ಅರವಿಂದ್ಗೆ ಪ್ರೀತಿಯ ರಿಂಗ್ ತೊಡಿಸಿದ ದಿವ್ಯಾ! ಮರುಕ್ಷಣವೇ ಇಬ್ಬರ ಲವ್ನಲ್ಲಿ ಸುನಾಮಿ
Bigg Boss Kannada: ‘ಅರವಿಂದ್ ಜೀವನಪರ್ಯಂತ ನನ್ನ ಜೊತೆಗೆ ಇರಬೇಕು. ಅವನು ನನಗೆ ನಿಜಕ್ಕೂ ಸ್ಪೆಷಲ್. ನಮ್ಮ ಅಪ್ಪಾಜಿ ಕೊಟ್ಟಿರುವ ರಿಂಗ್ ಅನ್ನು ನಾನು ಅರವಿಂದ್ಗೆ ನೀಡುತ್ತೇನೆ’ ಎಂದು ದಿವ್ಯಾ ಉರುಡುಗ ಹೇಳಿದ್ದಾರೆ!
Updated on: Apr 12, 2021 | 1:18 PM
ಬಿಗ್ ಬಾಸ್ನಲ್ಲಿ ದಿವ್ಯಾ ಉರುಡುಗ ಮತ್ತು ಅರವಿಂದ್ ಕೆ.ಪಿ. ನಡುವೆ ಏನು ನಡೆಯುತ್ತಿದೆ ಎಂಬುದನ್ನು ಹೊಸದಾಗಿ ಹೇಳಬೇಕಾದ್ದಿಲ್ಲ. ದಿನದಿಂದ ದಿನಕ್ಕೆ ಅವರಿಬ್ಬರ ಪ್ರೀತಿ ಒಂದೊಂದು ಹಂತ ಮೇಲೇರುತ್ತಿದೆ. ಅವರ ನಡುವಿನ ಸ್ನೇಹ-ಪ್ರೀತಿ ಕಂಡು ಮನೆಯ ಸದಸ್ಯರು ಅಚ್ಚರಿಪಡುತ್ತಿದ್ದಾರೆ. ಬಿಗ್ ಬಾಸ್ನಿಂದ ಹೊರಬಂದ ಬಳಿಕ ಅವರಿಬ್ಬರು ಮದುವೆ ಆದರೂ ಅಚ್ಚರಿ ಏನಿಲ್ಲ ಎಂಬ ಮಾತುಗಳು ಕೇಳಿಬರುತ್ತಿವೆ. ಈ ಮಾತಿಗೆ ಇನ್ನಷ್ಟು ಪುಷ್ಠಿ ನೀಡುವಂತಹ ಘಟನೆ ನಡೆದಿದೆ. ಅರವಿಂದ್ಗೆ ದಿವ್ಯಾ ಪ್ರೀತಿಯ ರಿಂಗ್ ತೊಡಿಸಿದ್ದಾರೆ!
ಮನೆಯ ಸದಸ್ಯರಿಗೆ ಬಿಗ್ ಬಾಸ್ ಒಂದು ಚಟುವಟಿಕೆ ನೀಡಿದ್ದಾರೆ. ತಮ್ಮ ಮನಸ್ಸು ಗೆದ್ದ ಹುಡುಗಿಗೆ ಹುಡುಗರು ಹಾರ್ಟ್ ಶೇಪ್ನ ಬಲೂನ್ ನೀಡಬೇಕು. ಹುಡುಗರಿಗೆ ಹುಡುಗಿಯರು ತಮ್ಮಿಷ್ಟದ ಒಂದು ವಸ್ತುವನ್ನು ನೀಡಬೇಕು. ಈ ವೇಳೆ ಅರವಿಂದ್ ಕೆ.ಪಿ. ಮತ್ತು ದಿವ್ಯಾ ಉರುಡುಗ ನಡುವಿನ ಪ್ರೀತಿಯ ತೀವ್ರತೆ ಜಗಜ್ಜಾಹೀರಾಗಿದೆ. ‘ನಾನು ಜಾಸ್ತಿ ಮಾತನಾಡುವುದಿಲ್ಲ. ಮಾತು ಇಲ್ಲದೆಯೂ ಅವಳಿಗೆ ಅರ್ಥವಾಗುತ್ತದೆ’ ಎಂದು ದಿವ್ಯಾ ಬಗ್ಗೆ ಅರವಿಂದ್ ಹೇಳಿದ್ದಾರೆ.
‘ಅರವಿಂದ್ ಜೀವನಪರ್ಯಂತ ನನ್ನ ಜೊತೆಗೆ ಇರಬೇಕು. ಅವನು ನನಗೆ ನಿಜಕ್ಕೂ ಸ್ಪೆಷಲ್. ನಮ್ಮ ಅಪ್ಪಾಜಿ ಕೊಟ್ಟಿರುವ ರಿಂಗ್ ಅನ್ನು ನಾನು ಅರವಿಂದ್ಗೆ ನೀಡುತ್ತೇನೆ’ ಎಂದು ದಿವ್ಯಾ ಹೇಳಿದಾಗ ಅರವಿಂದ್ ಕಣ್ಣಲ್ಲಿ ಆನಂದಬಾಷ್ಪ ಸುರಿದಿದೆ. ಎಲ್ಲರ ಸಮ್ಮುಖದಲ್ಲಿ ಅವರಿಗೆ ದಿವ್ಯಾ ರಿಂಗ್ ತೊಡಿಸಿದ್ದಾರೆ. ಇಬ್ಬರ ಪ್ರೀತಿ ಕಂಡು ಮನೆಯ ಸದಸ್ಯರೆಲ್ಲ ಚಪ್ಪಾಳೆ ತಟ್ಟಿದ್ದಾರೆ. ಆದರೆ ರಿಂಗ್ ಪಡೆದುಕೊಂಡ ಕೆಲವೇ ಕ್ಷಣಗಳಲ್ಲಿ ಅಚಾತುರ್ಯ ನಡೆದುಹೋಗಿದೆ!
View this post on Instagram
ಅರವಿಂದ್ ಮೇಲಿನ ಪ್ರೀತಿಗಾಗಿ ದಿವ್ಯಾ ಉರುಡುಗ ಆ ಉಂಗುರ ನೀಡಿದ್ದರು. ಆದರೆ ಕೆಲವೇ ಕ್ಷಣಗಳಲ್ಲಿ ಆ ಉಂಗುರುವನ್ನು ಅರವಿಂದ್ ಕಳೆದುಕೊಂಡಿದ್ದಾರೆ! ಅಷ್ಟು ಪ್ರೀತಿಯಿಂದ ನೀಡಿದ ಉಂಗುರು ಈಗ ಕಳೆದುಹೋಗಿದೆ ಎಂಬ ವಿಷಯ ದಿವ್ಯಾಗೆ ಗೊತ್ತಾದರೆ ಆಘಾತ ಆಗುವುದು ಗ್ಯಾರಂಟಿ. ಹಾಗಾಗಿ ಈ ವಿಷಯವನ್ನು ಮುಚ್ಚಿಟ್ಟು, ಉಂಗುರು ಹುಡುಕುವ ಕಾಯಕದಲ್ಲಿ ಅರವಿಂದ್ ತೊಡಗಿಕೊಂಡಿದ್ದಾರೆ. ಅವರಿಗೆ ಇಡೀ ಮನೆಯ ಸದಸ್ಯರು ಸಾಥ್ ನೀಡುತ್ತಿದ್ದಾರೆ.
View this post on Instagram
ಬಿರು ಬಿಸಿಲನ್ನೂ ಲೆಕ್ಕಿಸದೇ ಪೂರ್ತಿ ಮನೆಯನ್ನು ಗುಡಿಸಲಾಗುತ್ತಿದೆ. ಎಲ್ಲರೂ ಯಾಕೆ ಹೀಗೆ ಮಾಡುತ್ತಿದ್ದಾರೆ ಎಂಬುದು ದಿವ್ಯಾಗೆ ಗೊತ್ತಾಗಿಲ್ಲ. ಎಷ್ಟೇ ಹುಡುಕಿದರೂ ಉಂಗುರು ಸಿಗುವುದು ಅನುಮಾನವಾಗಿದೆ. ಸತ್ಯವನ್ನು ದಿವ್ಯಾಗೆ ಹೇಳಿಬಿಡುತ್ತೇನೆ ಎಂದು ಅರವಿಂದ್ ನಿರ್ಧಾರ ಮಾಡಿಕೊಂಡಿದ್ದಾರೆ. ಕಲರ್ಸ್ ಕನ್ನಡ ವಾಹಿನಿ ಬಿಡುಗಡೆ ಮಾಡಿರುವ ಪ್ರೋಮೋನಲ್ಲಿ ಈ ಎಲ್ಲ ವಿಚಾರಗಳು ಗೊತ್ತಾಗಿವೆ. ಮುಂದೇನಾಯಿತು ಎಂಬುದನ್ನು ತಿಳಿದುಕೊಳ್ಳಲು ಪ್ರೇಕ್ಷಕರು ಕಾಯುತ್ತಿದ್ದಾರೆ. ಏ.12ರ ಎಪಿಸೋಡ್ನಲ್ಲಿ ಈ ಎಲ್ಲ ಘಟನೆಗಳು ಪ್ರಸಾರ ಆಗಲಿವೆ.
ಇದನ್ನೂ ಓದಿ: ಯಾವ ಬಾಯಲ್ಲಿ ಅಕ್ಕ ಅಂತೀಯಾ? ಅದೇ ಬಾಯಲ್ಲಿ ಏನೇನೋ ಹೇಳಿದ್ದೀಯ! ಶಮಂತ್ಗೆ ದಿವ್ಯಾ ಪಂಚ್!
ದಿವ್ಯಾ ಉರುಡುಗ-ಅರವಿಂದ್ ಪ್ರೀತಿಯ ಉತ್ಕಟತೆ ನೋಡಿ ಮನೆಯವರೇ ಕಂಗಾಲು; ಅಂಥದ್ದೇನಾಯ್ತು?
(Bigg Boss Kannada 8 : Divya Uruduga gives her favourite ring to Aravind KP in BBK8 )
