Multibagger: 1 ರುಪಾಯಿಗೆ 4 ವರ್ಷದಲ್ಲಿ 45 ರುಪಾಯಿ ಲಾಭ; ಇದು ಈ ಪೆನ್ನಿ ಸ್ಟಾಕ್ನ ಮ್ಯಾಜಿಕ್
Comfort Intech Ltd share: ಮುಂಬೈ ಮೂಲದ ಟ್ರೇಡಿಂಗ್ ಕಂಪನಿ ಕಂಫರ್ಟ್ ಇಂಟೆಕ್ಸ್ ಷೇರು ಅಗಾಧ ಬೆಳವಣಿಗೆಯಿಂದ ಗಮನ ಸೆಳೆದಿದೆ. ನಾಲ್ಕು ವರ್ಷದ ಹಿಂದೆ 2020ರಲ್ಲಿ ಕೇವಲ 22 ಪೈಸೆ ಇದ್ದ ಇದರ ಷೇರುಬೆಲೆ ಈ ವಾರದ ಕೊನೆಯಲ್ಲಿ 10.06 ರೂ ಆಗಿದೆ. ನಾಲ್ಕು ವರ್ಷದಲ್ಲಿ ಹಲವು ಪಟ್ಟು ಲಾಭ ಮಾಡಿದೆ. 2020ರಲ್ಲಿ ಈ ಷೇರುಗಳ ಮೇಲೆ 1 ಲಕ್ಷ ರೂ ಹೂಡಿಕೆ ಮಾಡಿದ್ದರೆ ಇವತ್ತು ಅವರಿಗೆ 45 ಲಕ್ಷ ರೂ ಆಗಿರುತ್ತಿತ್ತು.
ನವದೆಹಲಿ, ಮಾರ್ಚ್ 17: ಬಹಳ ಕಡಿಮೆ ಬೆಲೆಯ ಷೇರುಗಳು (penny stocks) ಅಚ್ಚರಿ ರೀತಿಯಲ್ಲಿ ಲಾಭ ತಂದುಕೊಟ್ಟಿರುವ ಹಲವು ನಿದರ್ಶನಗಳಿವೆ. ನಿರ್ದಿಷ್ಟ ಅವಧಿಯಲ್ಲಿ ಮಲ್ಟಿಬ್ಯಾಗರ್ (Multibagger) ಆಗುವ ಈ ಷೇರುಗಳು ಹೂಡಿಕೆದಾರರನ್ನು ಶ್ರೀಮಂತರನ್ನಾಗಿಸಿವೆ. ಇಂಥ ಮಲ್ಟಿಬ್ಯಾಗರ್ ಷೇರುಗಳು ಹಲವಿವೆ. ಕಂಫರ್ಟ್ ಇಂಟೆಕ್ (comfort intech) ಎಂಬ ಕಂಪನಿಯ ಷೇರು ಅಂಥದ್ದೊಂದು. ಇದು ಕಳೆದ ನಾಲ್ಕು ವರ್ಷದಲ್ಲಿ ಶೇ. 4,000ಕ್ಕೂ ಅಧಿಕ ಬೆಳೆದಿದೆ. 2020ರ ಏಪ್ರಿಲ್ ತಿಂಗಳಲ್ಲಿ ಇದರ ಷೇರು ಬೆಲೆ ಕೇವಲ 22 ಪೈಸೆ ಇತ್ತು. ಈಗ 10.06 ರೂ ಆಗಿದೆ. ಅಂದರೆ ಬೆಲೆ 47 ಪಟ್ಟು ಹೆಚ್ಚು ಬೆಳೆದಿದೆ.
ಒಂದು ಲಕ್ಷಕ್ಕೆ 45 ಲಕ್ಷ ರೂ ಲಾಭ
ಒಂದು ವೇಳೆ 2020ರ ಎಪ್ರಿಲ್ನಲ್ಲಿ ಕಂಫರ್ಟ್ ಇಂಟೆಕ್ನ ಷೇರುಬೆಲೆ 22 ರೂ ಇದ್ದಾಗ ನೀವೇನಾದರೂ ಒಂದು ಲಕ್ಷ ರೂನಷ್ಟು ಹೂಡಿಕೆ ಮಾಡಿದ್ದೇ ಆದಲ್ಲಿ ಇವತ್ತು ನಿಮ್ಮ ಸಂಪತ್ತು 45 ಲಕ್ಷ ರೂ ಆಗಿರುತ್ತಿತ್ತು.
ಕಂಫರ್ಟ್ ಇಂಟೆಕ್ ಮುಂಬೈನಲ್ಲಿ ಮುಖ್ಯ ಕಚೇರಿ ಹೊಂದಿದ್ದು, ವಿವಿಧ ವ್ಯವಹಾರಗಳಲ್ಲಿ ತೊಡಗಿಸಿಕೊಂಡಿದೆ. ಷೇರು ಮತ್ತು ಮ್ಯೂಚುವಲ್ ಫಂಡ್ಗಳ ಟ್ರೇಡಿಂಗ್, ಚಿರಾಸ್ತಿಗಳಿಗೆ ಹಣಕಾಸು ವ್ಯವಸ್ಥೆ ಮತ್ತು ಲೀಸಿಂಗ್, ಲಿಕ್ಕರ್ ತಯಾರಿಕೆ ಇತ್ಯಾದಿ ವ್ಯವಹಾರಗಳನ್ನು ನಡೆಸುತ್ತದೆ. 1994ರಲ್ಲಿ ಕಂಫರ್ಟ್ ಫಿನ್ವೆಸ್ಟ್ ಲಿ ಎಂದು ಹೆಸರಿದ್ದ ಇದು 2000ರಲ್ಲಿ ಕಂಫರ್ಟ್ ಇಂಟೆಕ್ ಲಿ ಎಂದು ಹೆಸರು ಬದಲಾಯಿಸಿಕೊಂಡಿತು.
ಕಂಫರ್ಟ್ ಇಂಟೆಕ್ ಷೇರು ಮಾರುಕಟ್ಟೆ ಇತ್ತೀಚೆಗೆ ಪ್ರವೇಶ ಮಾಡಿದ್ದಲ್ಲ. ತನ್ನ ಸುದೀರ್ಘ ಇರುವಿಕೆಯಲ್ಲಿ ಬಹಳ ಏರಿಳಿತಗಳನ್ನು ಕಂಡಿದೆ. 2010ರಲ್ಲಿ ಅದರ ಷೇರುಬೆಲೆ 17.50 ರೂಗೆ ಏರಿತ್ತು. 2009ರಲ್ಲಿ ಕೇವಲ 1.76 ರೂ ಇದ್ದ ಇದರ ಬೆಲೆ ಒಂದೇ ವರ್ಷದಲ್ಲಿ 17 ರೂ ಮಟ್ಟ ತಲುಪಿ ಅಚ್ಚರಿ ಮೂಡಿಸಿತ್ತು.
ಇದನ್ನೂ ಓದಿ: ಮಾರ್ಚ್ ತಿಂಗಳ ಕೊನೆಯ 10 ದಿನದಲ್ಲಿ ಬ್ಯಾಂಕುಗಳಿಗೆ 8 ದಿನ ರಜೆ; ನೋಡಿ ಪಟ್ಟಿ
ಅದಾದ ಬಳಿಕ ಕಂಫರ್ಟ್ ಇಂಟೆಕ್ನ ಷೇರುಬೆಲೆ ಮತ್ತೆ ಹೈ ಜಂಪ್ ಮಾಡಿದೆ. ಈ ಏರಿಕೆಯ ಹಾದಿ ಎಷ್ಟು ಎತ್ತರಕ್ಕೆ ಹೋಗುತ್ತದೆ ಎಂಬುದು ಗೊತ್ತಿಲ್ಲ. ತನ್ನ ಹಿಂದಿನ ಗರಿಷ್ಠ ಮಟ್ಟವನ್ನು ಅದು ಇನ್ನೂ ತಲುಪಿಲ್ಲ. ಹೀಗಾಗಿ, ಅದರ ಮೇಲೆ ಈಗಲೂ ಹೂಡಿಕೆ ಮಾಡಬಹುದು ಎಂದು ಕೆಲ ತಜ್ಞರು ಹೇಳಿರುವುದುಂಟು.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
