Post Office FD plan: ಈ ಪೋಸ್ಟ್ ಆಫೀಸ್ ಠೇವಣಿ ಪ್ಲಾನ್ ಸಖತ್ ಆದಾಯ ಸೃಷ್ಟಿಸುವ ಮಾರ್ಗ
Post Office Fixed Deposit Plan: ಪೋಸ್ಟ್ ಆಫೀಸ್ನ ಫಿಕ್ಸೆಡ್ ಡೆಪಾಸಿಟ್ ಪ್ಲಾನ್ ಬಳಸಿ ಉತ್ತಮ ಮಾಸಿಕ ಆದಾಯ ಸೃಷ್ಟಿಸಲು ಸಾಧ್ಯ. ಅಂಚೆ ಕಚೇರಿ ಎಫ್ಡಿ ಸ್ಕೀಮ್ನಲ್ಲಿ 1, 2, 3 ಮತ್ತು 5 ವರ್ಷದ ಠೇವಣಿ ಪ್ಲಾನ್ಗಳಿವೆ. ಶೇ. 6.9ರಿಂದ ಶೇ. 7.5ರವರೆಗೂ ಬಡ್ಡಿ ಸಿಗುತ್ತದೆ. ಫಿಕ್ಸೆಡ್ ಡೆಪಾಸಿಟ್ ಪ್ಲಾನ್ನಲ್ಲಿ ಕನಿಷ್ಠ ಹೂಡಿಕೆ 1,000 ರೂ ಇದ್ದು, ಗರಿಷ್ಠ ಹೂಡಿಕೆಗೆ ಮಿತಿ ಇರುವುದಿಲ್ಲ.
ಪೋಸ್ಟ್ ಆಫೀಸ್ನಲ್ಲಿ ಹಲವಾರು ಸಣ್ಣ ಉಳಿತಾಯ ಯೋಜನೆಗಳಿದ್ದು (Small saving schemes), ಇವುಗಳು ಸಾಕಷ್ಟು ಜನಪ್ರಿಯವಾಗಿವೆ. ಅಂತೆಯೇ, ಅಂಚೆ ಕಚೇರಿಗಳಲ್ಲಿ ಈ ಸ್ಕೀಮ್ಗಳಿಗಾಗಿ ಜನರು ಸಾಲಿನಲ್ಲಿ ನಿಂತಿರುವ ದೃಶ್ಯ ಕಾಣಬಹುದು. ಪೋಸ್ಟ್ ಆಫೀಸ್ನಲ್ಲಿ ಲಭ್ಯ ಇರುವ ಹಲವು ಯೋಜನೆಗಳಲ್ಲಿ ಫಿಕ್ಸೆಡ್ ಡೆಪಾಸಿಟ್ ಪ್ಲಾನ್ ಪ್ರಮುಖವಾದುದು. ಯಾವುದೇ ರಿಸ್ಕ್ ಇಲ್ಲದೇ ಹೂಡಿಕೆ ಮಾಡಲು ಬಯಸುವವರಿಗೆ ಈ ಎಫ್ಡಿ ಪ್ಲಾನ್ ಹೇಳಿ ಮಾಡಿಸಿದ್ದಾಗಿದೆ. ಶೇ. 7.5ರವರೆಗೂ ವಾರ್ಷಿಕ ಬಡ್ಡಿ ನೀಡುತ್ತದೆ ಈ ಪ್ಲಾನ್. ಈ ಪ್ಲಾನ್ನಲ್ಲಿ ಗರಿಷ್ಠ ಠೇವಣಿ ಇರಿಸಿದರೆ ತಿಂಗಳಿಗೆ 44,995 ರೂವರೆಗೂ ಆದಾಯ ಸೃಷ್ಟಿಸಲು ಸಾಧ್ಯ.
ಪೋಸ್ಟ್ ಆಫೀಸ್ ಫಿಕ್ಸಡ್ ಡೆಪಾಸಿಟ್ ಸ್ಕೀಮ್ ವಿವರ
ಪೋಸ್ಟ್ ಆಫೀಸ್ ಫಿಕ್ಸೆಡ್ ಡೆಪಾಸಿಟ್ ಪ್ಲಾನ್ 1 ವರ್ಷದಿಂದ ಆರಂಭವಾಗಿ 5 ವರ್ಷದವರೆಗೂ ಇದೆ. 1, 2, 3 ಮತ್ತು 5 ವರ್ಷಕ್ಕೆ ಬೇರೆ ಬೇರೆ ಪ್ಲಾನ್ಗಳಿವೆ. 1 ವರ್ಷದ ಎಫ್ಡಿಗೆ ಶೇ. 6.9, ಎರಡು ವರ್ಷದ ಎಫ್ಡಿಗೆ ಶೇ. 7 ಬಡ್ಡಿ, ಮೂರು ವರ್ಷದ ಎಫ್ಡಿಗೆ ಶೇ. 7.1 ಬಡ್ಡಿ ಮತ್ತು ಐದು ವರ್ಷದ ನಿಶ್ಚಿತ ಠೇವಣಿಗೆ ಶೇ. 7.5ರಷ್ಟು ಬಡ್ಡಿ ಸಿಗುತ್ತದೆ.
ಪಿಪಿಎಫ್ ರೀತಿಯಲ್ಲಿ ಎಫ್ಡಿ ಪ್ಲಾನ್ನಲ್ಲೂ ಠೇವಣಿಗಳಿಗೆ ತ್ರೈಮಾಸಿಕವಾಗಿ ಬಡ್ಡಿ ಜಮೆ ಮಾಡಲಾಗುತ್ತದೆ. ಬಡ್ಡಿಗೆ ಚಕ್ರ ಬಡ್ಡಿ ಬೆಳೆದು ವಾರ್ಷಿಕ ಬಡ್ಡಿ ವಾಸ್ತವವಾಗಿ ಇನ್ನೂ ಹೆಚ್ಚಿಗೆ ಬರುತ್ತದೆ. 5 ವರ್ಷದ ಎಫ್ಡಿಗೆ ಶೇ. 7.5 ಬಡ್ಡಿ ಎಂದಿದ್ದರೂ ವಾಸ್ತವವಾಗಿ ಸಿಗುವ ಲಾಭ ಶೇ. 7.71ರಷ್ಟಿದೆ.
ಮಾಸಿಕವಾಗಿ 50,000 ರೂ ಆದಾಯ ಸೃಷ್ಟಿಸಬಹುದಾ?
ಪೋಸ್ಟ್ ಆಫೀಸ್ ಎಫ್ಡಿ ಪ್ಲಾನ್ನ್ಲಲಿ ಮಾಸಿಕವಾಗಿ ಬಡ್ಡಿ ಹಿಂಪಡೆಯಲು ಸಾಧ್ಯವಿಲ್ಲ. ಇದರಲ್ಲಿ ಕನಿಷ್ಠ ಹೂಡಿಕೆ 1,000 ರೂ ಇದೆ. ಗರಿಷ್ಠ ಹೂಡಿಕೆಗೆ ಮಿತಿ ಇಲ್ಲ. ಅಂದರೆ ಎಷ್ಟು ಬೇಕಾದರೂ ಹೂಡಿಕೆ ಮಾಡಬಹುದು.
5 ವರ್ಷದ ಎಫ್ಡಿಯಲ್ಲಿ ನೀವು 10 ಲಕ್ಷ ರೂ ಹೂಡಿಕೆ ಮಾಡಿದರೆ, 14.49 ಲಕ್ಷ ರೂ ರಿಟರ್ನ್ ಸಿಗುತ್ತದೆ. 25 ಲಕ್ಷ ರೂ ಹೂಡಿಕೆ ಮಾಡಿದರೆ ಐದು ವರ್ಷದಲ್ಲಿ ಮೆಚ್ಯೂರಿಟಿ ಬಳಿಕ 36 ಲಕ್ಷ ರೂ ಸಿಗುತ್ತದೆ. 40 ಲಕ್ಷ ರೂ ಹೂಡಿಕೆ ಮಾಡಿದರೆ ಐದು ವರ್ಷದಲ್ಲಿ 58 ಲಕ್ಷ ರೂ ರಿಟರ್ನ್ ಸಿಗುತ್ತದೆ.
ಇದನ್ನೂ ಓದಿ: ಏಪ್ರಿಲ್-ಜೂನ್ ಕ್ವಾರ್ಟರ್ಗೆ ಸಣ್ಣ ಉಳಿತಾಯ ಯೋಜನೆಗಳಿಗೆ ಬಡ್ಡಿದರ ಪ್ರಕಟ
ನೀವು ಮಾಸಿಕ ಆದಾಯ ಸೃಷ್ಟಿಸಬೇಕೆಂದಿದ್ದರೆ ನೀವು ಐದು ವರ್ಷದ ಬಳಿಕ ಈ ಮೊತ್ತವನ್ನು ಅಂಚೆ ಕಚೇರಿಯ ಮಂತ್ಲಿ ಇನ್ಕಮ್ ಸ್ಕೀಮ್ನಲ್ಲಿ ಮರು ಹೂಡಿಕೆ ಮಾಡಬಹುದು. ಆದರೆ, ಪೋಸ್ಟ್ ಆಫೀಸ್ನ ಮಾಸಿಕ ಹೂಡಿಕೆ ಯೋಜನೆಯಲ್ಲಿ 9 ಲಕ್ಷ ರೂವರೆಗೂ ಮಾತ್ರ ಹೂಡಿಕೆ ಮಾಡಬಹುದು.
ಇನ್ನಷ್ಟು ಪರ್ಸನಲ್ ಫೈನಾನ್ಸ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
Published On - 7:04 pm, Mon, 7 April 25