ಇಳಿಕೆಯಲ್ಲಿ ಟಿವಿ ಮಾರುಕಟ್ಟೆ, ಭರ್ಜರಿ ಓಟದಲ್ಲಿ ಆನ್ಲೈನ್ ವಿಡಿಯೋ; ಹೀಗಿದೆ ನೋಡಿ ಸ್ಕ್ರೀನ್ ಎಂಟರ್ಟೈನ್ಮೆಂಟ್ ಮಾರ್ಕೆಟ್ನ ಭವಿಷ್ಯ
Screen entertainment market: ಇನ್ನೈದು ವರ್ಷದಲ್ಲಿ ಭಾರತದ ಸ್ಕ್ರೀನ್ ಎಂಟರ್ಟೈನ್ಮೆಂಟ್ ಕ್ಷೇತ್ರವು 17 ಬಿಲಿಯನ್ ಉದ್ಯಮವಾಗಿ ಬೆಳೆಯಲಿದೆ ಎಂದು ಸಿಐಐನ ವರದಿಯೊಂದರಲ್ಲಿ ಹೇಳಲಾಗಿದೆ. ಟಿವಿ, ಸಿನಿಮಾ ಮತ್ತು ಆನ್ಲೈನ್ ವಿಡಿಯೋಗಳಿರುವ ಸ್ಕ್ರೀನ್ ಎಂಟರ್ಟೈನ್ಮೆಂಟ್ ಮಾರುಕಟ್ಟೆಯಲ್ಲಿ ಅರ್ಧಪಾಲು ಆನ್ಲೈನ್ ವಿಡಿಯೋದ್ದಾಗಿದೆ. ಟಿವಿ ಮಾರುಕಟ್ಟೆ ತುಸು ಇಳಿಕೆಯಾದರೂ ಎರಡನೇ ಸ್ಥಾನದಲ್ಲಿದೆ ಎಂದು ಹೇಳಲಾಗಿದೆ.
Updated on: May 04, 2025 | 3:13 PM
ನವದೆಹಲಿ, ಮೇ 4: ಭಾರತೀಯ ಉದ್ಯಮಗಳ ಮಹಾ ಒಕ್ಕೂಟವಾದ ಸಿಐಐ ವರದಿಯೊಂದರ ಪ್ರಕಾರ 2029ರಲ್ಲಿ ಭಾರತದ ಸ್ಕ್ರೀನ್ ಎಂಟರ್ಟೈನ್ಮೆಂಟ್ ಮಾರುಕಟ್ಟೆ (Screen entertainment industry) 17 ಬಿಲಿಯನ್ ಡಾಲರ್ ಮುಟ್ಟುವ ಸಾಧ್ಯತೆ ಇದೆ. ಇದರಲ್ಲಿ ಆನ್ಲೈನ್ ವಿಡಿಯೋ ಮಾರುಕಟ್ಟೆಯೇ ಹೆಚ್ಚಿನ ಪಾಲು ಹೊಂದಿರಲಿದೆಯಂತೆ. ಸಿಐಐ ವರದಿಯಂತೆ, ಇನ್ನೈದು ವರ್ಷದಲ್ಲಿ 17 ಬಿಲಿಯನ್ ಡಾಲರ್ ಗಾತ್ರದ್ದಾಗಲಿರುವ ಸ್ಕ್ರೀನ್ ಎಂಟರ್ಟೈನ್ಮೆಂಟ್ ಮಾರುಕಟ್ಟೆಯಲ್ಲಿ ಆನ್ಲೈನ್ ವಿಡಿಯೋ ಪಾಲು ಅರ್ಧದಷ್ಟು ಇರುತ್ತದೆ. ಸುಮಾರು 8.6 ಬಿಲಿಯನ್ ಡಾಲರ್ ಗಾತ್ರದ ಉದ್ಯಮವಾಗಲಿದೆ ಆನ್ಲೈನ್ ವಡಿಯೋ. ಈ ವಿಡಿಯೋಗಳೇ ಅತಿಹೆಚ್ಚು ಆದಾಯ ಸೃಷ್ಟಿಸಲಿವೆ ಎಂದು ಸಿಐಐ ವರದಿ ಹೇಳುತ್ತಿದೆ.
ಇಲ್ಲಿ ಸ್ಕ್ರೀನ್ ಎಂಟರ್ಟೈನ್ಮೆಂಟ್ನಲ್ಲಿ ಟಿವಿ, ಸಿನಿಮಾ, ಡಿಜಿಟಲ್ ಪ್ಲಾಟ್ಫಾರ್ಮ್ ಇತ್ಯಾದಿ ಬರುತ್ತವೆ. ಸೋಷಿಯಲ್ ಮೀಡಿಯಾ ಪ್ರೇರಿತ ಆನ್ಲೈನ್ ವಿಡಿಯೋ ಸೆಗ್ಮೆಂಟ್ ಅಪರಿಮಿತ ವೇಗದಲ್ಲಿ ಬೆಳೆಯುತ್ತಿದೆ. ಹೆಚ್ಚೆಚ್ಚು ಜನರ ಕೈಯಲ್ಲಿ ಸ್ಮಾಟ್ಫೋನ್ಗಳು ಸಿಗುತ್ತಿರುವುದು, ಕಡಿಮೆ ಬೆಲೆಯಲ್ಲಿ ಡಾಟಾ ಲಭ್ಯ ಇರುವುದು, ಮತ್ತು ಸ್ಥಳೀಯ ಭಾಷೆಯ ಡಿಜಿಟಲ್ ಕಂಟೆಂಟ್ ಸೃಷ್ಟಿಯಾಗುತ್ತಿರುವುದು, ಇವೆಲ್ಲವೂ ಆನ್ಲೈನ್ ವಿಡಿಯೋ ಸೆಗ್ಮೆಂಟ್ಗೆ ಪೂರಕವಾಗಿ ಪರಿಣಮಿಸಿವೆ ಎಂದು ಸಿಐಐನ ವರದಿಯಲ್ಲಿ ಹೇಳಲಾಗಿದೆ.
ಇದನ್ನೂ ಓದಿ: ಆಮದು, ಬಂದರು, ಅಂಚೆ ನಿರ್ಬಂಧ… ಪಾಕಿಸ್ತಾನ ವಿರುದ್ಧ ಒಂದೇ ದಿನ ಭಾರತದಿಂದ 3 ಕ್ರಮ
ಆನ್ಲೈನ್ ವಿಡಿಯೋಗೆ ಹೋಲಿಸಿದರೆ ಟೆಲಿವಿಶನ್ ಭರಾಟೆ ಹೆಚ್ಚು ಇಲ್ಲ. ಇದು ಸ್ಲ್ಪ ಮಟ್ಟಿಗೆ ಇಳಿಮುಖ ಆಗುತ್ತಿದೆ. ಆದರೂ ಕೂಡ ಒಟ್ಟಾರೆ ಸ್ಕ್ರೀನ್ ಎಂಟರ್ಟೈನ್ಮೆಂಟ್ ಮಾರುಕಟ್ಟೆಯಲ್ಲಿ ಇದು ಎರಡನೇ ಸ್ಥಾನದಲ್ಲಿದೆ. 2029ರಲ್ಲಿ ಟಿವಿ ಮಾರುಕಟ್ಟೆ ಗಾತ್ರ 6.8 ಬಿಲಿಯನ್ ಡಾಲರ್ನಷ್ಟು ಇರಬಹುದು ಎಂದು ವರದಿಯಲ್ಲಿ ಅಂದಾಜಿಸಲಾಗಿದೆ.
ಸಿನಿಮಾ ಮಾರುಕಟ್ಟೆಯ ಗಾತ್ರ ಇನ್ನೈದು ವರ್ಷದಲ್ಲಿ 1.9 ಬಿಲಿಯನ್ ಡಾಲರ್ ತಲುಪುವ ನಿರೀಕ್ಷೆ ಇದೆ. ಮಲ್ಟಿಪ್ಲೆಕ್ಸ್ಗಳ ಟ್ರೆಂಡ್ ಮತ್ತೆ ಶುರುವಾಗಿರುವುದು, ಸಿನಿಮಾ ಬಿಡುಗಡೆ ತಂತ್ರಗಳು ಅಪ್ಡೇಟ್ ಆಗಿರುವುದು ಸಿನಿಮಾ ಮಾರುಕಟ್ಟೆ ಬೆಳವಣಿಗೆಗೆ ಕಾರಣವಾಗಿದೆ.
ಕಂಟೆಂಟ್ ಹೂಡಿಕೆಗಳ ಪ್ರಮಾಣ ಹೆಚ್ಚಳ ನಿರೀಕ್ಷೆ
ಸಿಐಐ ವರದಿ ಪ್ರಕಾರ, 2029ರಲ್ಲಿ ಭಾರತದಲ್ಲಿ ಒಟ್ಟಾರೆ ಕಂಟೆಂಟ್ ಇನ್ವೆಸ್ಟ್ಮೆಂಟ್ 7.5 ಬಿಲಿಯನ್ ಡಾಲರ್ ಮುಟ್ಟಬಹುದು. 2019ರಲ್ಲಿ ಶೇ. 15ರಷ್ಟು ಹೂಡಿಕೆ ಇತ್ತು. ಅದು 2029ಕ್ಕೆ ಶೇ. 43 ಮುಟ್ಟಬಹುದು. ಈ ಅವಧಿಯಲ್ಲಿ ಅದು ಶೇ. 8.5ರ ಸಿಎಜಿಆರ್ನಲ್ಲಿ ಬೆಳೆಯಲಿದೆ ಎಂದು ಹೇಳಲಾಗುತ್ತಿದೆ.
ಇದನ್ನೂ ಓದಿ: ಹೂಡಿಕೆ ಮಾಂತ್ರಿಕ ವಾರನ್ ಬಫೆಟ್ ನಿವೃತ್ತಿ ನಿರ್ಧಾರ; ಬರ್ಕ್ಶೈರ್ ಹಾಥವೇ ಚುಕ್ಕಾಣಿ ಗ್ರೆಗ್ ಆಬೆಲ್ ಕೈಸೇರುವ ಸಾಧ್ಯತೆ
ಆದರೆ, ಆನ್ಲೈನ್ ವಿಡಿಯೋ ಸೆಕ್ಟರ್ ಇನ್ನೂ ಹೆಚ್ಚಿನ ಬೆಳವಣಿಗೆ ಹೊಂದುವ ಅವಕಾಶ ಇದೆಯಾದರೂ ಡಿಜಿಟಲ್ ಪೈರೆಸಿಯ (ಕಳ್ಳತನ) ತೊಡಕು ಹೆಚ್ಚಿದೆ. 2024ರಲ್ಲಿ 9 ಕೋಟಿ ಜನರು ಪೈರಸಿ ವಿಡಿಯೋ ಕಂಟೆಂಟ್ ಅನ್ನು ನೋಡಿದ್ದಾರೆ. ಇದರಿಂದಾಗಿ 1.2 ಬಿಲಿಯನ್ ಡಾಲರ್ನಷ್ಟು ಆದಾಯ ಕೈತಪ್ಪಿತು ಎಂದು ಹೇಳಲಾಗುತ್ತಿದೆ.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
