Mutual Fund: ಏನಿದು ಫ್ರಂಟ್ ರನ್ನಿಂಗ್?: ಇದರ ಬಗ್ಗೆ ಹೂಡಿಕೆದಾರರು ಏಕೆ ಭಯಭೀತರಾಗಿದ್ದಾರೆ?

ಕಳೆದ ಕೆಲವು ದಿನಗಳ ಹಿಂದೆಯಷ್ಟೆ ಮಾರುಕಟ್ಟೆ ನಿಯಂತ್ರಕ ಎಸ್​​ಇಬಿಐ (SEBI) ಆಕ್ಸಿಸ್ ಮ್ಯೂಚುವಲ್ ಫಂಡ್‌ನ (Axis Mutual Fund) ಕಚೇರಿ ಸೇರಿದಂತೆ ಇತರೆ 16 ಸಂಸ್ಥೆಗಳ ಮೇಲೆ ದಾಳಿ ನಡೆಸಿದೆ. ಇದರಲ್ಲಿ ಆಕ್ಸಿಸ್ ಮ್ಯೂಚುಯಲ್ ಫಂಡ್‌ನ ಇಬ್ಬರು ಅಧಿಕಾರಿಗಳು ಆರೋಪಿಗಳೆಂದು ತಿಳಿದುಬಂದಿದೆ. ಸದ್ಯ ಇವರನ್ನು ಫಂಡ್ ಹೌಸ್​ನಿಂದ ಹೊರಹಾಕಲಾಗಿದ್ದು ಎಸ್​​ಇಬಿಐ ಈ ಪ್ರಕರಣದ ಬಗ್ಗೆ ತನಿಖೆ ನಡೆಸುತ್ತಿದೆ. ಫಂಡ್ ಮ್ಯಾನೇಜರ್‌ಗಳಾದ ವೀರೇನ್ ಜೋಶಿ ಮತ್ತು ದೀಪಕ್ ಅಗರ್‌ವಾಲ್ (Deepak Agarwal) ಅವರ ಹಣಕಾಸಿನ ಬಗ್ಗೆ ಸಂಪೂರ್ಣ ತನಿಖೆ ನಡೆಸಿ ವರದಿಯನ್ನು ಕೂಡ ಸಲ್ಲಿಸಿದೆ. ಈ ಸುದ್ದಿ ದೊಡ್ಡ ಮಟ್ಟದಲ್ಲಿ ಸುದ್ದಿಯಾಗುತ್ತಿದ್ದು, ಇದೀಗ ಮ್ಯೂಚುವಲ್ ಫಂಡ್ ಯೋಜನೆಗಳಲ್ಲಿ ಹೂಡಿಕೆ ಮಾಡುವ ಹೂಡಿಕೆದಾರರಿಗೆ ಭಯ ಶುರುವಾಗಿದೆ. ಈ ಘಟನೆಯ ನಂತರ, ಮ್ಯೂಚುವಲ್ ಫಂಡ್ ಹೂಡಿಕೆದಾರರು ಕಂಗಾಲಾಗಿದ್ದು ತಮ್ಮ ಹಣವನ್ನು ಕಳೆದುಕೊಳ್ಳುವ ಭೀತಿಯಲ್ಲಿದ್ದಾರೆ.

ಏನಿದು ಫ್ರಂಟ್ ರನ್ನಿಂಗ್?:

SEBI ಈ ಫ್ರಂಟ್ ರನ್ನಿಂಗ್ ಅನ್ನು ಇನ್​ಸೈಡರ್ ಟ್ರೇಡಿಂಗ್ ಎಂದು ಹೇಳಿದೆ. ಹಾಗಾದರೆ, ಇನ್​ಸೈಡರ್ ಟ್ರೇಡಿಂಗ್ ಎಂದರೇನು?. ಒಬ್ಬ ವ್ಯಕ್ತಿಯು ಸಾರ್ವಜನಿಕವಲ್ಲದ ಕೆಲವು ಕಂಪನಿಯ ಮಾಹಿತಿಯ ಆಧಾರದ ಮೇಲೆ ಷೇರುಗಳನ್ನು ಖರೀದಿಸಿದಾಗ ಅಥವಾ ಮಾರಾಟ ಮಾಡುವಾಗ ಅದನ್ನು ಆಂತರಿಕ ವ್ಯಾಪಾರ ಎಂದು ಕರೆಯಲಾಗುತ್ತದೆ. ಉದಾಹರಣೆಗೆ: X ಎಂಬ ದೊಡ್ಡ ಕಂಪನಿಗೆ ದೊಡ್ಡ ಆಫರ್ ಬಂದಿದೆ ಎಂದು ಭಾವಿಸೋಣ. ಹೇಗೋ ಒಬ್ಬ ವ್ಯಾಪಾರಿಗೆ ಈ ವಿಷಯ ತಿಳಿಯುತ್ತದೆ. ಅವನು ಆ ಕಂಪನಿಯ ಷೇರುಗಳನ್ನು ಖರೀದಿಸುತ್ತಾನೆ. ಅದೇವೇಳೆ ಹೂಡಿಕೆದಾರರು ಏನು ಆಫರ್ ಎಂಬ ಬಗ್ಗೆ ತಿಳಿದುಕೊಳ್ಳುತ್ತಾರೆ. ಅತ್ತ ಷೇರಿನ ಬೆಲೆ ಅಧಿಕವಾಗಿರುತ್ತದೆ. ಈ ಸಂದರ್ಭ ಆ ವ್ಯಾಪಾರಿ ತನ್ನ ಷೇರುಗಳನ್ನು ಮಾರಾಟ ಮಾಡುವ ಮೂಲಕ ಲಾಭ ಗಳಿಸುತ್ತಾನೆ.

ಇದನ್ನೂ ಓದಿ

Gold Price Today: ಚಿನ್ನದ ಬೆಲೆ 440 ರೂ. ಕುಸಿತ; ಬೆಳ್ಳಿ ದರವೂ ಇಳಿಕೆ

ಕೊಲ್ಲಿ ರಾಷ್ಟ್ರಗಳನ್ನು ಹಿಂದಿಕ್ಕಿ, ಅಮೆರಿಕದಲ್ಲಿ ಉದ್ಯೋಗಾವಕಾಶ ಹೆಚ್ಚಿದ್ದರಿಂದ ಭಾರತಕ್ಕೆ ಹೆಚ್ಚಳಗೊಂಡ ಪಾವತಿಗಳು!

ಶೇ.75 ರಷ್ಟು ಬಿಟ್​ಕಾಯಿನ್ ಮಾರಾಟ ಮಾಡಿದ ಟೆಸ್ಲಾ: ಎಲಾನ್ ಮಸ್ಕ್​ ನಿಗೂಢ ನಡೆ

How to Claim TDS Refund: TDS ಮರುಪಾವತಿಗಾಗಿ ಕ್ಲೈಮ್ ಮಾಡುವುದು ಹೇಗೆ?

ಮ್ಯೂಚುಯಲ್ ಫಂಡ್‌ಗಳಲ್ಲಿ ಇದು ಹೇಗೆ ಕೆಲಸ ಮಾಡುತ್ತದೆ?:

ಮ್ಯೂಚುಯಲ್ ಫಂಡ್ ದೊಡ್ಡ ಆಫರ್ ಅನ್ನು ಬಿಡುಗಡೆ ಮಾಡಿದಾಗೆಲ್ಲ ಕೆಲವು ಫಂಡ್ ಮ್ಯಾನೇಜರ್‌ಗಳು ಫಂಡ್‌ನ ಅಧಿಕೃತ ಖಾತೆಯಿಂದ ಆರ್ಡರ್ ಬರುವ ಮೊದಲೇ ಈ ವಿಚಾರ ತಿಳಿದು ತಮ್ಮ ವೈಯಕ್ತಿಕ ಖಾತೆಯಿಂದ ಅದೇ ಸ್ಟಾಕ್ ಅನ್ನು ಖರೀದಿಸುತ್ತಾರೆ. ಈ ಫಂಡ್ ಹೌಸ್‌ಗಳು ಹೆಚ್ಚಿನ ಸಂಖ್ಯೆಯಲ್ಲಿ ಷೇರುಗಳನ್ನು ಖರೀದಿಸಿದಾಗ, ಅದರ ಬೆಲೆ ಏರುತ್ತಲೇ ಹೋಗುತ್ತದೆ. ಈ ಸಂಪೂರ್ಣ ಪ್ರಕ್ರಿಯೆಯನ್ನು ಫ್ರಂಟ್ ರನ್ನಿಂಗ್ ಎಂದು ಕರೆಯಲಾಗುತ್ತದೆ.

ಈ ಆಕ್ಸಿಸ್ ಮ್ಯೂಚುವಲ್ ಫಂಡ್ ಪ್ರಕರಣವು 2022 ಜನವರಿಯಲ್ಲಿ ನಡೆದಿರುವುದು. ಆ ಸಂದರ್ಭ ಕೆಲವು ಜನರು ವಿರೇನ್ ಜೋಶಿಯವರ ಅನುಮಾನಾಸ್ಪದ ಚಟುವಟಿಕೆಗಳ ಬಗ್ಗೆ ಕಂಪನಿಯ ಮ್ಯಾನೇಜ್‌ಮೆಂಟ್‌ಗೆ ದೂರು ನೀಡಿದ್ದಾರೆ. ನಂತರ ಕಂಪನಿಯು ವಿತರಕರಾದ ವೀರೇನ್ ಜೋಶಿ ಮತ್ತು ದೀಪಕ್ ಅಗರ್ವಾಲ್ ವಿರುದ್ಧ ತನೆಖೆ ನಡೆಸಲು ಶುರುಮಾಡಿ ಮಹತ್ವದ ಮಾಹಿತಿ ಕಲೆಹಾಕಿದೆ.