Jio Rates: ಜಿಯೋದಿಂದ ಬೆಲೆ ನಿಯಮ ಉಲ್ಲಂಘನೆಯಾಗಿಲ್ಲ ಎಂದ ಟ್ರಾಯ್; ಜಿಯೋ ಬ್ರಾಡ್ಬ್ಯಾಂಡ್ ದರಗಳು ಎಷ್ಟಿವೆ?
Jiofiber Prepaid Broadband Rates: ಜಿಯೋಫೈಬರ್ನ ಬ್ರಾಡ್ಬ್ಯಾಂಡ್ ಸೇವೆ ಜನಪ್ರಿಯವಾಗಿದ್ದು ಬಹಳ ಅಧಿಕ ಇಂಟರ್ನೆಟ್ ಸ್ಪೀಡ್ನಲ್ಲಿ ಡಾಟಾ ಸೌಲಭ್ಯ ಒದಗಿಸಲಾಗುತ್ತಿದೆ. ಇದರ ಬೆಲೆ ವಿವರ ಇಲ್ಲಿದೆ...
ನವದೆಹಲಿ, ಜುಲೈ 21: ರಿಲಾಯನ್ಸ್ ಜಿಯೋ ಇನ್ಫೋಕಾಮ್ ಲಿ ಸಂಸ್ಥೆಯ ದರಗಳು ಟ್ರಾಯ್ನ ನಿಯಮಗಳನ್ನು ಉಲ್ಲಂಘಿಸಿಲ್ಲ ಎಂದು ಸರ್ಕಾರ ಸ್ಪಷ್ಟಪಡಿಸಿದೆ. ರಾಜ್ಯಸಭೆಯಲ್ಲಿ ಇಂದು ಶುಕ್ರವಾರ (ಜುಲೈ 21) ಪ್ರಶ್ನೆಯೊಂದಕ್ಕೆ ಉತ್ತರ ಕೊಟ್ಟ ಕೇಂದ್ರ ಸಂವಹನ ಖಾತೆ ರಾಜ್ಯ ಸಚಿವ ದೇವುಸಿನ್ಹ್ ಚೌಹಾಣ್, ಜಿಯೋ ಇನ್ಫೋಕಾಮ್ನಿಂದ ನಿಯಮ ಉಲ್ಲಂಘನೆ ಆಗಿಲ್ಲವೆಂದು ಟ್ರಾಯ್ (TRAI) ಅಭಿಪ್ರಾಯಪಟ್ಟಿದ್ದಾಗಿ ತಿಳಿಸಿದೆ. ಇದು ಜಿಯೋಫೈಬರ್ನ ಬ್ರಾಡ್ಬ್ಯಾಂಡ್ (JioFiber Broadband) ಬೆಲೆಗಳ ಕುರಿತವಾಗಿ ಕೇಳಿದ ಪ್ರಶ್ನೆಯಾಗಿತ್ತು. ಜಿಯೋಫೈಬರ್ ಪ್ರೀಪೇಯ್ಡ್ ಪ್ಲಾನ್ಗಳು ಟ್ರಾಯ್ ಹೊರಡಿಸಿದ ಬೆಲೆ ಕ್ರಮಗಳಿಗೆ ಬದ್ಧವಾಗಿಲ್ಲ ಎಂಬ ಆರೋಪ ಇದೆ.
ಜಿಯೋ ಬ್ರಾಡ್ಬ್ಯಾಂಡ್ ಪ್ಲಾನ್ಗಳ ವಿವರ
999 ರೂ ಪ್ಲಾನ್: ಇದು 30 ದಿನಗಳ ವ್ಯಾಲಿಡಿಟಿ ಇರುವ ಬಹಳ ಜನಪ್ರಿಯವಾಗಿರುವ ಪ್ಲಾನ್. 150 ಎಂಬಿಪಿಎಸ್ ಸ್ಪೀಡ್ನ ಡೇಟಾ ಎಷ್ಟು ಬೇಕಾದರೂ ಬಳಸಬಹುದು. ಅಮೇಜಾನ್ ಪ್ರೈಮ್, ಡಿಸ್ನಿ ಹಾಟ್ಸ್ಟಾರ್, ಸೋನಿ ಲಿವ್, ಜಿಯೋಸಿನಿಮಾ, ಝೀ5, ಸನ್ ನೆಕ್ಸ್ಟ್, ಡಿಸ್ಕವರಿ ಪ್ಲಸ್ ಇತ್ಯಾದಿ ಹಲವು ಓಟಿಟಿ ಪ್ಲಾಟ್ಫಾರ್ಮ್ಗಳು ಉಚಿತವಾಗಿ ಲಭ್ಯ ಇರುತ್ತವೆ.
699 ರೂ ಜಿಫೈಬರ್ ಬ್ರಾಡ್ಬ್ಯಾಂಡ್ ಪ್ಲಾನ್: ಇದು 100 ಎಂಬಿಪಿಎಸ್ ವೇಗದ ಇಂಟರ್ನೆಟ್ ಸೇವೆ ನೀಡುತ್ತದೆ. ವ್ಯಾಲಿಡಿಟಿ 30 ದಿನ ಇದೆ. ಅನ್ಲಿಮಿಟೆಡ್ ಡಾಟಾ ಬಳಸಬಹುದು.
ಇದನ್ನೂ ಓದಿ: Money Tips: ಹಣಕಾಸು ಸಂಕಷ್ಟವಾ? ಹಣ ನಿಲ್ಲುತ್ತಿಲ್ಲವಾ? ಈ ಐದು ಹಣಕಾಸು ತಂತ್ರಗಳನ್ನು ಮರೆಯದಿರಿ
300 ರೂ ಪ್ಲಾನ್: ಇದು 30 ಎಂಬಿಪಿಎಸ್ ವೇಗದ ಇಂಟರ್ನೆಟ್ ಹೊಂದಿದ್ದು ಎಷ್ಟು ಬೇಕಾದರೂ ಡೇಟಾ ಬಳಸಬಹುದು. ಈ ಪ್ಲಾನ್ ವ್ಯಾಲಿಡಿಟಿ 30 ದಿನ ಇದೆ.
1,499 ರೂ ಪ್ಲಾನ್: ಇದು 300 ಎಂಬಿಪಿಎಸ್ ಸ್ಪೀಡ್ನ ಇಂಟರ್ನೆಟ್ ಸೇವೆ ಒದಗಿಸುತ್ತದೆ. ಹಲವು ಒಟಿಟಿ ಸಬ್ಸ್ಕ್ರಿಪ್ಷನ್ಗಳೂ ಉಚಿತವಾಗಿ ಲಭ್ಯ ಉಂಟು.
2,499 ರೂ ಪ್ಲಾನ್: ಇದು 500 ಎಂಬಿಪಿಎಸ್ನಷ್ಟು ಸ್ಪೀಡ್ ಒದಗಿಸುತ್ತದೆ. ವಿವಿಧ ಒಟಿಟಿ ಪ್ಲಾಟ್ಫಾರ್ಮ್ಗಳಿಗೆ ಉಚಿತ ಸಬ್ಸ್ಕ್ರಿಪ್ಷನ್ ಸಿಗುತ್ತದೆ.
ಇದನ್ನೂ ಓದಿ: SBI: ಎಸ್ಬಿಐನಿಂದ ಬಿಡುಗಡೆ ಆಗಲಿವೆ ಇನ್ಫ್ರಾ ಬಾಂಡ್ಗಳು; 10,000 ಕೋಟಿ ರೂ ಮೊತ್ತದ ಸಾಲಕ್ಕೆ ಯೋಜನೆ
3,999 ರೂ ಪ್ಲಾನ್: ಇದು 1ಜಿಬಿಪಿಎಸ್ ಸ್ಪೀಡ್ ಕೊಡುತ್ತದೆ. ಜೊತೆಗೆ ವಿವಿಧ ಒಟಿಟಿ ಪ್ಲಾಟ್ಫಾರ್ಮ್ಗಳಿಗೆ ಉಚಿತ ಸಬ್ಸ್ಕ್ರಿಪ್ಷನ್ ಸಿಗುತ್ತದೆ.
8,499 ರೂ ಪ್ಲಾನ್: ಇದು 1 ಜಿಬಿಪಿಎಸ್ ವೇಗದ ಇಂಟರ್ನೆಟ್ ಒದಗಿಸುತ್ತದೆ. 6,660 ಜಿಬಿಯಷ್ಟು ಡಾಟಾ ಲಭ್ಯ ಇರುತ್ತದೆ. ಇದರಲ್ಲೂ ಒಟಿಟಿ ಸಬ್ಸ್ಕ್ರಿಪ್ಷನ್ಸ್ ಉಚಿತವಾಗಿರುತ್ತದೆ.
ಈ ಮೇಲಿನ ಎಲ್ಲಾ ಪ್ಲಾನ್ಗಳ ಬೆಲೆಗೆ ಜಿಎಸ್ಟಿ ದರ ಪ್ರತ್ಯೇಕವಾಗಿರುತ್ತದೆ. ಈ ಮೇಲಿನವೆಲ್ಲವೂ ಒಂದು ತಿಂಗಳ ವ್ಯಾಲಿಡಿಟಿ ಇರುವಂಥವು. ಮೂರು ತಿಂಗಳಿಗೆ, ಆರು ತಿಂಗಳಿಗೆ, ಒಂದು ವರ್ಷಕ್ಕೂ ಪ್ಲಾನ್ಗಳಿವೆ.
ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ