‘ನಾನು ಮೊದಲು ಕಂಗನಾ ಅಭಿಮಾನಿಯಾಗಿದ್ದೆ, ಈಗಲ್ಲ’; ನಟಿ ಐಶ್ವರ್ಯ ಲಕ್ಷ್ಮಿ

ನಟಿ ಐಶ್ವರ್ಯ ಲಕ್ಷ್ಮಿ ಅವರು ಕಂಗನಾ ರಣಾವತ್ ಬಗ್ಗೆ ನೀಡಿದ್ದ ತಮ್ಮ ಹಳೆಯ ಹೇಳಿಕೆಗೆ ಈಗ ಸ್ಪಷ್ಟನೆ ನೀಡಿದ್ದಾರೆ. ತಾವಿನ್ನು ಕಂಗನಾ ಅಭಿಮಾನಿ ಅಲ್ಲ ಎಂದಿದ್ದಾರೆ. ರಾಜಕೀಯ ಹೇಳಿಕೆಗಳನ್ನು ತಾವು ಬೆಂಬಲಿಸುವುದಿಲ್ಲ ಎಂದು ಹೇಳಿದ್ದಾರೆ. ನಟನೆಯನ್ನು ಮಾತ್ರ ತಾವು ಮೆಚ್ಚುವುದಾಗಿ ತಿಳಿಸಿದ್ದಾರೆ. ಈ ಕುರಿತ ಸಂಪೂರ್ಣ ವಿವರ ಇಲ್ಲಿದೆ.

ಕಂಗನಾ ಅವರನ್ನು ಐಶ್ವರ್ಯ ಈ ಹಿಂದೆ ‘ಮ್ಯಾಡ್ ಜೀನಿಯಸ್’ ಎಂದು ಕರೆದಿದ್ದರು. ಸಂಸತ್ತಿನಲ್ಲಿ ಅವರ ಮಾತಿನ ಶೈಲಿಯನ್ನು ಹೊಗಳಿದ್ದರು. ಆದರೆ ಈ ಮಾತುಗಳು ಕಂಗನಾ ರಾಜಕೀಯಕ್ಕೆ ನೀಡಿದ ಬೆಂಬಲವಲ್ಲ. ಸಂದರ್ಶನವೊಂದರಲ್ಲಿ ತಮ್ಮ ವೃತ್ತಿಜೀವನದ ಬಗ್ಗೆ ಮಾತನಾಡುತ್ತಾ ಈ ವಿಷಯ ಪ್ರಸ್ತಾಪಿಸಿದ್ದರು. ಕಂಗನಾ ಅವರ ಹೋರಾಟದ ಹಾದಿ ಮಾತ್ರ ತಮಗೆ ಇಷ್ಟ ಎಂದಿದ್ದಾರೆ.

ಕಂಗನಾ ಅವರ ರಾಜಕೀಯ ನಿಲುವುಗಳನ್ನು ಐಶ್ವರ್ಯ ಖಂಡಿಸಿದ್ದಾರೆ. ವಿಶೇಷವಾಗಿ ಮಹಿಳೆಯರ ಕುರಿತ ಅವರ ಹೇಳಿಕೆಗಳು ಸರಿ ಇಲ್ಲ ಎಂದಿದ್ದಾರೆ. ಪ್ರಚಲಿತ ಹೋರಾಟಗಳ ಬಗ್ಗೆ ಕಂಗನಾ ನೀಡಿದ ಹೇಳಿಕೆಗಳು ಆಘಾತಕಾರಿ ಎಂದಿದ್ದಾರೆ. ಅವರ ಸಂಸತ್ತಿನ ಭಾಷಣಗಳನ್ನು ತಾವು ಬೆಂಬಲಿಸುವುದಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ. ಪ್ರತಿಯೊಬ್ಬ ವ್ಯಕ್ತಿಗೂ ತಮ್ಮದೇ ಆದ ರಾಜಕೀಯ ಅಭಿಪ್ರಾಯಗಳಿರುತ್ತವೆ ಎಂದಿದ್ದಾರೆ.

ಕಂಗನಾ ಅವರ ಚೇಂಜಸ್​ನ ಐಶ್ವರ್ಯ ಜೋಕರ್ ಪಾತ್ರಕ್ಕೆ ಹೋಲಿಸಿದ್ದಾರೆ. ಹಿಮಾಚಲ ಪ್ರದೇಶದಿಂದ ಬಂದ ಕಂಗನಾ ಚಿತ್ರರಂಗದಲ್ಲಿ ನೆಲೆ ಕಂಡುಕೊಂಡರು. ಯಾರೂ ಸ್ವಾಗತಿಸದ ಜಾಗದಲ್ಲಿ ತಮ್ಮದೇ ಸ್ಥಾನ ಗಿಟ್ಟಿಸಿಕೊಂಡರು. ಈ ಹೋರಾಟದ ಗುಣ ತಮಗೆ ಇಷ್ಟವಾಗಿದೆ ಎಂದಿದ್ದಾರೆ. ಬದುಕಿನ ಉಳಿವಿಗಾಗಿ ಕಂಗನಾ ಹೀಗೆ ಮಾಡುತ್ತಿರಬಹುದು ಎಂದು ಅಭಿಪ್ರಾಯಪಟ್ಟಿದ್ದಾರೆ.

ಇದನ್ನೂ ಓದಿ: ‘ಹನುಮಾನ್ ಅಂಶ್’ ಮೆಚ್ಚಿದ ಕಂಗನಾ: ಆದರೆ ಚಿತ್ರತಂಡಕ್ಕೆ ಪ್ರೇಮಾನಂದ್ ಮಹಾರಾಜ್ ಎಚ್ಚರಿಕೆ

ಭಾಷೆಯ ಮೇಲಿನ ಕಂಗನಾ ಹಿಡಿತವನ್ನು ಐಶ್ವರ್ಯ ಮೆಚ್ಚಿದ್ದಾರೆ. ತಾವು ಬೇರೆ ಭಾಷೆಗಳಲ್ಲಿ ನಟಿಸುವಾಗ ಪಡುವ ಶ್ರಮವನ್ನು ನೆನಪಿಸಿಕೊಂಡಿದ್ದಾರೆ. ಹಿಮಾಚಲದಿಂದ ಬಂದ ಕಂಗನಾ ಶ್ರಮಪಟ್ಟು ಭಾಷೆ ಕಲಿತಿದ್ದಾರೆ. ಅವರ ಈ ಶ್ರಮ ಮತ್ತು ವಾಗ್ಪಟುತ್ವ ನಿಜಕ್ಕೂ ಶ್ಲಾಘನೀಯ. ನಟಿಯಾಗಿ ಅವರ ಪ್ರತಿಭೆಯನ್ನು ಎಂದಿಗೂ ಗೌರವಿಸುವುದಾಗಿ ಐಶ್ವರ್ಯ ಹೇಳಿದ್ದಾರೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.