Income Tax: Form 26AS ಹೊಸ ಐಟಿ ವೆಬ್ ಪೋರ್ಟಲ್​ನಲ್ಲಿ ಡೌನ್​ಲೋಡ್ ಮಾಡಿಕೊಳ್ಳುವುದು ಹೇಗೆ?

ಆದಾಯ ತೆರಿಗೆ ಇಲಾಖೆಯು ಜೂನ್ 7, 2021ರಂದು www.incometax.gov.in ಹೊಸ ವೆಬ್​ಸೈಟ್ ಬಿಡುಗಡೆ ಮಾಡಿದೆ. ಆದಾಯ ತೆರಿಗೆ ರಿಟರ್ನ್ (ಐಟಿಆರ್) ಫೈಲಿಂಗ್ ಸರಳಗೊಳಿಸುವುದು ಮತ್ತು ಮೊಬೈಲ್​ಫೋನ್​ನಿಂದಲೂ ಐಟಿಆರ್​ ಫೈಲಿಂಗ್ ಸಾಧ್ಯವಾಗುವಂತೆ ಮಾಡುವುದು ಈ ಹೊಸ ವೆಬ್​ಸೈಟ್​ ಗುರಿಯಾಗಿದೆ. ಬೇರೆಲ್ಲ ವೈಶಿಷ್ಟ್ಯಗಳ ಜತೆಗೆ ಈ ವೆಬ್​ಸೈಟ್​ನೊಂದಿಗೆ ತೆರಿಗೆ ಪಾವತಿದಾರರಿಗೆ ಐಟಿಆರ್​ ಫಾರ್ಮ್- 1 ಹಾಗೂ ಐಟಿಆರ್​ ಫಾರ್ಮ್- 2ಗೆ ಐಟಿಆರ್ ಸಿದ್ಧತೆಯ ಸಾಫ್ಟ್​ವೇರ್ ದೊರೆಯುತ್ತದೆ. ಫಾರ್ಮ್ 26AS ಡೌನ್​ಲೋಡ್ ಅನ್ನು ಸಹ ಈ ಹೊಸ ಪೋರ್ಟಲ್ ಸರಳಗೊಳಿಸಿದೆ. ಇದನ್ನು ವಾರ್ಷಿಕ ಸಮಗ್ರ ಸ್ಟೇಟ್​ಮೆಂಟ್ ಎನ್ನಲಾಗುತ್ತದೆ. ಇದರಲ್ಲಿ ಎಲ್ಲ ಮುಖ್ಯವಾದ ತೆರಿಗೆಗೆ ಸಂಬಂಧಿಸಿದ ಮಾಹಿತಿಗಳಿರುತ್ತವೆ. ತೆರಿಗೆದಾರರ ಟಿಡಿಎಸ್​, ಮುಂಗಡ ತೆರಿಗೆ ಮುಂತಾದ ಮಾಹಿತಿಗಳಿರುತ್ತವೆ. ಹೊಸ ವೆಬ್​ಸೈಟ್ ಆರಂಭವಾದ ಮೇಲೆ ತೆರಿಗೆದಾರರು ಹೊಸ ಪೋರ್ಟಲ್​ನಲ್ಲಿ ತಮ್ಮ ಫಾರ್ಮ್ 26AS ಸುಲಭವಾಗಿ ಡೌನ್​ಲೋಡ್​ ಮಾಡಿಕೊಂಡು, ತೆರಿಗೆಗೆ ಸಂಬಂಧಿಸಿದ ಮಾಹಿತಿಗಳನ್ನು ತಿಳಿಯಬಹುದು.

ಹೊಸ ಪೋರ್ಟಲ್​ನಲ್ಲಿ ಫಾರ್ಮ್ 26AS ಡೌನ್​ಲೋಡ್ ಮಾಡುವುದು ಹೇಗೆ?
ಹಂತ 1: ಆದಾಯ ತೆರಿಗೆ ಹೊಸ ವೆಬ್​ಸೈಟ್ www.incometax.gov.inಗೆ ತೆರಳಬೇಕು
ಹಂತ2: ಹೋಮ್​ ಪೇಜ್​ನ ಬಲಭಾಗಕ್ಕೆ ಮೇಲ್ಭಾಗದಲ್ಲಿ ಇರುವ ಲಾಗ್ ಇನ್ ಆಯ್ಕೆಯ ಮೇಲೆ ಕ್ಲಿಕ್ ಮಾಡಬೇಕು
ಹಂತ 3: ಲಾಗ್ ಇನ್ ಆದ ನಂತರ ಇ-ಫೈಲ್ ಮೆನುಗೆ ತೆರಳಿ “View Form 26AS (Tax Credit)” ಲಿಂಕ್ ಮೇಲೆ ಕ್ಲಿಕ್ ಮಾಡಬೇಕು
ಹಂತ 4: ಡಿಸ್​ಕ್ಲೇಮರ್ ಅನ್ನು ಜಾಗ್ರತೆಯಿಂದ ಓದಿದ ನಂತರ ‘confirm’ ಬಟನ್ ಕ್ಲಿಕ್ ಮಾಡಬೇಕು.
ಹಂತ 5: ಡಿಸ್​ಕ್ಲೇಮರ್ ‘confirm’ ಬಟನ್ ಕ್ಲಿಕ್ ಮಾಡಿದ ಮೇಲೆ ಟಿಡಿಎಸ್-ಸಿಪಿಸಿ ವೆಬ್​ಸೈಟ್​ಗೆ ರೀಡೈರೆಕ್ಟ್ ಆಗುತ್ತದೆ.
ಹಂತ 6: ಟಿಡಿಎಸ್-ಸಿಪಿಸಿ ವೆಬ್​ಸೈಟ್​ನಲ್ಲಿ ಯೂಸೇಜಸ್​ಗೆ ಒಪ್ಪಿಗೆ ಸೂಚಿಸಿ, Proceed ಆಯ್ಕೆಯ ಮೇಲೆ ಕ್ಲಿಕ್ ಮಾಡಬೇಕು.
ಹಂತ 7: ಆ ನಂತರ “View Tax Credit (Form 26AS)” ಆಯ್ಕೆ ಮೇಲೆ ಕ್ಲಿಕ್ ಮಾಡಬೇಕು.
ಹಂತ 8: ಅಸೆಸ್​ಮೆಂಟ್ ವರ್ಷವನ್ನು ಆರಿಸಬೇಕು
ಹಂತ 9: ಯಾವ ರೀತಿಯಲ್ಲಿ ನೋಡಲು ಬಯಸುತ್ತೀರಿ (HTML, Text ಅಥವಾ ಪಿಡಿಎಫ್) ಎಂಬುದನ್ನು ಆರಿಸಿಕೊಳ್ಳಬೇಕು
ಹಂತ 10: View/Download ಎಂಬುದರ ಮೇಲೆ ಕ್ಲಿಕ್ ಮಾಡಬೇಕು.
ಹಂತ 11: Form 26AS ಕಂಪ್ಯೂಟರ್ ಮಾನಿಟರ್​ನಲ್ಲಿ ಅಥಬಾ ಸೆಲ್​ಫೋನ್​ ಸ್ಕ್ರೀನ್​ ಮೇಲೆ ಕಾಣಿಸುತ್ತದೆ.
ಅದನ್ನು ಡೌನ್​ಲೋಡ್​ ಹಾಗೂ ಸೇವ್ ಮಾಡಿಕೊಂಡ ಮೇಲೆ ಭವಿಷ್ಯದಲ್ಲಿ ಬಳಸಲು ಅನುಕೂಲ ಆಗುತ್ತದೆ.

ಇದನ್ನೂ ಓದಿ: ITR Filing: ಇಂದಿನಿಂದ ಆದಾಯ ತೆರಿಗೆ ಹೊಸ ಇ ಪೋರ್ಟಲ್; ಆದಾಯ ತೆರಿಗೆ ಪಾವತಿದಾರರಿಗೆ ಗೊತ್ತಿರಬೇಕಾದ 6 ವೈಶಿಷ್ಟ್ಯಗಳು

(How to download Form 26AS from Income Tax department new web portal? Here is the step by step details)