ಗುಜರಾತಿನಲ್ಲಿ ಅಂತಿಮ ಸುತ್ತಿನ ಪ್ರಚಾರ: ಸೂರತ್​​ನಲ್ಲಿ ನಡೆಯಲಿದೆ ಅರವಿಂದ ಕೇಜ್ರಿವಾಲ್, ಮೋದಿ ರ್ಯಾಲಿ

ದೆಹಲಿ: ಗುಜರಾತ್ ವಿಧಾನಸಭೆ ಚುನಾವಣೆಯ (Gujarat Assembly elections)ಮೊದಲ ಹಂತದ ಮತದಾನಕ್ಕೆ ಕೇವಲ ನಾಲ್ಕು ದಿನಗಳು ಬಾಕಿ ಉಳಿದಿದ್ದು, ಸ್ಪರ್ಧಿಗಳು ಪ್ರಮುಖ ನಾಯಕರೊಂದಿಗೆ ಪ್ರಚಾರಕ್ಕೆ ಮುಂದಾಗಿದ್ದಾರೆ. ಪ್ರಧಾನಿ ನರೇಂದ್ರ ಮೋದಿ (Narendra Modi) ಮತ್ತು ಆಮ್ ಆದ್ಮಿ ಪಕ್ಷದ (AAP) ರಾಷ್ಟ್ರೀಯ ಸಂಚಾಲಕ ಅರವಿಂದ ಕೇಜ್ರಿವಾಲ್ (Arvind Kejriwal)ಅವರು ಇಂದು ‘ವಜ್ರ ನಗರಿ’ ಸೂರತ್‌ಗೆ ಭೇಟಿ ನೀಡಲಿದ್ದಾರೆ. ಗುಜರಾತಿನ 182 ಸದಸ್ಯ ಬಲದ ವಿಧಾನಸಭೆಗೆ ಸೂರತ್ 12 ಶಾಸಕರನ್ನು ಕಳುಹಿಸುತ್ತದೆ. ಇಲ್ಲಿ ಡಿಸೆಂಬರ್ 1 ರಂದು ಮೊದಲ ಹಂತದ ಮತದಾನ ನಡೆಯಲಿದೆ. ಸೂರತ್ ಸಾಂಪ್ರದಾಯಿಕವಾಗಿ ಆಡಳಿತಾರೂಢ ಬಿಜೆಪಿಯತ್ತ ಒಲವು ತೋರುತ್ತಿದೆ. ಜವಳಿ ಮತ್ತು ವಜ್ರದ ವ್ಯಾಪಾರಿಗಳು ಜೊತೆಗೆ ವ್ಯಾಪಾರ ಕೇಂದ್ರದಲ್ಲಿರುವ ಕ್ಷೇತ್ರಗಳಿಗೆ ಸಂಬಂಧಿಸಿದ ಲಕ್ಷಾಂತರ ಜನರು ಬಿಜೆಪಿಯನ್ನು ಬೆಂಬಲಿಸುತ್ತಾರೆ. ವಿಮಾನ ನಿಲ್ದಾಣದಿಂದ ರ್ಯಾಲಿ ಸ್ಥಳಕ್ಕೆ 25 ಕಿಮೀ ರೋಡ್ ಶೋ ನಂತರ ಸೂರತ್‌ನ ಮೋಟಾ ವರಾಚಾದಲ್ಲಿ ಸಾರ್ವಜನಿಕ ಸಭೆಯನ್ನು ಉದ್ದೇಶಿಸಿ ಪ್ರಧಾನಿ ಮೋದಿ ಮಾತನಾಡಲಿದ್ದಾರೆ ಎಂದು ಬಿಜೆಪಿ ತಿಳಿಸಿದೆ. ಪ್ರಧಾನಮಂತ್ರಿಯವರು ಭರೂಚ್ ಜಿಲ್ಲೆಯ ನೇತ್ರಂಗ್ ಮತ್ತು ಖೇಡಾ ಜಿಲ್ಲೆಯ ಮೆಹಮದಾಬಾದ್‌ನಲ್ಲಿ ರ್ಯಾಲಿಗಳನ್ನು ಉದ್ದೇಶಿಸಿ ಮಾತನಾಡಲಿದ್ದಾರೆ.

ದೆಹಲಿ ಮುಖ್ಯಮಂತ್ರಿ ಅರವಿಂದ ಕೇಜ್ರಿವಾಲ್ ಅವರು ಸೂರತ್‌ಗೆ ಎರಡು ದಿನಗಳ ಪ್ರವಾಸದಲ್ಲಿ ಜವಳಿ ಉದ್ಯಮದ ಪ್ರಮುಖರು ಮತ್ತು ರತ್ನ ಕುಶಲಕರ್ಮಿಗಳೊಂದಿಗೆ ಟೌನ್‌ಹಾಲ್ ಸಭೆಗಳನ್ನು ನಡೆಸಲಿದ್ದಾರೆ ಅವರು ಯೋಗಿ ಚೌಕ್‌ನಲ್ಲಿ ಸಾರ್ವಜನಿಕ ಸಭೆಯನ್ನು ಉದ್ದೇಶಿಸಿ ಮಾತನಾಡಲಿದ್ದಾರೆ. ಕೇಜ್ರಿವಾಲ್ ಕಟರ್ಗಾಂನಲ್ಲಿ ರೋಡ್ ಶೋ ನಡೆಸಲಿದ್ದಾರೆ ಎಂದು ಎಎಪಿ ಹೇಳಿದೆ.

AAP National Convenor and Hon’ble CM of Delhi, Shri @ArvindKejriwal will lead a Roadshow in Jamnagar, Gujarat, today at 6:00 PM.

Watch LIVE?

?https://t.co/e2Cs9nzbtb ?https://t.co/0oHEATSgna ?https://t.co/h8fr95cdiC pic.twitter.com/GsadwkZmZV

— AAP (@AamAadmiParty) November 27, 2022

ಗುಜರಾತ್ ಒಳಗೆ, ಸೂರತ್ ಇಂದು ಎಎಪಿಯ ಕೇಂದ್ರಬಿಂದುವಾಗಿದೆ. ಸೂರತ್ ಮುನ್ಸಿಪಲ್ ಕಾರ್ಪೊರೇಷನ್ ಇಂದು ಗುಜರಾತ್‌ನ ಅತಿದೊಡ್ಡ ನಾಗರಿಕ ಸಂಸ್ಥೆಯಾಗಿದೆ. ನಮ್ಮ ಆಂತರಿಕ ಸಮೀಕ್ಷೆಯ ಪ್ರಕಾರ, ಎಎಪಿ ಎಲ್ಲಾ 12 ಸ್ಥಾನಗಳಲ್ಲಿ ಬಿಜೆಪಿಗಿಂತ ಹೆಚ್ಚಿನ ಮತ ಹಂಚಿಕೆಯೊಂದಿಗೆ ಮುನ್ನಡೆ ಸಾಧಿಸಿದೆ. ಜವಳಿ ಮತ್ತು ವಜ್ರ ಉದ್ಯಮಕ್ಕೆ ಸಂಬಂಧಿಸಿದವರು ತಮ್ಮ ಪಕ್ಷವನ್ನು ಬೆಂಬಲಿಸುತ್ತಿದ್ದಾರೆ ಎಂದು ಎಎಪಿ ಪ್ರಧಾನ ಕಾರ್ಯದರ್ಶಿ ಮನೋಜ್ ಸೊರಥಿಯಾ ಹೇಳಿದ್ದಾರೆ.

ಎಎಪಿ ತನ್ನ ರಾಜ್ಯ ಘಟಕದ ಅಧ್ಯಕ್ಷ ಗೋಪಾಲ್ ಇಟಾಲಿಯಾ ಅವರನ್ನು ಕಟರ್ಗಾಮ್‌ನಿಂದ ಮತ್ತು ಮಾಜಿ ಪಾಟಿದಾರ್ ಅನಾಮತ್ ಆಂದೋಲನ ಸಮಿತಿಯ ನಾಯಕರಾದ ಅಲ್ಪೇಶ್ ಕತಿರಿಯಾ ಅವರನ್ನು ವಾರಚ್ಚಾ ರಸ್ತೆ ಮತ್ತು ಧಾರ್ಮಿಕ್ ಮಾಳವಿಯಾ ಅವರನ್ನು ಓಲ್ಪಾಡ್‌ನಿಂದ ಕಣಕ್ಕಿಳಿಸಿದೆ.

ಬಿಜೆಪಿ ಶನಿವಾರ ತನ್ನ ಚುನಾವಣಾ ಪ್ರಣಾಳಿಕೆಯನ್ನು ಬಿಡುಗಡೆ ಮಾಡಿದ್ದು, ಪಕ್ಷವು ಅಧಿಕಾರವನ್ನು ಉಳಿಸಿಕೊಂಡರೆ ರಾಜ್ಯದಲ್ಲಿ ಧರ್ಮ ಆಧಾರಿತ ಕಾನೂನುಗಳನ್ನು ಕೊನೆಗೊಳಿಸುವ ಏಕರೂಪ ನಾಗರಿಕ ಸಂಹಿತೆಯ (ಯುಸಿಸಿ) “ಸಂಪೂರ್ಣ ಅನುಷ್ಠಾನ” ಭರವಸೆ ನೀಡಿದೆ. ‘ರಾಷ್ಟ್ರ ವಿರೋಧಿ ಅಂಶಗಳ’ ವಿರುದ್ಧ ‘ಆಮೂಲಾಗ್ರೀಕರಣ ವಿರೋಧಿ ಸೆಲ್’ ಆರಂಭಿಸುವುದಾಗಿ ಹಾಗೂ 20 ಲಕ್ಷ ಉದ್ಯೋಗ ಸೃಷ್ಟಿ ಮಾಡುವುದಾಗಿ ಭರವಸೆ ನೀಡಿದೆ.

ಇಲ್ಲಿಯವರೆಗೆ ರಾಜ್ಯದಲ್ಲಿ ಬಿಜೆಪಿಗೆ ಪ್ರಾಥಮಿಕ ಸವಾಲಾಗಿದ್ದ ಕಾಂಗ್ರೆಸ್, ಈಗ ಎಎಪಿಯನ್ನೂ ಎದುರಿಸಬೇಕಿದೆ. ಎಎಪಿಗೆ ಸಾಕಷ್ಟು ಪ್ರಚಾರ ಇದೆ. ಆದರೆ “ಮಾರ್ಜಿನಲ್ ಪ್ಲೇಯರ್” ಆಗಿ ಉಳಿಯುತ್ತದೆ ಎಂದು ಕಾಂಗ್ರೆಸ್ ಹೇಳಿದೆ.

ರಾಜ್ಯ ಸರ್ಕಾರದ ವಿರುದ್ಧ ಆಡಳಿತ ವಿರೋಧಿ ಶಕ್ತಿಯ “ಪ್ರಬಲವಾದ ಒಳಹರಿವು” ಇರುವುದರಿಂದ ಕಾಂಗ್ರೆಸ್ ಅತ್ಯಂತ ಸ್ಥಳೀಯ, ವೈಯಕ್ತಿಕ ಮತ್ತು ಸಾಂಪ್ರದಾಯಿಕ ಪ್ರಚಾರವನ್ನು ನಡೆಸುತ್ತಿದೆ ಎಂದು ಗುಜರಾತ್ ಚುನಾವಣೆಗೆ ಪಕ್ಷದ ವೀಕ್ಷಕರಾಗಿರುವ ಕಾಂಗ್ರೆಸ್ ನಾಯಕ ಮಿಲಿಂದ್ ದಿಯೋರಾ ಈ ಹಿಂದೆ ಹೇಳಿದ್ದರು.ಡಿಸೆಂಬರ್ 5 ರಂದು ಎರಡನೇ ಹಂತದ ಮತದಾನ ನಡೆಯಲಿದ್ದು, ಡಿಸೆಂಬರ್ 8 ರಂದು ಮತ ಎಣಿಕೆ ನಡೆಯಲಿದೆ.