Murder: ಹೆತ್ತ ಮಗನನ್ನೇ ಕೊಡಲಿಯಿಂದ ಕೊಚ್ಚಿ ಕೊಂದ ತಾಯಿ; ಕಾರಣವೇನು ಗೊತ್ತಾ?

Murder: ಹೆತ್ತ ಮಗನನ್ನೇ ಕೊಡಲಿಯಿಂದ ಕೊಚ್ಚಿ ಕೊಂದ ತಾಯಿ; ಕಾರಣವೇನು ಗೊತ್ತಾ?
ಪ್ರಾತಿನಿಧಿಕ ಚಿತ್ರ

ಸೋಮವಾರ ಸಂಜೆ 7 ಗಂಟೆಗೆ ಕುಡಿದ ಅಮಲಿನಲ್ಲಿ ಚಿಟ್ಟೆಮ್ಮನ ಮನೆಗೆ ಬಂದಿದ್ದ ಆಕೆಯ ಮಗ ಕೋಟಯ್ಯ ಚಿಟ್ಟೆಮ್ಮ ಹಾಗೂ ಇಬ್ಬರು ಮಕ್ಕಳ ಮೇಲೆ ಕುಡುಗೋಲಿನಿಂದ ಹಲ್ಲೆ ನಡೆಸಿದ್ದ. ಆತನಿಂದ ಚಿಟ್ಟೆಮ್ಮ ತನ್ನ ಮೊಮಕ್ಕಳನ್ನು ರಕ್ಷಿಸಿ, ಅಕ್ಕಪಕ್ಕದ ಮನೆಗೆ ಕರೆದೊಯ್ದರು.

TV9kannada Web Team

| Edited By: Sushma Chakre

Apr 13, 2022 | 2:00 PM

ವಿಜಯವಾಡ: ಹೆತ್ತ ತಾಯಿಯೇ ಮಗನನ್ನು ಕೊಡಲಿಯಿಂದ ಕೊಚ್ಚಿ ಕೊಂದಿರುವ ಆಘಾತಕಾರಿ ಘಟನೆ (Shocking News) ವಿಜಯವಾಡದಲ್ಲಿ ನಡೆದಿದೆ. ವಿಜಯವಾಡದ 55 ವರ್ಷದ ಮಹಿಳೆ ಅಪ್ಪಲ ಚಿಟ್ಟೆಮ್ಮ ತನ್ನ ಮಗನಿಗೆ ಕೊಡಲಿಯಿಂದ ಕೊಚ್ಚಿ ಕೊಲೆ (Murder) ಮಾಡಿದ್ದು, ಆಕೆಯನ್ನು ಪೊಲೀಸ್ ಕಸ್ಟಡಿಗೆ ತೆಗೆದುಕೊಳ್ಳಲಾಗಿದೆ. ಮೃತ ವ್ಯಕ್ತಿ ಕುಡಿದ ಅಮಲಿನಲ್ಲಿ ತನ್ನ ತಾಯಿ ಮತ್ತು ಮಕ್ಕಳ ಮೇಲೆ ಹಲ್ಲೆ ನಡೆಸಿದ್ದ ಎನ್ನಲಾಗಿದೆ.

ಮೃತ ಅಪ್ಪಲ ಬಾಲ ಕೋಟಯ್ಯ (35) ಟ್ರಕ್ ಚಾಲಕನಾಗಿದ್ದು, ಆರು ವರ್ಷಗಳ ಹಿಂದೆ ಕಂಚಿಕಚೆರ್ಲಾದ ಸಿರಿಶಾ ಅವರನ್ನು ಮದುವೆಯಾಗಿದ್ದರು. ಇತ್ತೀಚೆಗೆ ಅವರು ವಿಚ್ಛೇದನ ಪಡೆದಿದ್ದರು ಎಂದು ನ್ಯೂ ಇಂಡಿಯನ್ ಎಕ್ಸ್‌ಪ್ರೆಸ್ ವರದಿ ಮಾಡಿದೆ. ಪೊಲೀಸರ ಪ್ರಕಾರ, ಭಾನುವಾರ ರಾಮನವಮಿ ಆಚರಿಸಲು ಚಿಟ್ಟೆಮ್ಮ ತನ್ನ ಮೊಮ್ಮಕ್ಕಳನ್ನು (ಕೋಟಯ್ಯನ ಮಕ್ಕಳು) ಆಹ್ವಾನಿಸಿದ್ದರು.

ಸೋಮವಾರ ಸಂಜೆ 7 ಗಂಟೆಗೆ ಕುಡಿದ ಅಮಲಿನಲ್ಲಿ ಚಿಟ್ಟೆಮ್ಮನ ಮನೆಗೆ ಬಂದಿದ್ದ ಆಕೆಯ ಮಗ ಕೋಟಯ್ಯ ಚಿಟ್ಟೆಮ್ಮ ಹಾಗೂ ಇಬ್ಬರು ಮಕ್ಕಳ ಮೇಲೆ ಕುಡುಗೋಲಿನಿಂದ ಹಲ್ಲೆ ನಡೆಸಿದ್ದ. ಆತನಿಂದ ಚಿಟ್ಟೆಮ್ಮ ತನ್ನ ಮೊಮಕ್ಕಳನ್ನು ರಕ್ಷಿಸಿ, ಅಕ್ಕಪಕ್ಕದ ಮನೆಗೆ ಕರೆದೊಯ್ದರು. ಆದರೆ, ಅಲ್ಲೂ ಬಂದು ಆತ ಹಲ್ಲೆ ಮಾಡಿದ್ದ.

ಮಗನ ಅಟ್ಟಹಾಸವನ್ನು ನಿಯಂತ್ರಿಸಲು ಸಾಧ್ಯವಾಗದೆ, ತನ್ನ ಹಾಗೂ ಮೊಮ್ಮಕ್ಕಳ ಪ್ರಾಣ ಉಳಿಸಿಕೊಳ್ಳಲು ಆಕೆ ಮಗನಿಗೆ ಕೊಡಲಿಯಿಂದ ಹೊಡೆದು ಕೊಲೆ ಮಾಡಿದ್ದಾಳೆ. ತೀವ್ರವಾದ ಹೊಡೆತದಿಂದ ಆತ ಸ್ಥಳದಲ್ಲೇ ಸಾವನ್ನಪ್ಪಿದ್ದಾನೆ. ಈ ಕೊಲೆಯ ಆರೋಪದಲ್ಲಿ ಚಿಟ್ಟೆಮ್ಮನನ್ನು ಪೊಲೀಸರು ಬಂಧಿಸಿದ್ದಾರೆ.

ಇದನ್ನೂ ಓದಿ: Crime News: ಅತ್ಯಾಚಾರ ಕೊಲೆಗಿಂತಲೂ ಘೋರವಾದುದು; ಪೋಕ್ಸೋ ನ್ಯಾಯಾಲಯದಿಂದ ಅತ್ಯಾಚಾರಿಗೆ 10 ವರ್ಷ ಜೈಲು ಶಿಕ್ಷೆ

Murder: ಗಂಡನನ್ನು ಕೊಂದು, ಶವವನ್ನು ಗೋಣಿಚೀಲದಲ್ಲಿ ತುಂಬಿ ಪಾರ್ಕ್​ನಲ್ಲಿ ಎಸೆದ ಹೆಂಡತಿ

Follow us on

Related Stories

Most Read Stories

Click on your DTH Provider to Add TV9 Kannada