NPS: ನ್ಯಾಷನಲ್ ಪೆನ್ಷನ್ ಸ್ಕೀಮ್; ಹಣ ವಿತ್​ಡ್ರಾ ಮಾಡುವ ಕ್ರಮದಲ್ಲಿ ಬದಲಾವಣೆ? ಈ ಪ್ರಸ್ತಾಪ ಜಾರಿಯಾದರೆ ಪಿಂಚಣಿದಾರರಿಗೆ ಅನುಕೂಲ

ಸಾರ್ವಜನಿಕರಿಗೆ ಲಭ್ಯ ಇರುವ ನ್ಯಾಷನಲ್ ಪೆನ್ಷನ್ ಸಿಸ್ಟಂನಲ್ಲಿ (National Pension System) ಒಂದು ಪ್ರಮುಖ ನಿಯಮ ಬದಲಾವಣೆಗೆ ಪ್ರಸ್ತಾಪ ಮಾಡಲಾಗಿದೆ. ನಿವೃತ್ತಿ ಹೊಂದಿದ ಬಳಿಕ ಎನ್​ಪಿಎಸ್ ನಿಧಿಯಲ್ಲಿ ನಿರ್ದಿಷ್ಟ ಮೊತ್ತದ ಹಣವನ್ನು ಹಂತ ಹಂತವಾಗಿ ಹಿಂಪಡೆಯಲು ಅವಕಾಶ ಕೊಡುವ ಸಿಸ್ಟಮ್ಯಾಟಿಕ್ ಲಂಪ್ಸಮ್ ವಿತ್​ಡ್ರಾಯಲ್ ಸೌಲಭ್ಯ (SLW- Systematic Lump Sum withdrawal facility) ಸಿಗುತ್ತದೆ. ಭಾರತದಲ್ಲಿ ಪಿಂಚಣಿ ನಿಧಿಗಳ ಪ್ರಾಧಿಕಾರವಾದ ಪಿಎಫ್​ಆರ್​ಡಿಎ 2023ರ ಅಕ್ಟೋಬರ್ 27ರಂದು ಈ ಪ್ರಸ್ತಾಪ ಮುಂದಿಟ್ಟಿದೆ.

ನ್ಯಾಷನಲ್ ಪೆನ್ಷನ್ ಸಿಸ್ಟಂನ ಗ್ರಾಹಕರು ಅಥವಾ ಸಬ್​ಸ್ಕ್ರೈಬರ್​ಗಳು ತಮ್ಮ ಪಿಂಚಣಿ ನಿಧಿಯಲ್ಲಿ ಶೇ 60ರಷ್ಟು ಭಾಗವನ್ನು ಎಸ್​​ಎಲ್​ಡಬ್ಲ್ಯು ವ್ಯವಸ್ಥೆ ಮೂಲಕ ತಿಂಗಳಿಗೋ, ಮೂರು ತಿಂಗಳಿಗೂ, ಅರ್ಧ ವರ್ಷಕ್ಕೋ ಅಥವಾ ವರ್ಷಕ್ಕೊಮ್ಮೆಯೋ ನಿರ್ದಿಷ್ಟ ಮೊತ್ತವನ್ನು ತಮ್ಮ 75ನೇ ವಯಸ್ಸಿನವರೆಗೂ ಹಿಂಪಡೆಯಬಹುದಾಗಿದೆ.

ಇದನ್ನೂ ಓದಿ: ಭಾರತೀಯರು ಎಂಥ ಅಪಾಯದಲ್ಲಿದ್ದಾರೆ ಗೊತ್ತಾ? ಬರ್ಬಾದ್ ಆಗಲು ಈ ಒಂದೇ ದುರ್ಘಟನೆ ಸಾಕು ಎನ್ನುತ್ತಾರೆ ನಿತಿನ್ ಕಾಮತ್; ಏನಿದು ಎಚ್ಚರಿಕೆಯ ಕರೆಗಂಟೆ?

ಏನಿದು ಸಿಸ್ಟಮ್ಯಾಟಿಕ್ ಲಂಪ್ಸನ್ ವಿತ್​ಡ್ರಾಯಲ್ ಫೀಚರ್?

ಮ್ಯುಚುವಲ್ ಫಂಡ್​ನಲ್ಲಿ ಸಿಸ್ಟಮ್ಯಾಟಿಕ್ ವಿತ್​ಡ್ರಾಯಲ್ ಪ್ಲಾನ್ ಎಂಬುದನ್ನು ನೀವು ನೋಡಿರಬಹುದು. ಅದೇ ರೀತಿಯದ್ದು ಎನ್​ಪಿಎಸ್​ನ ಎಸ್​ಎಲ್​ಡಬ್ಲ್ಯು ಸೌಲಭ್ಯ. ತಮಗೆ ಬೇಕಾದ ಮೊತ್ತವನ್ನು ತಮಗೆ ಬೇಕಾದ ಅವಧಿಯಲ್ಲಿ ಹಿಂಪಡೆಯಬಹುದಾಗಿದೆ.

ಎನ್​ಪಿಎಸ್ ಸ್ಕೀಮ್​ನಲ್ಲಿ 60ನೇ ವಯಸ್ಸಿನವರೆಗೂ ನಾವು ನಿಧಿ ಕೂಡಿ ಹಾಕಬಹುದು. ಅದಾದ ಬಳಿಕ ಪಿಂಚಣಿ ಕ್ರಮಗಳು ಅನ್ವಯ ಆಗುತ್ತವೆ. 60 ವರ್ಷ ದಾಟಿದ ಬಳಿಕ ಸದಸ್ಯರು ತಮ್ಮ ನಿಧಿಯಲ್ಲಿರುವ ಶೇ. 40ರಷ್ಟು ಹಣವನ್ನು ಇನ್ಷೂರೆನ್ಸ್ ಸಂಸ್ಥೆಯೊಂದರಿಂದ ಪ್ರತ್ಯೇಕ ಪಿಂಚಣಿ ಸ್ಕೀಮ್​ಗೆ ವಿನಿಯೋಗಿಸಬೇಕು. ಉಳಿದ ಹಣವನ್ನು ಹಿಂಪಡೆಯಬಹುದು. ಈಗ ಈ ಹಣ ಹಿಂಪಡೆಯಲು ಎಸ್​ಎಲ್​ಡಬ್ಲ್ಯು ವಿಧಾನವನ್ನು ಜಾರಿಗೆ ತರುವ ಪ್ರಸ್ತಾಪ ಇದೆ.

ಇದನ್ನೂ ಓದಿ: ಸುಕನ್ಯಾ ಸಮೃದ್ಧಿ ಯೋಜನೆ: ತಿಂಗಳಿಗೆ 1,000 ರೂ ಕಟ್ಟಿದರೆ ಎಷ್ಟು ರಿಟರ್ನ್ ಸಿಗುತ್ತದೆ? ಇಲ್ಲಿದೆ ಡೀಟೇಲ್ಸ್

ಈ ಪ್ರಸ್ತಾಪ ಜಾರಿಯಾದರೆ ಎನ್​ಪಿಎಸ್ ಸದಸ್ಯರಿಗೆ ನಿಯಮಿತವಾಗಿ ಎರಡು ಆದಾಯ ಹರಿದುಬರುತ್ತಿರುತ್ತದೆ. ಇನ್ಷೂರೆನ್ಸ್ ಪಿಂಚಣಿ ಸ್ಕೀಮ್​ನಿಂದ ಪ್ರತೀ ತಿಂಗಳು ನಿರ್ದಿಷ್ಟ ಪೆನ್ಷನ್ ಸಿಗುತ್ತಿರುತ್ತದೆ. ಅದರ ಜೊತೆಗೆ ಎನ್​ಪಿಎಸ್​ನ ಶೇ. 60ರಷ್ಟು ನಿಧಿಯಿಂದ ನೀವು ಕಾಲಕಾಲಕ್ಕೆ ಹಿಂಪಡೆಯುವ ಹಣ ನಿಮಗೆ ಹಣಕಾಸು ಅಗತ್ಯತೆಗಳನ್ನು ಪೂರೈಸಲು ಸಾಧ್ಯವಾಗುತ್ತದೆ.

ಇನ್ನಷ್ಟು ಪರ್ಸನಲ್ ಫೈನಾನ್ಸ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ