ರಷ್ಟನ್ನು ನೀವು ಇಟ್ಟುಕೊಳ್ಳಿ. ಇದನ್ನು ಆದಾಯ ಎಂದು ಐಆರ್​ಎಸ್ ಪರಿಗಣಿಸುತ್ತದೆ ಮತ್ತು ನಿಮ್ಮಲ್ಲಿ ಬಹುತೇಕರನ್ನು ಪತ್ತೆ ಹಚ್ಚಲಾಗಿದೆ ಎಂದು ಟ್ವೀಟ್​ನಲ್ಲಿ ಹೇಳಲಾಗಿದೆ.

ಕಳೆದ ಬುಧವಾರದಂದು ಕಾಂಪೌಂಡ್​ನಿಂದ ಮೇಲ್ದರ್ಜೆ ಪ್ರಕ್ರಿಯೆ ಕೈಗೆತ್ತಿಕೊಳ್ಳಲಾಯಿತು. ಆದರೆ ಅನುಷ್ಠಾನದ ನಂತರ, ಏನೋ ಗಂಭೀರವಾದ ಸಮಸ್ಯೆ ಆಗಿದೆ ಅಂತ ಗೊತ್ತಾಯಿತು. ಹೊಸ ಕಂಟ್ರೋಲರ್ ಕಾಂಟ್ರಾಕ್ಟ್​ನಲ್ಲಿ ಬಗ್​ ಇದೆ. ಕೆಲವು ಬಳಕೆದಾರರಿಗೆ ಪುಕ್ಕಟೆಯಾಗಿ ಹೆಚ್ಚು COMP ಸಿಗುವಂತಾಗಿದೆ ಎಂದು ಲೆಷ್ನರ್ ಟ್ವೀಟ್​ನಲ್ಲಿ ವಿವರಿಸಿದ್ದಾರೆ. ಆಡಳಿತಾತ್ಮಕ ಹತೋಟಿ ಅಥವಾ ಸಮುದಾಯ ಟೂಲ್ ಅಂತ ಡಿಸೇಬಲ್ ಮಾಡುವುದಕ್ಕೆ COMP ವಿತರಣೆಗೆ ಯಾವುದೂ ಇಲ್ಲ. ಯಾವುದೇ ಬದಲಾವಣೆಯನ್ನು ಪ್ರೊಟೊಕಾಲ್​ಗೆ ಮಾಡಬೇಕಿದ್ದರೂ 7 ದಿನದ ಆಡಳಿತಾತ್ಮಕ ಪ್ರಕ್ರಿಯೆಯನ್ನು ಉತ್ಪಾದನೆ ದಾರಿಗಾಗಿಯೇ ಮಾಡಬೇಕಾಗುತ್ತದೆ ಎಂದು ಅವರು ಹೇಳಿದ್ದಾರೆ. ಇನ್ನು ಒಂದು ವಾರ ಏನೂ ಸರಿಪಡಿಸಲು ಆಗಲ್ಲ ಎಂಬುದನ್ನು ಇದು ಸೂಚಿಸುತ್ತದೆ.

ಲೆಷ್ನರ್ ಮಾತನಾಡಿ, ಪರಿಣಾಮವು 2,80,000 COMP ಟೋಕನ್​ಗೆ ಸೀಮಿತವಾಗಿದೆ. ಕಳೆದ ಶುಕ್ರವಾರಕ್ಕೆ ಇದರ ಮೌಲ್ಯ 8.93 ಕೋಟಿ ಅಮೆರಿಕನ್ ಡಾಲರ್ ಇತ್ತು. ವಿಕೇಂದ್ರೀಕೃತ ಹಣಕಾಸು ವ್ಯವಸ್ಥೆ ಸುರಕ್ಷಿತವೋ ಅಲ್ಲವೋ ಎಂಬ ಪ್ರಶ್ನೆ ಇಲ್ಲಿಲ್ಲ. ಬದಲಾವಣೆಗಳನ್ನು ಪರಿಚಯಿಸುವಾಗ ಬಹಳ ಎಚ್ಚರಿಕೆಯಿಂದ ಇರಬೇಕು ಎಂದು ಎಚ್ಚರಿಕೆಯನ್ನು ತೆಗೆದುಕೊಳ್ಳುವ ಕಾಲ ಇದು. ಸಮುದಾಯದ ಪ್ರೊಟೋಕಾಲ್​ ಸುಧಾರಿಸಬೇಕಾದ ಸಮಯ ಇದು ಎಂದು ಹೇಳಿದ್ದಾರೆ. ಕಾಂಪೌಂಡ್​ನ ಹಲವಾರು ಬಳಕೆದಾರರು ತಮಗೆ ಟೋಕನ್ ಬಂದಿರುವುದಾಗಿ ಹೇಳಿದ್ದಾರೆ. ಟ್ವಿಟ್ಟರ್​ನಲ್ಲಿ ಎಚ್ಚರಿಕೆ ನೀಡಿರುವ ಲೆಷ್ನರ್, ಒಂದು ವೇಳೆ ಕ್ರಿಪ್ಟೋಕರೆನ್ಸಿ ಹಿಂತಿರುಗಿಸದಿದ್ದಲ್ಲಿ ಇಂಟರ್ನಲ್ ರೆವೆನ್ಯೂ ಸರ್ವೀಸ್​ಗೆ ಅವರ ಗುರುತುಗಳನ್ನು ತಿಳಿಸುವುದಾಗಿ ಹೇಳಿದ್ದಾರೆ. ಆದರೆ ಬೆದರಿಕೆ ಒಡ್ಡಿದ್ದಕ್ಕೆ ಆ ನಂತರ ಕ್ಷಮೆಯನ್ನು ಕೇಳಿದ್ದಾರೆ.

ಇದನ್ನೂ ಓದಿ: Crypto Currency: ಕಳುವು ಮಾಡಿದ್ದ ಕ್ರಿಪ್ಟೊಕರೆನ್ಸಿ ಹಿಂತಿರುಗಿಸಿದ ಹ್ಯಾಕರ್ಸ್; ಕದಿಯೋದು ಸುಲಭ ಕ್ಯಾಶ್ ಮಾಡಿಸೋದು ಕಷ್ಟ ಏಕೆ?

 

Read Full Article

Click on your DTH Provider to Add TV9 Kannada