SBI MOD: ಯಾವುದೇ ದಂಡ ಶುಲ್ಕ ಇಲ್ಲದೆ ಎಸ್ಬಿಐ ಈ ಟರ್ಮ್ ಡೆಪಾಸಿಟ್ನಿಂದ ಹಣ ತೆಗೆಯುವುದು ಹೇಗೆ ಗೊತ್ತಾ?
ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ ಈ ಫಿಕ್ಸೆಡ್ ಡೆಪಾಸಿಟ್ ಖಾತೆಯಿಂದ ಹಣ ವಿಥ್ಡ್ರಾ ಮಾಡಿದರೂ ಯಾವುದೇ ದಂಡ ಬೀಳುವುದಿಲ್ಲ. ಯಾವುದು ಆ ಖಾತೆ ಎಂಬುದರ ಬಗ್ಗೆ ಮಾಹಿತಿ ಇಲ್ಲಿದೆ.
ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದಿಂದ ಫಿಕ್ಸೆಡ್ ಡೆಪಾಸಿಟ್ ಇದ್ದು, ಯಾವುದೇ ದಂಡ ಇಲ್ಲದೆ ಅದನ್ನು ವಿಥ್ಡ್ರಾ ಮಾಡಬಹುದು. ಇದು ಸ್ಪೆಷಲ್ ಮಲ್ಟಿ-ಆಪ್ಷನ್ ಡೆಪಾಸಿಟ್ ಖಾತೆ. ಇಂಥದ್ದೊಂದು ವ್ಯವಸ್ಥೆಯನ್ನು ಗ್ರಾಹಕರಿಗೆ ನೀಡುತ್ತಿರುವ ಪ್ರಮುಖ ಬ್ಯಾಂಕ್ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ. ಫಿಕ್ಸೆಡ್ ಡೆಪಾಸಿಟ್ನಿಂದ 1000 ರೂಪಾಯಿ ಗುಣಕದಲ್ಲಿ ವಿಥ್ಡ್ರಾ ಮಾಡಬಹುದು. SBI MOD ಎಂಬುದು ವಿಶೇಷ ಬಗೆಯ ಎಫ್.ಡಿ. ಖಾತೆ. ಫಿಕ್ಸೆಡ್ ಡೆಪಾಸಿಟ್ಸ್ನಂತೆ ಅಲ್ಲದೆ ಯಾವುದೇ ಸಂದರ್ಭದಲ್ಲಿ ಹಣ ತೆಗೆದುಕೊಳ್ಳುವುದಕ್ಕೆ ಅವಕಾಶ ನೀಡುತ್ತದೆ. ಯಾವುದೇ ಸಮಯದಲ್ಲಿ ಅಥವಾ ನಿರ್ದಿಷ್ಟ ಅವಧಿಯ ನಂತರ ಯಾವಾಗ ಬೇಕಾದರೂ MOD ಖಾತೆದಾರರು 1000 ರೂಪಾಯಿ ಗುಣಕದಲ್ಲಿ ಹಣ ತೆಗೆದುಕೊಳ್ಳಬಹುದು.
MODS ಖಾತೆಯಲ್ಲಿ ಬಾಕಿ ಮೊತ್ತವು ಬಡ್ಡಿ ಗಳಿಕೆಯನ್ನು ಮುಂದುವರಿಸುತ್ತದೆ. ಆರಂಭದಲ್ಲಿ ಒಟ್ಟು ಠೇವಣಿಗೆ ಯಾವ ದರದಲ್ಲಿ ಬಡ್ಡಿ ದೊರೆಯುತ್ತದೋ ಆ ನಂತರದಲ್ಲಿ ಅದೇ ದರದಲ್ಲೇ ಮುಂದುವರಿಯುತ್ತದೆ. ಈ ಖಾತೆಯು ಸೇವಿಂಗ್ಸ್ ಅಥವಾ ಕರೆಂಟ್ ಅಕೌಂಟ್ಗೆ ಜೋಡಣೆ ಆಗಿರುತ್ತದೆ. ಉದಾಹರಣೆಗೆ 1 ಲಕ್ಷ ರೂಪಾಯಿ ಮೊತ್ತವನ್ನು 5 ವರ್ಷದ ಅವಧಿಗೆ ಎಫ್.ಡಿ. ಮಾಡಲಾಗಿದೆ ಅಂದುಕೊಳ್ಳಿ. ದಿಢೀರನೇ ಎರಡನೇ ವರ್ಷದ ಕೊನೆಗೆ ಹಣ ಬೇಕಾದಲ್ಲಿ, 20 ಸಾವಿರ ರೂಪಾಯಿಯನ್ನು ಠೇವಣಿಯಿಂದ ಮುರಿಯಲು ಬಯಸಿದರೆ ಆ ಹಣ ತೆಗೆದುಕೊಳ್ಳಬಹುದು. ಅಷ್ಟು ಮೊತ್ತವನ್ನು ತೆಗೆದುಕೊಂಡ ಮೇಲೆ 80 ಸಾವಿರ ರೂಪಾಯಿಗೆ ಅದಕ್ಕೂ ಮುಂಚೆ ದೊರೆಯುತ್ತಿದ್ದ ಬಡ್ಡಿಯೇ ಮುಂದುವರಿಯುತ್ತದೆ. ಠೇವಣಿದಾರರು ಯಾವುದೇ ದಂಡ ತೆರಬೇಕಾದ ಅಗತ್ಯವಿಲ್ಲ.
ಹೂಡಿಕೆ ಮಿತಿ
MODಗೆ ಕನಿಷ್ಠ ಟರ್ಮ್ ಡೆಪಾಸಿಟ್ ಮೊತ್ತ 10,000 ರೂಪಾಯಿ. ಅದಕ್ಕೆ ಮೇಲ್ಪಟ್ಟ ಮೊತ್ತವನ್ನು ಠೇವಣಿ ಮಾಡಬೇಕು ಅಂದರೆ, 1000 ರೂಪಾಯಿ ಗುಣಕದಲ್ಲಿ ಇರಬೇಕು. ಈ ಟರ್ಮ್ ಡೆಪಾಸಿಟ್ಗೆ ಯಾವುದೇ ಗರಿಷ್ಠ ಮಿತಿ ಇಲ್ಲ. ಎಸ್ಬಿಐನ ಮಲ್ಟಿ ಆಪ್ಷನ್ ಡೆಪಾಸಿಟ್ ಅಕೌಂಟ್ಗೆ ಕನಿಷ್ಠ ಅವಧಿ 1 ವರ್ಷ ಮತ್ತು ಗರಿಷ್ಠ ಅವಧಿ 5 ವರ್ಷ. ಬಡ್ಡಿಯ ಆದಾಯದ ಮೇಲೆ ಟಿಡಿಎಸ್ (ಟ್ಯಾಕ್ಸ್ ಡಿಡಕ್ಷನ್ ಅಟ್ ಸೋರ್ಸ್) ಅನ್ವಯ ಆಗುತ್ತದೆ.
ಬಡ್ಡಿ ದರ
ಎಸ್ಬಿಐ MOD ಖಾತೆಗೂ ಆಯಾ ಕಾಲದಲ್ಲಿನ ಟರ್ಮ್ ಡೆಪಾಸಿಟ್ನ ನಿರ್ದಿಷ್ಟ ಅವಧಿಗೆ ಇರುವ ಬಡ್ಡಿ ದರವೇ ಅನ್ವಯ ಆಗುತ್ತದೆ. ಆ ಖಾತೆಯನ್ನು ಮುರಿಸಿದಾಗ ಬಡ್ಡಿಯನ್ನು ದಂಡರಹಿತವಾಗಿ ಅನ್ವಯ ಆಗುವ ದರಕ್ಕೆ ಆ ಅವಧಿ ಮೊತ್ತವನ್ನು ನೀಡಲಾಗುತ್ತದೆ. ಬಾಕಿ ಮೊತ್ತಕ್ಕೆ ಮೂಲ ಬಡ್ಡಿ ದರವು ದೊರೆಯುತ್ತದೆ. ಇದನ್ನು ಹೊರತುಪಡಿಸಿ, ಒಟ್ಟು ಹಣದಲ್ಲಿ ಶೇ 60ರ ತನಕ ಸಾಲ ಸೌಲಭ್ಯ ಸಿಗುತ್ತದೆ.
ಈ ಅಂಶಗಳು ಗಮನದಲ್ಲಿರಲಿ
ಸಂಪೂರ್ಣ ಅವಧಿಯಲ್ಲಿ ಒಂದು ಸಲಕ್ಕಿಂತ ಹೆಚ್ಚು ಬಾರಿ ವಿಥ್ಡ್ರಾಗೆ ಅವಕಾಶ ಇಲ್ಲ. ಒಮ್ಮೆ ಮಾತ್ರ ವಿಥ್ಡ್ರಾ ಮಾಡಬಹುದು. ನಾಮಿನೇಷನ್ ವ್ಯವಸ್ಥೆಯ ಹೊರತಾಗಿ ಆಟೋ ಸ್ವೀಪ್ ವ್ಯವಸ್ಥೆ ಇದೆ. ಇನ್ನು MOD ಖಾತೆಯನ್ನು ಒಂದು ಶಾಖೆಯಿಂದ ಮತ್ತೊಂದಕ್ಕೆ ವರ್ಗಾಯಿಸಲು ಅವಕಾಶ ಇದೆ. MOD ಖಾತೆಯನ್ನು ಮೊಬೈಲ್ ಮತ್ತು ಇಂಟರ್ನೆಟ್ ಬ್ಯಾಂಕಿಂಗ್ ಮೂಲಕವೂ ತೆರೆಯಬಹುದು.
ಇದನ್ನೂ ಓದಿ: SBI savings account: ಈ ಉಳಿತಾಯ ಖಾತೆದಾರರಿಗೆ ಎಸ್ಬಿಐನಿಂದ ರೂ. 2 ಲಕ್ಷದ ಉಚಿತ ಇನ್ಷೂರೆನ್ಸ್
(State Bank Of India Multi Option Deposits Can Withdraw Term Deposits Without Penalty Know How)