AQI
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

TCS: ಎಪಿಕ್ ಸಿಸ್ಟಮ್ಸ್ ಪ್ರಕರಣದಲ್ಲಿ 140 ಮಿಲಿಯನ್ ಯುಎಸ್​ಡಿ ದಂಡವನ್ನು ಟಿಸಿಎಸ್​ಗೆ ಖಾತ್ರಿ ಪಡಿಸಿದ ಯುಎಸ್​ ಕೋರ್ಟ್

ಎಪಿಕ್ ಸಿಸ್ಟಮ್ಸ್ ಪ್ರಕರಣದಲ್ಲಿ 140 ಮಿಲಿಯನ್ ಡಾಲರ್ ದಂಡವನ್ನು ಅಮೆರಿಕದ ನ್ಯಾಯಾಲಯವು ಟಿಸಿಎಸ್​ಗೆ ಖಾತ್ರಿ ಪಡಿಸಿದೆ. ಆ ಬಗ್ಗೆ ವಿವರ ಇಲ್ಲಿದೆ.

TCS: ಎಪಿಕ್ ಸಿಸ್ಟಮ್ಸ್ ಪ್ರಕರಣದಲ್ಲಿ 140 ಮಿಲಿಯನ್ ಯುಎಸ್​ಡಿ ದಂಡವನ್ನು ಟಿಸಿಎಸ್​ಗೆ ಖಾತ್ರಿ ಪಡಿಸಿದ ಯುಎಸ್​ ಕೋರ್ಟ್
ಸಾಂದರ್ಭಿಕ ಚಿತ್ರ
Follow us
TV9 Web
| Updated By: Srinivas Mata

Updated on:Jul 05, 2022 | 10:53 AM

ಭಾರತದ ಪ್ರಮುಖ ಐಟಿ ಕಂಪೆನಿಯಾದ ಟಾಟಾ ಕನ್ಸಲ್ಟೆನ್ಸಿ ಸರ್ವೀಸಸ್​ಗೆ (TCS) ಅಮೆರಿಕದ ಜಿಲ್ಲಾ ಕೋರ್ಟ್ 140 ಮಿಲಿಯನ್ (1.40 ಕೋಟಿ) ಅಮೆರಿಕನ್ ಡಾಲರ್​ ದಂಡ ವಿಧಿಸಿದೆ. ವಿಸ್ಕನ್ಸಿನ್​ನ ವೆಸ್ಟರ್ನ್ ಡಿಸ್ಟ್ರಿಕ್ಟ್ ಇದನ್ನು ಖಾತ್ರಿ ಪಡಿಸಿದೆ. ಎಪಿಕ್ ಸಿಸ್ಟಮ್ಸ್​ ಜತೆಗಿನ ವ್ಯಾಜ್ಯದಲ್ಲಿ ಇಷ್ಟು ದೊಡ್ಡ ಮೊತ್ತದ ದಂಡವನ್ನು ಟಿಸಿಎಸ್ ಪಾವತಿ ಮಾಡಬೇಕಾಗಿದೆ. ಈ ತೀರ್ಪಿನ ವಿರುದ್ಧ ಶಿಕಾಗೋದ 7ನೇ ಸರ್ಕ್ಯೂಟ್ ಕೋರ್ಟ್​​ನಲ್ಲಿ ಮೇಲ್ಮನವಿಯನ್ನು ಸಲ್ಲಿಸಲು ಟಿಸಿಎಸ್​ ಆಲೋಚಿಸಿದೆ. “ನಾವು ನಿಮಗೆ ಈ ಮೂಲಕ ತಿಳಿಸುವುದೇನೆಂದರೆ, ಎಪಿಕ್ ಸಿಸ್ಟಮ್ಸ್ ಕಾರ್ಪೊರೇನ್ ವಿಷಯದಲ್ಲಿ ವೆಸ್ಟರ್ನ್ ಡಿಸ್ಟ್ರಿಕ್ಟ್ ಆಫ್ ವಿಸ್ಕನ್ಸಿನ್​ ಆದೇಶ ಹೊರಡಿಸಿದ್ದು, ಶಿಕ್ಷಾರ್ಹ ಹಾನಿಗೆ 140 ಮಿಲಿಯನ್ ಅಮೆರಿಕನ್ ಡಾಲರ್ ಪರಿಹಾರ ಮೊತ್ತಕ್ಕೆ ಇಳಿಕೆ ಮಾಡಿದೆ. ಇದರ ಪ್ರಕಾರವಾಗಿ ತಿದ್ದುಪಡಿಯಾದ ತೀರ್ಪನ್ನು ಫೈಲ್ ಮಾಡುವಂತೆ ನ್ಯಾಯಾಲಯ ಗುಮಾಸ್ತೆಗೆ ಸೂಚಿಸಲಾಗಿದೆ,” ಎಂದು ನಿಯಂತ್ರಕ ಫೈಲಿಂಗ್​ನಲ್ಲಿ ಟಿಸಿಎಸ್​ ತಿಳಿಸಿದೆ.

2021ರ ಆಗಸ್ಟ್​ನಲ್ಲಿ ಎಪಿಕ್ ಸಿಸ್ಟಮ್ಸ್​ಗೆ 280 ಮಿಲಿಯನ್​ ಯುಎಸ್​ಡಿ ದಂಡ ಪಾವತಿಸಬೇಕು ಎಂದಿದ್ದ ಆದೇಶವನ್ನು 140 ಮಿಲಿಯನ್ ಯುಎಸ್​ಡಿಗೆ ಇಳಿಸಲಾಗಿತ್ತು. 2014ರ ಅಕ್ಟೋಬರ್​ನಲ್ಲಿ ಎಪಿಕ್​ಗೆ 940 ಮಿಲಿಯನ್ ಡಾಲರ್ ಪಾವತಿಸುವಂತೆ ಟಿಸಿಎಸ್​ಗೆ ಸೂಚಿಸಲಾಗಿತ್ತು. ಆ ನಂತರ ಮೊತ್ತವನ್ನು 280 ಮಿಲಿಯನ್ ಡಾಲರ್​ಗೆ ಇಳಿಸಲಾಯಿತು.

ಏನಿದು ಪ್ರಕರಣ?

ವ್ಯಾಪಾರ ರಹಸ್ಯಕ್ಕೆ ಸಂಬಂಧಿಸಿದಂತೆ ಅಮೆರಿಕದ ನ್ಯಾಯಾಲಯದಲ್ಲಿ ಟಾಟಾದ ಎರಡು ಕಂಪೆನಿಗಳಾದ ಟಾಟಾ ಕನ್ಸಲ್ಟೆನ್ಸಿ ಸರ್ವೀಸಸ್ ಮತ್ತು ಟಾಟಾ ಅಮೆರಿಕ ಇಂಟರ್​ನ್ಯಾಷನಲ್ ಕಾರ್ಪೊರೇಷನ್ ವಿರುದ್ಧ ಎಪಿಕ್ ಸಿಸ್ಟಮ್ಸ್ ದೂರು ಸಲ್ಲಿಸಿತ್ತು. ಕಂಪೆನಿಯ ವ್ಯಾಪಾರ ರಹಸ್ಯ, ಗೋಪ್ಯ ಮಾಹಿತಿಗಳು ದಾಖಲಾತಿಗಳು ಮತ್ತು ದತ್ತಾಂಶಗಳನ್ನು ಕಳುವು ಮಾಡಲಾಗಿದೆ ಎಂದು ಆರೋಪಿಸಲಾಗಿತ್ತು.

ಅಮೆರಿಕ ಮೂಲದ ಹೆಲ್ತ್​ಕೇರ್ ಸಾಫ್ಟ್​ವೇರ್ ಕಂಪೆನಿಯಾದ ಎಪಿಕ್ ಸಿಸ್ಟಮ್ಸ್ ಕೈಸರ್ ಪರ್ಮನೆಂಟೆ ಎಂಬ ಸೇವಾ ಪೂರೈಕೆದಾರರ ಜತೆಗೆ ತನ್ನ ಹೆಲ್ತ್​ಕೇರ್ ನಿರ್ವಹಣೆ ವ್ಯವಸಸ್ಥೆಯನ್ನು ಅನುಷ್ಠಾನಗೊಳಿಸಿತ್ತು. ಸಿಸ್ಟಮ್ ಅನುಷ್ಠಾನಕ್ಕೆ ಟಿಸಿಎಸ್​ ಅನ್ನು ನೇಮಿಸಿಕೊಳ್ಳಲಾಗಿತ್ತು. ಈ ಸಂದರ್ಭದಲ್ಲಿ ಎಪಿಕ್​ ಕಂಪೆನಿಯ ದಾಖಲಾತಿಗಳನ್ನು ನೋಡುವುದರಿಂದ ಟಿಸಿಎಸ್ ಸಿಬ್ಬಂದಿಯನ್ನು ನಿರ್ಬಂಧಿಸಲಾಗಿತ್ತು. ಆದರೆ ಎಪಿಕ್ ಸಿಸ್ಟಮ್ಸ್ ಹೇಳುವಂತೆ, ಕೈಸರ್ ಪರ್ಮನೆಂಟೆ ಉದ್ಯೋಗಿಗಳ ಕ್ರೆಡೆನ್ಷಿಯಲ್ಸ್​ಗಳನ್ನು ಬಳಸಿಕೊಂಡು, 6000ದಷ್ಟು ದಾಖಲಾತಿಗಳನ್ನು ಟಿಸಿಎಸ್ ಸಿಬ್ಬಂದಿ ಕಳುವು ಮಾಡಿದ್ದಾರೆ.

ಆದರೆ, ಟಿಸಿಎಸ್ ಈ ತನಕ ಹೇಳಿರುವಂತೆ, ಎಪಿಕ್ ಮಾಹಿತಿಯನ್ನು ದುರ್ಬಳಕೆ ಮಾಡಿಕೊಂಡಿರುವ ಯಾವುದೇ ಸಾಕ್ಷ್ಯ ಇಲ್ಲ. ಮತ್ತು ಇದನ್ನೇ ನ್ಯಾಯಾಲಯದಲ್ಲೂ ಹೇಳುತ್ತಾ ಬಂದಿದೆ.

ಇದನ್ನೂ ಓದಿ: TCS FY22 Q4 Results: ಟಿಸಿಎಸ್ ನಾಲ್ಕನೇ ತ್ರೈಮಾಸಿಕ ಲಾಭ 9926 ಕೋಟಿ ರೂಪಾಯಿ; 22 ರೂ. ಡಿವಿಡೆಂಡ್

Published On - 10:53 am, Tue, 5 July 22

ಕಟ್ಟಡದ ಒಂದು ಭಾಗ ಕುಸಿತ, ಒಳಗಿಂದ ಸಹಾಯಕ್ಕಾಗಿ ಅಂಗಲಾಚುತ್ತಿರುವ ಜನ
ಕಟ್ಟಡದ ಒಂದು ಭಾಗ ಕುಸಿತ, ಒಳಗಿಂದ ಸಹಾಯಕ್ಕಾಗಿ ಅಂಗಲಾಚುತ್ತಿರುವ ಜನ
VIDEO: ಧೋನಿಯ ಪಾದಗಳನ್ನು ಮುಟ್ಟಿ ಆಶೀರ್ವಾದ ಪಡೆದ ಯುವ ಆಟಗಾರ
VIDEO: ಧೋನಿಯ ಪಾದಗಳನ್ನು ಮುಟ್ಟಿ ಆಶೀರ್ವಾದ ಪಡೆದ ಯುವ ಆಟಗಾರ
ಪುರುಷರು ಸಾಷ್ಟಾಂಗ, ಸ್ತ್ರೀಯರು ಪಂಚಾಂಗ ನಮಸ್ಕಾರ ಏಕೆ ಮಾಡಬೇಕು?
ಪುರುಷರು ಸಾಷ್ಟಾಂಗ, ಸ್ತ್ರೀಯರು ಪಂಚಾಂಗ ನಮಸ್ಕಾರ ಏಕೆ ಮಾಡಬೇಕು?
Daily horoscope: ಈ ರಾಶಿಯವರು ಧಾರ್ಮಿಕ ಕಾರ್ಯಕ್ರಮಗಳಿಗೆ ಭೇಟಿಕೊಡುವರು
Daily horoscope: ಈ ರಾಶಿಯವರು ಧಾರ್ಮಿಕ ಕಾರ್ಯಕ್ರಮಗಳಿಗೆ ಭೇಟಿಕೊಡುವರು
‘ನಿದ್ರಾದೇವಿ ನೆಕ್ಸ್ಟ್​ ಡೋರ್’ ಚಿತ್ರದಲ್ಲಿ ಗೆಟಪ್ ಬದಲಿಸಿದ ಶೈನ್ ಶೆಟ್ಟಿ
‘ನಿದ್ರಾದೇವಿ ನೆಕ್ಸ್ಟ್​ ಡೋರ್’ ಚಿತ್ರದಲ್ಲಿ ಗೆಟಪ್ ಬದಲಿಸಿದ ಶೈನ್ ಶೆಟ್ಟಿ
ಪ್ರವೀಣ್ ಶೆಟ್ಟಿ ಪುತ್ರ ಪ್ರವೀರ್ ಶೆಟ್ಟಿಗೆ ಚಿತ್ರರಂಗದಲ್ಲಿ ಸ್ಫೂರ್ತಿ ಯಾರು
ಪ್ರವೀಣ್ ಶೆಟ್ಟಿ ಪುತ್ರ ಪ್ರವೀರ್ ಶೆಟ್ಟಿಗೆ ಚಿತ್ರರಂಗದಲ್ಲಿ ಸ್ಫೂರ್ತಿ ಯಾರು
ಬೆಂಗಳೂರು ರಣಭೀಕರ ಮಳೆಗೆ ಮುಳುಗಿದ `ಬೆಳ್ಳುಳ್ಳಿ ಕಬಾಬ್’ ಹೋಟೆಲ್
ಬೆಂಗಳೂರು ರಣಭೀಕರ ಮಳೆಗೆ ಮುಳುಗಿದ `ಬೆಳ್ಳುಳ್ಳಿ ಕಬಾಬ್’ ಹೋಟೆಲ್
ಪಿಎಸ್​​ಐ ನಾಗರಾಜ್​​ ಪತ್ನಿ ಆತ್ಮಹತ್ಯೆ ಪ್ರಕರಣಕ್ಕೆ ಬಿಗ್ ಟ್ವಿಸ್ಟ್​
ಪಿಎಸ್​​ಐ ನಾಗರಾಜ್​​ ಪತ್ನಿ ಆತ್ಮಹತ್ಯೆ ಪ್ರಕರಣಕ್ಕೆ ಬಿಗ್ ಟ್ವಿಸ್ಟ್​
ಅಧಿಕಾರ ಮತ್ತು ಬದುಕು ಎರಡೂ ಶಾಶ್ವತವಲ್ಲ: ತನ್ವೀರ್ ಸೇಟ್, ಕಾಂಗ್ರೆಸ್ ಶಾಸಕ
ಅಧಿಕಾರ ಮತ್ತು ಬದುಕು ಎರಡೂ ಶಾಶ್ವತವಲ್ಲ: ತನ್ವೀರ್ ಸೇಟ್, ಕಾಂಗ್ರೆಸ್ ಶಾಸಕ
ಹಾಡಿನ ಮೂಲಕ ಚಿತ್ರರಂಗದ ಕರಾಳ ಮುಖ ಪರಿಚಯಿಸಿದ ದುನಿಯಾ ವಿಜಯ್
ಹಾಡಿನ ಮೂಲಕ ಚಿತ್ರರಂಗದ ಕರಾಳ ಮುಖ ಪರಿಚಯಿಸಿದ ದುನಿಯಾ ವಿಜಯ್