RBI: ಎಫ್​ಡಿ ಪ್ರೀಮೆಚ್ಯೂರ್ ವಿತ್​ಡ್ರಾಗೆ 15 ಲಕ್ಷ ರೂ ಇದ್ದ ಕನಿಷ್ಠ ಠೇವಣಿ 1 ಕೋಟಿ ರೂಗೆ ಏರಿಕೆ

ನವದೆಹಲಿ, ಅಕ್ಟೋಬರ್ 27: ಬ್ಯಾಂಕುಗಳಲ್ಲಿನ ಫಿಕ್ಸೆಡ್ ಡೆಪಾಸಿಟ್ ಹಣವನ್ನು ಮುಂಚಿತವಾಗಿ ವಿತ್​ಡ್ರಾ ಮಾಡಿಕೊಳ್ಳುವ ನಿಯಮದಲ್ಲಿ ಆರ್​ಬಿಐ ಬದಲಾವಣೆ ಮಾಡಿದೆ. 15 ಲಕ್ಷ ರೂ ಇದ್ದ ಕನಿಷ್ಠ ಮೊತ್ತವನ್ನು 1 ಕೋಟಿ ರೂಗೆ ಏರಿಸಲಾಗಿದೆ. ಅಂದರೆ, ಒಂದು ಕೋಟಿ ರೂವರೆಗಿನ ಫಿಕ್ಸೆಡ್ ಡೆಪಾಸಿಟ್ ಅನ್ನು ಪ್ರೀಮೆಚ್ಯೂರ್ ಆಗಿ ಹಿಂಪಡೆಯಲು ಸಾಧ್ಯವಾಗಿಸುತ್ತದೆ ಈ ನಿಯಮ ಬದಲಾವಣೆ. ಅಕ್ಟೋಬರ್ 26ರಂದು ಆರ್​ಬಿಐ ಈ ಬಗ್ಗೆ ಸುತ್ತೋಲೆ ಹೊರಡಿಸಿದ್ದು, ಈ ನಿಯಮ ಬದಲಾವಣೆ ತತ್​ಕ್ಷಣದಿಂದಲೇ ಅನ್ವಯ ಆಗುತ್ತದೆ ಎಂದು ಹೇಳಿದೆ.

ಇಲ್ಲಿಯವರೆಗೆ ಬ್ಯಾಂಕುಗಳು ತಮ್ಮಲ್ಲಿನ 15 ಲಕ್ಷ ರೂವರೆಗಿನ ಠೇವಣಿಗಳನ್ನು ಅವಧಿಗೆ ಮುನ್ನ ಪ್ರೀಮೆಚ್ಯೂರ್ ಆಗಿ ಹಿಂಪಡೆಯಲು ಅವಕಾಶ ನೀಡಿದ್ದವು. ಅದಕ್ಕಿಂತ ಹೆಚ್ಚಿನ ಮೊತ್ತದ ಠೇವಣಿಯಾದರೆ ಅವಧಿ ಮುಗಿಯುವವರೆಗೂ ವಿತ್​ಡ್ರಾ ಮಾಡಲು ಅವಕಾಶ ಇರುತ್ತಿರಲಿಲ್ಲ. ಈಗ ಈ ಕನಿಷ್ಠ ಮೊತ್ತವನ್ನು 1 ಕೋಟಿ ರುಪಾಯಿಗೆ ಏರಿಸಲಾಗಿದೆ.

ಇದನ್ನೂ ಓದಿ: Capital gain Tax: ನೀವು ಮನೆ ಖರೀದಿಸಿ ಲಾಭಕ್ಕೆ ಮಾರಿದರೆ ಎಷ್ಟು ತೆರಿಗೆ ಕಟ್ಟಬೇಕು? ಇಲ್ಲಿದೆ ಲೆಕ್ಕಚಾರ

‘ನಾನ್ ಕ್ಯಾಲಬಲ್ ಟರ್ಮ್ ಡೆಪಾಸಿಟ್​ಗಳಲ್ಲಿ ಕನಿಷ್ಠ ಮೊತ್ತವನ್ನು 15 ಲಕ್ಷದಿಂದ 1 ಕೋಟಿ ರೂಗೆ ಏರಿಕೆ ಮಾಡಲಾಗಿದೆ. ಒಂದು ಕೋಟಿ ಅಥವಾ ಅದಕ್ಕಿಂತ ಕಡಿಮೆ ಮೊತ್ತದ ಟರ್ಮ್ ಡೆಪಾಸಿಟ್​​ಗಳಿಗೆ ಪ್ರೀಮೆಚ್ಯೂರ್ ವಿತ್​ಡ್ರಾಯಲ್ ಫೆಸಿಲಿಟಿ ಇರುತ್ತದೆ,’ ಎಂದು ಆರ್​ಬಿಐ ತನ್ನ ಸುತ್ತೋಲೆಯಲ್ಲಿ ತಿಳಿಸಿದೆ.

ಈ ನಿಯಮ ಬದಲಾವಣೆಯು ಎಲ್ಲಾ ವಾಣಿಜ್ಯ ಮತ್ತು ಸಹಕಾರಿ ಬ್ಯಾಂಕುಗಳಿಗೆ ತತ್​ಕ್ಷಣದಿಂದಲೇ (ಅ. 26) ಅನ್ವಯ ಆಗುತ್ತದೆ ಎಂದು ಸುತ್ತೋಲೆಯಲ್ಲಿ ಸ್ಪಷ್ಟಪಡಿಸಲಾಗಿದೆ.

ಇದನ್ನೂ ಓದಿ: ಪೋಸ್ಟ್ ಆಫೀಸ್ ಮಾಸಿಕ ಆದಾಯ ಯೋಜನೆ; ತಿಂಗಳಿಗೆ 5,000 ರೂ ಪಿಂಚಣಿ ಸಿಗಲು ಎಷ್ಟು ಹೂಡಿಕೆ ಬೇಕು?

ಭಾರತದಲ್ಲಿ ಅತಿಸಾಮಾನ್ಯವಾಗಿ ಬಳಕೆಯಾಗುವ ಹೂಡಿಕೆ ಸಾಧನಗಳಲ್ಲಿ ಫಿಕ್ಸೆಡ್ ಡೆಪಾಸಿಟ್ ಅಥವಾ ಅವಧಿ ಠೇವಣಿ ಪ್ರಮುಖವಾದುದು. ಪ್ರಮುಖ ವಾಣಿಜ್ಯ ಬ್ಯಾಂಕುಗಳಲ್ಲಿ ಶೇ. 7.5ರಿಂದ 8ರವರೆಗೂ ಬಡ್ಡಿ ನೀಡಲಾಗುತ್ತದೆ. ಸಹಕಾರಿ ಬ್ಯಾಂಕುಗಳಲ್ಲಿ ಎಫ್​ಡಿ ಮೇಲೆ ಶೇ. 9ರವರೆಗೂ ಬಡ್ಡಿ ಸಿಗುವುದುಂಟು.

ಇನ್ನಷ್ಟು ಪರ್ಸನಲ್ ಫೈನಾನ್ಸ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ