EPF Interest Rate: ಇಪಿಎಫ್ ಚಂದಾದಾರರ ಖಾತೆಗೆ ಜುಲೈ ಕೊನೆ ಹೊತ್ತಿಗೆ ಬಡ್ಡಿ ಜಮೆ; ಪಿಎಫ್ ಬ್ಯಾಲೆನ್ಸ್ ಚೆಕ್ ಮಾಡೋದು ಹೀಗೆ

2020-21ನೇ ಸಾಲಿನ ಹಣಕಾಸು ವರ್ಷದ ಕಾರ್ಮಿಕರ ಭವಿಷ್ಯ ನಿಧಿ (EPF) ಬಡ್ಡಿ ದರವನ್ನು ಜುಲೈ ತಿಂಗಳ ಕೊನೆ ಹೊತ್ತಿಗೆ ಖಾತೆದಾರರ ಖಾತೆಗಳಿಗೆ ಜಮೆ ಮಾಡುವ ಸಾಧ್ಯತೆ ಇದೆ. ಶೇ 8.5ರಷ್ಟು ಬಡ್ಡಿಯನ್ನು ಆರು ಕೋಟಿ ಚಂದಾದಾರರ ಖಾತೆಗಳಿಗೆ ಜಮೆ ಮಾಡಲಾಗುತ್ತದೆ. ಈ ವರ್ಷದ ಮಾರ್ಚ್​ ತಿಂಗಳಲ್ಲಿ ಇಪಿಎಫ್​ಒದಿಂದ ಪ್ರಮುಖ ಬಡ್ಡಿ ದರದಲ್ಲಿ ಯಾವುದೇ ಬದಲಾವಣೆಯನ್ನು ಮಾಡದೆ ಶೇ 8.5 ಹಾಗೇ ಉಳಿಸಲಾಗಿತ್ತು. ಅಂದಹಾಗೆ ಈ ವರ್ಷದ ಹಣಕಾಸು ವರ್ಷದಲ್ಲಿ ಠೇವಣಿಗಿಂತ ಹೆಚ್ಚಾಗಿ ವಿಥ್​ ಡ್ರಾ ಮಾಡಲಾಗಿದೆ. ಅಂದ ಹಾಗೆ ಪಿಎಫ್ ಚಂದಾದಾರರು ತಮ್ಮ ಖಾತೆಯ ಬಾಕಿಯನ್ನು ಪರಿಶೀಲನೆ ಮಾಡಲು ನಾಲ್ಕು ವಿಧಾನಗಳಿವೆ. ಅವುಗಳು ಈ ಕೆಳಕಂಡಂತಿವೆ:

1.ಎಸ್ಸೆಮ್ಮೆಸ್ ಮೆಸೇಜ್​ನಲ್ಲಿ EPFOHO UAN ENG ಟೈಪ್​ ಮಾಡಿ ಮತ್ತು 7738299899 ಈ ಸಂಖ್ಯೆಗೆ ಕಳುಹಿಸಿ. ಎಸ್ಸೆಮ್ಮೆಸ್ ತಲುಪಿದ ಮೇಲೆ ಇಪಿಎಫ್​ಒದಿಂದ ಸಂದೇಶ ಕಳುಹಿಸಿದವರು ಪಿಎಫ್ ಬ್ಯಾಂಕ್ ಖಾತೆಯ ಮಾಹಿತಿ ಬರುತ್ತದೆ.

2. UMANG ಆ್ಯಪ್ ಯೂನಿಫೈಡ್ ಮೊಬೈಲ್ ಅಪ್ಲಿಕೇಷನ್ ಫಾರ್ ನ್ಯೂ ಏಜ್ ಗವರ್ನೆನ್ಸ್ (UMANG) ಆ್ಯಪ್​ ತೆರೆದು, ಅದರಲ್ಲಿ ಇಪಿಎಫ್​ಒ ಎಂಬುದರ ಮೇಲೆ ಕ್ಲಿಕ್ ಮಾಡಿ. ಆ ನಂತರ “Employee Centric Services” ಮೇಲೆ ಕ್ಲಿಕ್ ಮಾಡಿ. ಅದಾದ ಮೇಲೆ View Passbook ಆಯ್ಕೆ ಬರುತ್ತದೆ. ಯುಎಎಸ್​ ಸಂಖ್ಯೆಯನ್ನು ನಮೂದಿಸಿದಲ್ಲಿ ಒನ್ ಟೈಮ್ ಪಾಸ್​ವರ್ಡ್ ನೋಂದಾಯಿತ ಮೊಬೈಲ್ ಸಂಖ್ಯೆಗೆ ಬರುತ್ತದೆ. ಅಂತಿಮವಾಗಿ ಇಪಿಎಫ್ ಬಾಕಿ ಪರಿಶೀಲನೆ ಮಾಡಬಹುದು.

3. ಮಿಸ್ಡ್ ಕಾಲ್ ಇದಕ್ಕಾಗಿ ಮೊದಲಿಗೆ ಯುಎಎನ್​ ಸಂಖ್ಯೆ ಜತೆಗೆ ಕೆವೈಸಿ ಮಾಹಿತಿ ಅಪ್​ಡೇಟ್ ಆಗಿರಬೇಕು. ಆ ನಂತರ 011-22901406 ಈ ಸಂಖ್ಯೆಗೆ ಮಿಸ್ಡ್​ ಕಾಲ್ ನೀಡಬೇಕು. ಆ ನಂತರ ಅಗತ್ಯ ಮಾಹಿತಿಯು ನೋಂದಾಯಿತ ಮೊಬೈಲ್ ಸಂಖ್ಯೆಗೆ ಬರುತ್ತದೆ.

4. ಆನ್​ಲೈನ್ epfindia.gov.in ಈ ವೆಬ್​ಸೈಟ್​ಗೆ ತೆರಳಬೇಕು. ಅಲ್ಲಿ e- passbook ಕ್ಲಿಕ್ ಮಾಡಬೇಕು. ಯುಎಎನ್, ಪಾಸ್​ವರ್ಡ್ ಮತ್ತು Captcha code ನಮೂದಿಸಬೇಕು. ಆ ನಂತರ ಹೊಸ ಪುಟಕ್ಕೆ ಹೋಗುತ್ತದೆ. ಅಲ್ಲಿ ಸದಸ್ಯ ಸಂಖ್ಯೆಯನ್ನು ನಮೂದಿಸಬೇಕು. submit ಎಂಬುದರ ಮೇಲೆ ಕ್ಲಿಕ್ ಮಾಡಬೇಕು. ಆ ನಂತರ ಪಿಎಫ್ ಬಾಕಿ ಸ್ಕ್ರೀನ್ ಮೇಲೆ ಕಾಣಿಸುತ್ತದೆ.

2020ರ ಮಾರ್ಚ್ ತಿಂಗಳಲ್ಲಿ 2019-20ನೇ ಸಾಲಿನ ಬಡ್ಡಿ ದರವನ್ನು ಶೇ 8.5ಕ್ಕೆ ಇಳಿಸಲಾಯಿತು. ಕೊರೊನಾ ಕಾರಣದಿಂದ ಆ ನಿರ್ಧಾರಕ್ಕೆ ಬರಲಾಯಿತು. ಅದಕ್ಕೂ ಮುಂಚೆ 2018-19ರಲ್ಲಿ ಶೇ 8.65 ಹಾಗೂ 2017-18ರಲ್ಲಿ ಶೇ 8.55ರಷ್ಟು ಬಡ್ಡಿ ದರ ಇತ್ತು.

ಇದನ್ನೂ ಓದಿ: EPF Online Transfer: ಇಪಿಎಫ್ ಖಾತೆಯ ಆನ್​ಲೈನ್ ವರ್ಗಾವಣೆ ಹೇಗೆ? ಇಲ್ಲಿದೆ ವಿವರ

(EPF Interest Likely To Credit PF Subscribers Account By July End Know How To Check PF Balance)