QS World University Rankings: ಜಗತ್ತಿನ ಟಾಪ್ ವಿಶ್ವವಿದ್ಯಾಲಯಗಳಲ್ಲಿ ಸ್ಥಾನ ಪಡೆದ ಬೆಂಗಳೂರಿನ IISc
ಲಂಡನ್ ಮೂಲದ ಜಾಗತಿಕ ಉನ್ನತ ಶಿಕ್ಷಣ ವಿಶ್ಲೇಷಕ ಕ್ವಾಕೆರೆಲಿ ಸೈಮಂಡ್ಸ್ (QS) ವಿಶ್ವದ ಅತ್ಯಂತ ಪ್ರತಿಷ್ಠಿತ ಅಂತಾರಾಷ್ಟ್ರೀಯ ವಿಶ್ವವಿದ್ಯಾಲಯಗಳ ಶ್ರೇಯಾಂಕವನ್ನು ಬಿಡುಗಡೆ ಮಾಡಿದೆ, ಬೆಂಗಳೂರಿನ ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಸೈನ್ಸ್ (IISc) ದಕ್ಷಿಣ ಏಷ್ಯಾದಲ್ಲಿ ವೇಗವಾಗಿ ಬೆಳೆಯುತ್ತಿರುವ ವಿಶ್ವವಿದ್ಯಾಲಯವಾಗಿದೆ.
Updated on:Jun 09, 2022 | 2:22 PM
ಲಂಡನ್ ಮೂಲದ ಕ್ವಾಕೆರೆಲಿ ಸೈಮಂಡ್ಸ್ (QS) ವಿಶ್ವದ ಅತ್ಯಂತ ಪ್ರತಿಷ್ಠಿತ ಅಂತಾರಾಷ್ಟ್ರೀಯ ವಿಶ್ವವಿದ್ಯಾಲಯಗಳ ಶ್ರೇಯಾಂಕವನ್ನು ಬಿಡುಗಡೆ ಮಾಡಿದೆ, ಬೆಂಗಳೂರಿನ ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಸೈನ್ಸ್ (IISc) ದಕ್ಷಿಣ ಏಷ್ಯಾದಲ್ಲಿ ವೇಗವಾಗಿ ಬೆಳೆಯುತ್ತಿರುವ ವಿಶ್ವವಿದ್ಯಾಲಯವಾಗಿದೆ.
IISc ಬೆಂಗಳೂರು ವಿಶ್ವದ ಉನ್ನತ ಶಿಕ್ಷಣ ಸಂಸ್ಥೆಗಳಲ್ಲಿ 155 ನೇ ಸ್ಥಾನದಲ್ಲಿದೆ. ಕ್ಯೂಎಸ್ ಬಿಡುಗಡೆ ಮಾಡಿದ ಅಂತಾರಾಷ್ಟ್ರೀಯ ವಿಶ್ವವಿದ್ಯಾನಿಲಯ ಶ್ರೇಯಾಂಕದಲ್ಲಿ ಭಾರತದ ನಾಲ್ಕು ಐಐಟಿಗಳು ವಿಶ್ವದ ಅಗ್ರ 200 ವಿಶ್ವವಿದ್ಯಾಲಯಗಳ ಪಟ್ಟಿಯಲ್ಲಿ ಸ್ಥಾನ ಪಡೆದಿವೆ.
ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (ಐಐಟಿ) ಬಾಂಬೆ ಕ್ಯೂಎಸ್ ಶ್ರೇಯಾಂಕದ ಈ ಪಟ್ಟಿಯಲ್ಲಿ ಐದು ಸ್ಥಾನಗಳನ್ನು ಜಿಗಿದು 172 ನೇ ಸ್ಥಾನಕ್ಕೆ ತಲುಪಿದೆ. ಐಐಟಿ-ಬಾಂಬೆ ಭಾರತದ ಎರಡನೇ ಅತ್ಯುತ್ತಮ ಸಂಸ್ಥೆಯಾಗಿ ಶ್ರೇಯಾಂಕ ಪಡೆದಿದ್ದರೆ, ಐಐಟಿ-ದೆಹಲಿ 11 ಸ್ಥಾನಗಳನ್ನು ಮೇಲಕ್ಕೆತ್ತಿ 174 ನೇ ಸ್ಥಾನಕ್ಕೆ ತಲುಪಿದೆ.
IIT-ಕಾನ್ಪುರ್ ಈ ಶ್ರೇಯಾಂಕದ ಇತಿಹಾಸದಲ್ಲಿ ತನ್ನ ಸಾರ್ವಕಾಲಿಕ ಅತ್ಯುತ್ತಮ 264 ನೇ ಸ್ಥಾನವನ್ನು ಸಾಧಿಸಲು 13 ಸ್ಥಾನಗಳನ್ನು ಏರಿದೆ. ಆದರೆ ಐಐಟಿ-ರೂರ್ಕಿ 31 ಸ್ಥಾನಗಳನ್ನು ಜಿಗಿದು ತನ್ನ ಅತ್ಯುನ್ನತ ಶ್ರೇಣಿಯನ್ನು (369) ತಲುಪಿದೆ. ಈ QS ಶ್ರೇಯಾಂಕಗಳ ಪಟ್ಟಿಯಲ್ಲಿ IIT-ಇಂದೋರ್ 396 ನೇ ಸ್ಥಾನದಲ್ಲಿದೆ.
ಶ್ರೇಯಾಂಕದ ಪ್ರಕಾರ, OP ಜಿಂದಾಲ್ ಗ್ಲೋಬಲ್ ವಿಶ್ವವಿದ್ಯಾನಿಲಯವು ಸತತ ಮೂರನೇ ವರ್ಷ QS ನ ಈ ಪಟ್ಟಿಯಲ್ಲಿ ಅತ್ಯುನ್ನತ ಶ್ರೇಣಿಯ ಖಾಸಗಿ ವಿಶ್ವವಿದ್ಯಾಲಯವಾಗಿದೆ. ಒಟ್ಟು 41 ಭಾರತೀಯ ವಿಶ್ವವಿದ್ಯಾಲಯಗಳು QS ಶ್ರೇಯಾಂಕಗಳ ಪಟ್ಟಿಯಲ್ಲಿ ಸ್ಥಾನ ಪಡೆದಿವೆ.
ಶ್ರೇಯಾಂಕಗಳ ಪ್ರಕಾರ, 13 ಭಾರತೀಯ ವಿಶ್ವವಿದ್ಯಾನಿಲಯಗಳು ಇತರ ಜಾಗತಿಕ ಸ್ಪರ್ಧಿಗಳಿಗಿಂತ ತಮ್ಮ ಸಂಶೋಧನಾ ಪ್ರಭಾವವನ್ನು ಸುಧಾರಿಸಿವೆ. ಅದೇ ಸಮಯದಲ್ಲಿ, ಜವಾಹರಲಾಲ್ ನೆಹರು ವಿಶ್ವವಿದ್ಯಾಲಯ, ದೆಹಲಿ ವಿಶ್ವವಿದ್ಯಾಲಯ ಮತ್ತು ಜಾಮಿಯಾ ಮಿಲಿಯಾ ಇಸ್ಲಾಮಿಯಾದಂತಹ ದೇಶದ ಪ್ರಮುಖ ವಿಶ್ವವಿದ್ಯಾಲಯಗಳ QS ಶ್ರೇಯಾಂಕದಲ್ಲಿ ಕುಸಿತ ಕಂಡುಬಂದಿದೆ.
ಕಳೆದ ಬಾರಿ 501-510 ರ್ಯಾಂಕ್ ಪಡೆದಿದ್ದ ದೆಹಲಿ ವಿಶ್ವವಿದ್ಯಾನಿಲಯವು ಈ ವರ್ಷದ ಕ್ಯೂಎಸ್ ಶ್ರೇಯಾಂಕ ಪಟ್ಟಿಯಲ್ಲಿ 521-530 ರ್ಯಾಂಕಿಂಗ್ನಲ್ಲಿ ಸ್ಥಾನ ಪಡೆದಿದೆ. ಜವಾಹರಲಾಲ್ ನೆಹರು ವಿಶ್ವವಿದ್ಯಾನಿಲಯವು ಕಳೆದ ಬಾರಿ 561-570 ಸ್ಥಾನಗಳಿಗೆ ಹೋಲಿಸಿದರೆ ಈ ವರ್ಷದ ಕ್ಯೂಎಸ್ ರ ್ಯಾಂಕಿಂಗ್ ಪಟ್ಟಿಯಲ್ಲಿ 601-650 ಸ್ಥಾನಗಳ ಶ್ರೇಣಿಯಲ್ಲಿದೆ. ಜಾಮಿಯಾ ಮಿಲಿಯಾ ಇಸ್ಲಾಮಿಯಾ ಕಳೆದ ಬಾರಿ 751-800 ಸ್ಥಾನಗಳಿಗೆ ಹೋಲಿಸಿದರೆ ಈ ವರ್ಷದ QS ಶ್ರೇಯಾಂಕಗಳ ಪಟ್ಟಿಯಲ್ಲಿ 801-1000 ರ ಶ್ರೇಣಿಯಲ್ಲಿ ಸ್ಥಾನ ಪಡೆದಿದೆ.
ರಾಜ್ಯದ ಇತರೆ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
ಪ್ರಮುಖ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 1:05 pm, Thu, 9 June 22
