Closing bell: ಸೆನ್ಸೆಕ್ಸ್ 848 ಪಾಯಿಂಟ್, ನಿಫ್ಟಿ 245 ಪಾಯಿಂಟ್ ಭರ್ಜರಿ ಏರಿಕೆ

ಭಾರತೀಯ ಷೇರು ಮಾರುಕಟ್ಟೆಯ ಸೂಚ್ಯಂಕಗಳಾದ ಸೆನ್ಸೆಕ್ಸ್, ನಿಫ್ಟಿ ಸೋಮವಾರ (ಮೇ 17, 2021) ಭರ್ಜರಿ ಏರಿಕೆ ಕಂಡಿದೆ. ಸೆನ್ಸೆಕ್ಸ್ 848.18 ಪಾಯಿಂಟ್ ಅಥವಾ ಶೇ 1.74ರಷ್ಟು ಮೇಲೇರಿ 49,580.73 ಪಾಯಿಂಟ್​ನೊಂದಿಗೆ ವ್ಯವಹಾರ ಚುಕ್ತಾ ಮಾಡಿದರೆ, ನಿಫ್ಟಿ ಸೂಚ್ಯಂಕವು 245.35 ಪಾಯಿಂಟ್​ಗಳು ಅಥವಾ ಶೇ 1.67 ಏರಿಕೆಯಾಗಿ, 14,923.15 ಪಾಯಿಂಟ್​ನೊಂದಿಗೆ ದಿನಾಂತ್ಯ ಕಂಡಿದೆ. ವಲಯವಾರು ಹೇಳಬೇಕೆಂದರೆ, ನಿಫ್ಟಿ ಎನರ್ಜಿ, ಬ್ಯಾಂಕ್, ವಾಹನ, ಲೋಹ ಮತ್ತು ಸಾರ್ವಜನಿಕ ಸ್ವಾಮ್ಯದ ಬ್ಯಾಂಕ್​ಗಳ ಸೂಚ್ಯಂಕವು ಶೇ 1ರಿಂದ 4ರಷ್ಟು ಗಳಿಕೆಯನ್ನು ಕಂಡಿವೆ. ಬಿಎಸ್​ಇ ಮಿಡ್​ಕ್ಯಾಪ್ ಮತ್ತು ಸ್ಮಾಲ್​ಕ್ಯಾಪ್ ತಲಾ ಶೇ 1.6ರಷ್ಟು ಸೇರ್ಪಡೆ ಮಾಡಿದೆ. ಅಂದಹಾಗೆ ಯುಪಿಎಲ್, ಗಾಮನ್ ಇನ್​ಫ್ರಾ ಮತ್ತು ಕೆಪಿಐಟಿ ಟೆಕ್ನಾಲಜೀಸ್ ಸೇರಿದಂತೆ 250 ಸ್ಟಾಕ್​ಗಳು ಬಿಎಸ್​ಇಯಲ್ಲಿ ವಾರ್ಷಿಕ ಗರಿಷ್ಠ ಮಟ್ಟ ಮುಟ್ಟಿದವು.

ಜಾಗತಿಕ ಸಕಾರಾತ್ಮಕ ಪ್ರಭಾವ, ಉತ್ತಮ ಗಳಿಕೆ, ಕೊರೊನಾ ಸೋಂಕು ಪ್ರಕರಣಗಳಲ್ಲಿನ ಇಳಿಕೆ, ಬ್ಯಾಂಕಿಂಗ್ ಸ್ಟಾಕ್​ಗಳಲ್ಲಿನ ಪ್ರಬಲ ಗಳಿಕೆ ಹಾಗೂ ತಾಂಂತ್ರಿಕ ದೃಷ್ಟಿಕೋನ (ಟೆಕ್ನಿಕಲ್ ವ್ಯೂ) ಈ ಎಲ್ಲದರ ಹಿನ್ನೆಲೆಯಲ್ಲಿ ಷೇರು ಮಾರುಕಟ್ಟೆ ವಾರದ ಮೊದಲ ದಿನವಾದ ಸೋಮವಾರದಂದು ಭರ್ಜರಿಯಾದ ಏರಿಕೆಯನ್ನೇ ದಾಖಲಿಸಿದೆ.

ನಿಫ್ಟಿಯಲ್ಲಿ ಏರಿಕೆ ದಾಖಲಿಸಿದ ಪ್ರಮುಖ ಷೇರುಗಳು ಇಂಡಸ್​ಇಂಡ್ ಬ್ಯಾಂಕ್ ಶೇ 7.36 ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಶೇ 6.28 ಐಸಿಐಸಿಐ ಬ್ಯಾಂಕ್ ಶೇ 4.40 ಎಚ್​ಡಿಎಫ್​ಸಿ ಬ್ಯಾಂಕ್ ಶೇ 3.85 ಯುಪಿಎಲ್ ಶೇ 3.69

ನಿಫ್ಟಿಯಲ್ಲಿ ಇಳಿಕೆ ದಾಖಲಿಸಿದ ಪ್ರಮುಖ ಷೇರುಗಳು ಸಿಪ್ಲಾ ಶೇ -2.53 ಲಾರ್ಸನ್ ಶೇ -2.03 ಭಾರ್ತಿ ಏರ್​ಟೆಲ್ ಶೇ -1.92 ಎಸ್​ಬಿಐ ಲೈಫ್ ಇನ್ಷೂರೆನ್ಸ್ ಶೇ -1.51 ನೆಸ್ಟ್ಲೆ ಶೇ -1.08

ಇದನ್ನೂ ಓದಿ: stock market investor: ವ್ಯಕ್ತಿಯ ಸಾವಿನ ನಂತರ ಷೇರು ವರ್ಗಾವಣೆ ಪ್ರಕ್ರಿಯೆ ಹೇಗೆ ನಡೆಯುತ್ತದೆ?

(Closing bell: Sensex surge 848 points and nifty increased 245 points on May 17, 2021)

Published On - 6:05 pm, Mon, 17 May 21