ಮ್ಯಾಕ್ಸ್​ ಲೈಫ್​ ಇನ್ಷೂರೆನ್ಸ್​ನಿಂದ 2020-21ರ ಹಣಕಾಸು ವರ್ಷದಲ್ಲಿ ಶೇ 99.30ರ ಮರಣ ಕ್ಲೇಮ್ ವಿಲೇವಾರಿ

ಮ್ಯಾಕ್ಸ್ ಲೈಫ್ ಇನ್ಷೂರೆನ್ಸ್ ಮರಣದ ಕ್ಲೇಮ್ ಶೇ 99ಕ್ಕಿಂತ ಹೆಚ್ಚಿದೆ ಆ ಬಗ್ಗೆ ಮಾಹಿತಿ ಇಲ್ಲಿದೆ. ಇದು ದಾಖಲೆಯ ಪ್ರಮಾಣದ ಕ್ಲೇಮ್ ವಿಲೇವಾರಿ ಆಗಿದೆ.

ಮ್ಯಾಕ್ಸ್​ ಲೈಫ್​ ಇನ್ಷೂರೆನ್ಸ್​ನಿಂದ 2020-21ರ ಹಣಕಾಸು ವರ್ಷದಲ್ಲಿ ಶೇ 99.30ರ ಮರಣ ಕ್ಲೇಮ್ ವಿಲೇವಾರಿ
ಸಾಂದರ್ಭಿಕ ಚಿತ್ರ

2020-21ರ ಹಣಕಾಸು ವರ್ಷದಲ್ಲಿ ಮ್ಯಾಕ್ಸ್ ಲೈಫ್ ಇನ್ಷೂರೆನ್ಸ್‌ನ ಮರಣದ ಕ್ಲೈಮ್ ವಿಲೇವಾರಿ ಶೇಕಡಾ 99ಕ್ಕಿಂತ ಹೆಚ್ಚಿದೆ. ಇದರಲ್ಲಿ ಕಂಪೆನಿಯು ರೂ. 885 ಕೋಟಿ ಮೌಲ್ಯದ ಕ್ಲೇಮ್‌ಗಳನ್ನು ಪಾವತಿಸಿದೆ. 2020-21ರ ಹಣಕಾಸು ವರ್ಷದಲ್ಲಿ ಕಂಪೆನಿಯು 885.57 ಕೋಟಿ ರೂಪಾಯಿ ಮೌಲ್ಯದ 19,922 ಮರಣದ ಕ್ಲೇಮ್‌ಗಳನ್ನು ಪಾವತಿಸಿದ್ದು, ಇದರ ಪರಿಣಾಮವಾಗಿ ಕಂಪೆನಿಯು ವೈಯಕ್ತಿಕ ಸಾವಿನ ಕ್ಲೇಮ್‌ಗಳು ಶೇಕಡಾ 99.35ರ ಅನುಪಾತದಷ್ಟು ಪಾವತಿಸಿದೆ ಎಂದು ಮ್ಯಾಕ್ಸ್ ಲೈಫ್ ಇನ್ಷೂರೆನ್ಸ್ ಬುಧವಾರ ಹೇಳಿಕೆಯಲ್ಲಿ ತಿಳಿಸಿದೆ. ಗ್ರಾಹಕರ ಬದ್ಧತೆಯು ಕಳೆದ ಎರಡು ಹಣಕಾಸು ವರ್ಷಗಳಲ್ಲಿ ಶೇ 99ರ ಮಾನದಂಡವನ್ನು ಮೀರಿಸಲು ಕ್ಲೇಮ್‌ಗಳ ಪಾವತಿಸಿದ ಅನುಪಾತವನ್ನು ಸ್ಥಿರವಾಗಿ ಸುಧಾರಿಸಲು ಕಂಪೆನಿಗೆ ಸಹಾಯ ಮಾಡಿದೆ ಎಂದು ಮ್ಯಾಕ್ಸ್ ಲೈಫ್‌ ಹೇಳಿದೆ.

ಸೇವೆಗಳ ಡಿಜಿಟಲ್ ವಿತರಣೆಯ ಮೇಲೆ ಕೇಂದ್ರೀಕರಿಸಿ ಮ್ಯಾಕ್ಸ್ ಲೈಫ್ ಫೋರೆನ್ಸಿಕ್ ನಿಯಂತ್ರಣಗಳ ಡಿಜಿಟಲೈಸೇಶನ್‌ನಿಂದ ಬಲಪಡಿಸಲಾದ ಭವಿಷ್ಯಸೂಚಕ ವಿಶ್ಲೇಷಣೆ-ಆಧಾರಿತ ಅಂಡರ್‌ರೈಟಿಂಗ್ ಮಾದರಿಗಳು ಮತ್ತು ದೃಢವಾದ ವಂಚನೆ ನಿರ್ವಹಣೆಯನ್ನು ನಿಯೋಜಿಸಿದೆ ಎಂದು ಹೇಳಿದೆ. ಇದು ಕಳೆದ ಐದು ವರ್ಷಗಳಲ್ಲಿ ಮ್ಯಾಕ್ಸ್ ಲೈಫ್‌ನ ಕ್ಲೇಮ್‌ಗಳ ಪಾವತಿ ಅನುಪಾತವನ್ನು FY17ರಲ್ಲಿ ಶೇ 97.81ರಿಂದ FY21ರಲ್ಲಿ ಶೇ 99.35ಕ್ಕೆ ಸ್ಥಿರವಾಗಿ ಸುಧಾರಿಸಿದೆ. ಇದು ಕಂಪೆನಿಯ ಹೊಸ ‘ಇಂಡಿಯಾ ಕೆ ಭರೋಸೆ ಕಾ ನಂಬರ್’ ಆಗಿದೆ. ಭರೋಸೆ ಕಾ ನಂಬರ್ ಕ್ಲೇಮ್‌ಗಳ ಪಾವತಿಸಿದ ಅನುಪಾತದಲ್ಲಿ ಮ್ಯಾಕ್ಸ್ ಲೈಫ್‌ನ ಬ್ರ್ಯಾಂಡ್ ಪ್ರಚಾರವಾಗಿದೆ. ಇದು ಹಣಕಾಸಿನ ವರ್ಷದಲ್ಲಿ ಸ್ವೀಕರಿಸಿದ ಸಾವಿನ ಕ್ಲೇಮ್​ಗಳ ಸಂಖ್ಯೆಯ ವಿರುದ್ಧ ಪಾವತಿಸಿದ ಸಾವಿನ ಕ್ಲೇಮ್​ಗಳ ಅನುಪಾತವಾಗಿದೆ.

ಮ್ಯಾಕ್ಸ್ ಲೈಫ್ ಎಂ.ಡಿ. ಮತ್ತು ಸಿಇಒ ಪ್ರಶಾಂತ್ ತ್ರಿಪಾಠಿ ಮಾತನಾಡಿ, “ಡಿಜಿಟಲ್ ನೇತೃತ್ವದ ಗ್ರಾಹಕ ಸೇವೆಗಳಿಗೆ ಆದ್ಯತೆ ನೀಡುವ ಮೂಲಕ ಕೊರೊನಾ ಸಮಯದಲ್ಲಿ ಹೆಚ್ಚು ನಿರ್ಣಾಯಕವಾಗಿರುವ ಸಮಸ್ಯೆಮುಕ್ತ ಕ್ಲೇಮ್‌ಗಳ ಪರಿಹಾರದ ಅನುಭವವನ್ನು ನಾವು ಸಕ್ರಿಯಗೊಳಿಸಿದ್ದೇವೆ,” ಎಂದಿದ್ದಾರೆ. ಶೀಘ್ರ ಕ್ಲೇಮ್ ವಿತರಣೆಯೊಂದಿಗೆ ಗ್ರಾಹಕರು ಅವರನ್ನು ಬೆಂಬಲಿಸಲು ತಲುಪಿರುವ ಸಮಯದಲ್ಲಿ, “ಗ್ರಾಹಕರ ಉತ್ಕಟತೆ” ಎಂಬ ನಮ್ಮ ಗಮನವು ಅತ್ಯಂತ ನಿರ್ಣಾಯಕ ಹಂತದಲ್ಲಿ ಅವರೊಂದಿಗೆ ನಿಲ್ಲುವ ಭರವಸೆಯೊಂದಿಗೆ ಸೇವೆಯನ್ನು ಹೆಚ್ಚಿಸಲು ನಮಗೆ ಸ್ಫೂರ್ತಿ ನೀಡಿದೆ ಎಂದು ಅವರು ಹೇಳಿದ್ದಾರೆ.

ಖಾಸಗಿ ವಲಯದ ವಿಮಾದಾರ ಮ್ಯಾಕ್ಸ್ ಲೈಫ್ ಗ್ರಾಹಕರ ಸೇವೆಗಾಗಿ ತನ್ನ WhatsApp, AI- ಆಧಾರಿತ ಚಾಟ್‌ಬಾಟ್ ‘ಮಿಲಿ’ ಮೂಲಕ ಗ್ರಾಹಕರಿಗೆ ಹಗಲಿರುಳು ಪೂರೈಸಲು ಸಂಯೋಜಿಸಿದ್ದು, FY21ರಲ್ಲಿ ತನ್ನ ಡಿಜಿಟಲ್ ಪ್ಲಾಟ್‌ಫಾರ್ಮ್‌ಗಳಲ್ಲಿ 40 ಲಕ್ಷಕ್ಕೂ ಹೆಚ್ಚು ಸೇವಾ ಪ್ರಶ್ನೆಗಳನ್ನು ನಿರ್ವಹಿಸಲು ಸಹಾಯ ಮಾಡಿದೆ.

ಇದನ್ನೂ ಓದಿ: Complaints About Insurance: ಇನ್ಷೂರೆನ್ಸ್​ ಬಗೆಗಿನ ಯಾವುದೇ ದೂರುಗಳಿದ್ದಲ್ಲಿ ಸಲ್ಲಿಸುವುದಕ್ಕೆ ಇಲ್ಲಿದೆ ವಿವಿಧ ವಿಧಾನ

Click on your DTH Provider to Add TV9 Kannada