‘ಬಾಹುಬಲಿ’ ಮಾಡಲು ಹೋಗಿ 100 ಕೋಟಿ ಕಳೆದುಕೊಂಡ ನೆಟ್ಫ್ಲಿಕ್ಸ್ಗೆ ಮತ್ತೊಂದು ಶಾಕ್
‘ಬಾಹುಬಲಿ: ದಿ ಬಿಗಿನಿಂಗ್’ ಮತ್ತು ‘ಬಾಹುಬಲಿ: ದಿ ಕನ್ಕ್ಲೂಷನ್’ ಸಿನಿಮಾಗಳ ಪ್ರೀಕ್ವೆಲ್ ಮಾಡಲು ಈ ಹಿಂದೆ ಪ್ಲ್ಯಾನ್ ಮಾಡಲಾಗಿತ್ತು. ಅದಕ್ಕೆ ‘ಬಾಹುಬಲಿ: ಬಿಫೋರ್ ದಿ ಬಿಗಿನಿಂಗ್’ ಎಂದು ಹೆಸರಿಡಲಾಗಿತ್ತು.
Updated on:Mar 24, 2021 | 7:31 PM
ಎಸ್.ಎಸ್. ರಾಜಮೌಳಿ ಆ್ಯಕ್ಷನ್ ಕಟ್ ಹೇಳಿದ್ದ ಬಾಹುಬಲಿ ಸಿನಿಮಾ ಎರಡು ಪಾರ್ಟ್ಗಳಲ್ಲಿ ಮೂಡಿಬಂದಿತ್ತು. ಎರಡೂ ಚಿತ್ರಗಳು ದೊಡ್ಡ ಮಟ್ಟದಲ್ಲಿ ಗಳಿಕೆ ಮಾಡಿದ್ದವು. ಈಗ ಮೊದಲ ಪಾರ್ಟ್ಗಿಂತಲೂ ಮುಂಚಿನ ಕಥೆ ಏನು ಎಂಬುದನ್ನು ತೋರಿಸಲು ನೆಟ್ಫ್ಲಿಕ್ಸ್ ಹೊಸ ಯೋಜನೆ ರೂಪಿಸಿತ್ತು. ಆದರೆ, ಈ ಯೋಜನೆಯನ್ನು ಅರ್ಧಕ್ಕೆ ಕೈಬಿಟ್ಟಿದ್ದ ನೆಟ್ಫ್ಲಿಕ್ಸ್ ಈಗ ಎಲ್ಲವನ್ನೂ ಮೊದಲಿನಿಂದ ಶೂಟ್ ಮಾಡಲು ಮುಂದಾಗಿದೆ. ಹೀಗಿರುವಾಗಲೇ ತಂಡಕ್ಕೆ ಮತ್ತೊಂದು ಶಾಕ್ ಎದುರಾಗಿದೆ. ‘ಬಾಹುಬಲಿ: ದಿ ಬಿಗಿನಿಂಗ್’ ಮತ್ತು ‘ಬಾಹುಬಲಿ: ದಿ ಕನ್ಕ್ಲೂಷನ್’ ಸಿನಿಮಾಗಳ ಪ್ರೀಕ್ವೆಲ್ ಮಾಡಲು ಈ ಹಿಂದೆ ಪ್ಲ್ಯಾನ್ ಮಾಡಲಾಗಿತ್ತು. ಅದಕ್ಕೆ ‘ಬಾಹುಬಲಿ: ಬಿಫೋರ್ ದಿ ಬಿಗಿನಿಂಗ್’ ಎಂದು ಹೆಸರಿಡಲಾಗಿತ್ತು. 9 ಎಪಿಸೋಡ್ಗಳ ಈ ವೆಬ್ಸರಣಿಯಲ್ಲಿ ರಾಜಮಾತೆ ಶಿವಗಾಮಿಯ ಕಥೆ ಹೇಳುವುದು ಇದರ ಉದ್ದೇಶವಾಗಿತ್ತು. ಶಿವಗಾಮಿ ಪಾತ್ರದಲ್ಲಿ ಮೃಣಾಲ್ ಠಾಕೂರ್ ಕಾಣಿಸಿಕೊಂಡಿದ್ದರು.
ಅಚ್ಚರಿ ಎಂದರೆ, ಶೇ.70 ಭಾಗದ ಶೂಟ್ ಪೂರ್ಣಗೊಂಡಿತ್ತು. ಇದಕ್ಕಾಗಿ 100 ಕೋಟಿ ರೂಪಾಯಿ ಖರ್ಚು ಮಾಡಲಾಗಿತ್ತು. ಆದರೆ, ಇದು ನೆಟ್ಫ್ಲಿಕ್ಸ್ನವರಿಗೆ ಅಷ್ಟಾಗಿ ಖುಷಿ ನೀಡಿಲ್ಲ. ಹೀಗಾಗಿ, 200 ಕೋಟಿ ಬಜೆಟ್ನಲ್ಲಿ ಇದನ್ನು ಮೊದಲಿನಿಂದ ಶೂಟ್ ಮಾಡುವ ಆಲೋಚನೆ ಹಾಕಿಕೊಳ್ಳಲಾಗಿದೆ. ಆದರೆ, ಮೃಣಾಲ್ ಠಾಕೂರ್ ಬಳಿ ಡೇಟ್ಸ್ ಇಲ್ಲ. ಮತ್ತೆ ಮೊದಲಿನಿಂದ ಶೂಟ್ ಮಾಡುವುದಾದರೆ ನಾನು ನಟಿಸಲು ಸಾಧ್ಯವೇ ಇಲ್ಲ ಎಂದು ಕಡ್ಡಿ ಮುರಿದಂತೆ ಹೇಳಿದ್ದಾರೆ. ಇಡೀ ಚಿತ್ರದಲ್ಲಿ ಕಥೆ ಹೈಲೈಟ್ ಆಗೋದೆ ಶಿವಗಾಮಿಯ ಮೇಲೆ. ಹೀಗಿರುವಾಗ, ಮುಖ್ಯ ಪಾತ್ರಧಾರಿಯೇ ಕೈ ಕೊಟ್ಟಿರೋದು ತಂಡಕ್ಕೆ ತಲೆನೋವು ತಂದಿದೆ.
ಆದರೆ, ನೆಟ್ಫ್ಲಿಕ್ಸ್ ಸುಮ್ಮನೆ ಕೂತಿಲ್ಲ. ಈ ವೆಬ್ಸೀರಿಸ್ಗೆ ಸೂಟ್ ಎನಿಸುವು ಮತ್ತೊಂದು ನಾಯಕಿಯನ್ನು ಕರೆ ತಂದಿದ್ದಾರೆ. ಲವ್ ಆಜ್ ಕಲ್ ಮೊದಲಾದ ಸಿನಿಮಾಗಳಲ್ಲಿ ನಟಿಸಿರುವ ವಮಿಕಾ ಗಬ್ಬಿ ಅವರನ್ನು ಶಿವಗಾಮಿ ಪಾತ್ರಕ್ಕೆ ಆಯ್ಕೆ ಮಾಡಿಕೊಳ್ಳಲಾಗಿದೆ. ಇವರು ಈ ಪಾತ್ರಕ್ಕೆ ಸೂಟ್ ಆಗಲಿದ್ದಾರೆ ಎನ್ನುವ ಕಾರಣಕ್ಕೆ ಇವರನ್ನು ಆಯ್ಕೆ ಮಾಡಿಕೊಳ್ಳಲಾಗಿದೆ.
ವಮಿಕಾ
ಇದನ್ನೂ ಓದಿ: ‘ಬಾಹುಬಲಿ’ ನಂಬಿ 100 ಕೋಟಿ ರೂ. ಕಳೆದುಕೊಂಡ ನೆಟ್ಫ್ಲಿಕ್ಸ್! 200 ಕೋಟಿಯಲ್ಲಿ ಈಗ ಇನ್ನೊಂದು ಪ್ಲ್ಯಾನ್
Published On - 6:44 pm, Wed, 24 March 21
