HDFC Bank FD Rates: ಎಫ್ಡಿ ಮೇಲಿನ ಬಡ್ಡಿ ದರ ಏರಿಕೆ ಮಾಡಿದ ಎಚ್ಡಿಎಫ್ಸಿ ಬ್ಯಾಂಕ್

ಮೇ 18, 2022ರಿಂದ ಅನ್ವಯ ಆಗುವಂತೆ ಎಚ್ಡಿಎಫ್ಸಿ ಬ್ಯಾಂಕ್ನಿಂದ ಎಫ್ಡಿ ಮೇಲಿನ ಬಡ್ಡಿ ದರವನ್ನು ಹೆಚ್ಚಳ ಮಾಡಲಾಗಿದೆ. ಆ ಬಗ್ಗೆ ವಿವರ ಇಲ್ಲಿದೆ.

ಸಾಂದರ್ಭಿಕ ಚಿತ್ರ

TV9 Web | Edited By: Srinivas Mata|
Updated on: May 18, 2022 | 5:34 PM

ಭಾರತದ ಅತಿ ದೊಡ್ಡ ಖಾಸಗಿ ಬ್ಯಾಂಕ್ ಆದ ಎಚ್ಡಿಎಫ್ಸಿ ಬ್ಯಾಂಕ್ನಿಂದ (HDFC Bank) ಫಿಕ್ಸೆಡ್ ಡೆಪಾಸಿಟ್ಸ್ಗಳ ಮೇಲಿನ ಬಡ್ಡಿ ದರವನ್ನು ಹೆಚ್ಚಿಸಲಾಗಿದೆ. ವಿವಿಧ ಅವಧಿಗಳಿಗೆ ಈ ದರವು ಅನ್ವಯಿಸುತ್ತದೆ. ಎರಡು ಕೋಟಿ ರೂಪಾಯಿಗಿಂತ ಕಡಿಮೆ ಮೊತ್ತಕ್ಕೆ ಈ ದರ ಅನ್ವಯ ಆಗುತ್ತದೆ. ಆರ್ಬಿಐನಿಂದ ರೆಪೋ ದರ ಏರಿಕೆ ಮಾಡಿದ ಎರಡು ವಾರಗಳ ನಂತರ ಬಡ್ಡಿ ದರ ಏರಿಕೆ ಬಗ್ಗೆ ಬ್ಯಾಂಕ್ ಘೋಷಣೆ ಮಾಡಿದೆ. 9 ತಿಂಗಳ ಮೇಲ್ಪಟ್ಟ ಅವಧಿಗೆ ಹೊಸ ದರ ಜಾರಿಗೆ ಬರುತ್ತದೆ. ಹೊಸ ಬಡ್ಡಿ ದರವು 10ರಿಂದ 20 ಬೇಸಿಸ್ ಪಾಯಿಂಟ್ಸ್ ಹೆಚ್ಚಿಸಲಾಗಿದೆ. ಹಿರಿಯ ನಾಗರಿಕರಿಗೆ ಶೇ 0.50ರಷ್ಟು ಜಾಸ್ತಿ ಸಿಗುತ್ತದೆ. ಅಂದಹಾಗೆ ಈ ಹೆಚ್ಚಳವು ಮೇ 18, 2022ರಿಂದ ಜಾರಿಗೆ ಬಂದಿದೆ ಎಂದು ಬ್ಯಾಂಕ್ ವೆಬ್ಸೈಟ್ನಲ್ಲಿ ಮಾಹಿತಿ ನೀಡಲಾಗಿದೆ.

“ಹೆಚ್ಚುವರಿ ಪ್ರೀಮಿಯಂ ಶೇ 0.25ರಷ್ಟು (ಈಗಾಗಲೇ ಇರುವ ಶೇ 0.50 ಪ್ರೀಮಿಯಂಗೂ ಮೇಲ್ಪಟ್ಟು) ಬಡ್ಡಿ ದರವನ್ನು 5 ಕೋಟಿ ರೂಪಾಯಿಗಿಂತ ಕಡಿಮೆ ಮೊತ್ತವನ್ನು 5 ವರ್ಷದ ಒಂದು ದಿನದಿಂದ ಹತ್ತು ವರ್ಷದ ತನಕ ಎಫ್ಡಿ ಮಾಡುವುದಕ್ಕೆ ಬಯಸುವ ಹಿರಿಯ ನಾಗರಿಕರಿಗೆ ನೀಡಲಾಗುತ್ತದೆ. ಈ ಆಫರ್ ಮೇ 18ನೇ ತಾರೀಕು 2020ರಿಂದ ಆರಂಭವಾಗಿದ್ದು, 2022ರ ಸೆಪ್ಟೆಂಬರ್ 30ರ ತನಕ ಇದೆ,” ಎಂದು ಬ್ಯಾಂಕ್ ವೆಬ್ಸೈಟ್ನಲ್ಲಿ ತಿಳಿಸಲಾಗಿದೆ.

2 ಕೋಟಿ ರೂಪಾಯಿ ಒಳಗಿನ ಠೇವಣಿ ಮೊತ್ತಕ್ಕೆ ಎಚ್ಡಿಎಫ್ಸಿ ಬ್ಯಾಂಕ್ನ ಪರಿಷ್ಕೃತ ಬಡ್ಡಿ ದರದ ವಿವರ ಇಲ್ಲಿದೆ:

15ರಿಂದ 29 ದಿನ: ಸಾರ್ವಜನಿಕರಿಗೆ- ಶೇ 2.50, ಹಿರಿಯ ನಾಗರಿಕರಿಗೆ- ಶೇ 3

30ರಿಂದ 45 ದಿನ: ಸಾರ್ವಜನಿಕರಿಗೆ- ಶೇ 3, ಹಿರಿಯ ನಾಗರಿಕರಿಗೆ- ಶೇ 3.50

45ರಿಂದ 60 ದಿನ: ಸಾರ್ವಜನಿಕರಿಗೆ- ಶೇ 3, ಹಿರಿಯ ನಾಗರಿಕರಿಗೆ- ಶೇ 3.50

61ರಿಂದ 90 ದಿನ: ಸಾರ್ವಜನಿಕರಿಗೆ- ಶೇ 3, ಹಿರಿಯ ನಾಗರಿಕರಿಗೆ- ಶೇ 3.50

91ರಿಂದ 120 ದಿನ: ಸಾರ್ವಜನಿಕರಿಗೆ- ಶೇ 3.50, ಹಿರಿಯ ನಾಗರಿಕರಿಗೆ- ಶೇ 4

6 ತಿಂಗಳು 1 ದಿನದಿಂದ 9 ತಿಂಗಳು: ಸಾರ್ವಜನಿಕರಿಗೆ- ಶೇ 4.40, ಹಿರಿಯ ನಾಗರಿಕರಿಗೆ- ಶೇ 4.90

9 ತಿಂಗಳು 1 ದಿನದಿಂದ 1 ವರ್ಷದೊಳಗೆ: ಸಾರ್ವಜನಿಕರಿಗೆ- ಶೇ 4.45, ಹಿರಿಯ ನಾಗರಿಕರಿಗೆ- ಶೇ 5

1 ವರ್ಷ: ಸಾರ್ವಜನಿಕರಿಗೆ- ಶೇ 5.10, ಹಿರಿಯ ನಾಗರಿಕರಿಗೆ- ಶೇ 5.60

1 ವರ್ಷದ 1 ದಿನದಿಂದ 2 ವರ್ಷ: ಸಾರ್ವಜನಿಕರಿಗೆ- ಶೇ 5.10, ಹಿರಿಯ ನಾಗರಿಕರಿಗೆ- ಶೇ 5.60

2 ವರ್ಷ 1 ದಿನದಿಂದ 3 ವರ್ಷ: ಸಾರ್ವಜನಿಕರಿಗೆ- ಶೇ 5.40, ಹಿರಿಯ ನಾಗರಿಕರಿಗೆ- ಶೇ 5.90

3 ವರ್ಷ 1 ದಿನದಿಂದ 5 ವರ್ಷ: ಸಾರ್ವಜನಿಕರಿಗೆ- ಶೇ 5.60, ಹಿರಿಯ ನಾಗರಿಕರಿಗೆ- ಶೇ 6.10