ಫ್ಯಾನ್ಸ್​ಗೆ ಸಿಹಿ ಸುದ್ದಿ ಕೊಟ್ಟ ಅಜಯ್​ ದೇವಗನ್​; ಏನಿದು ಲೇಟೆಸ್ಟ್​ ವಿಚಾರ?

ಅಜಯ್​ ದೇವಗನ್​ ಇತ್ತೀಚೆಗೆ ಖಾಲಿ ಕುಳಿತ ಉದಾಹರಣೆಯೇ ಇಲ್ಲ. ಒಂದಿಲ್ಲೊಂದು ಸಿನಿಮಾಗಳ ಕೆಲಸಗಳಲ್ಲಿ ಅವರು ಬ್ಯುಸಿ ಇದ್ದೇ ಇದ್ದಾರೆ. ಇನ್ನು, ಸಿನಿಮಾ ಆಯ್ಕೆಯಲ್ಲಿ ಅವರು ತುಂಬಾನೇ ಚ್ಯೂಸಿ. ಈ ಕಾರಣಕ್ಕೆ ಉತ್ತಮ ಸ್ಕ್ರಿಪ್ಟ್​ಗಳನ್ನು ಮಾತ್ರ ಆಯ್ಕೆ ಮಾಡಿಕೊಳ್ಳುತ್ತಿದ್ದಾರೆ. ಈಗ ಅಭಿಮಾನಿಗಳಿಗೆ ಅವರ ಕಡೆಯಿಂದ ಮತ್ತೊಂದು ಸುದ್ದಿ ಸಿಕ್ಕಿದೆ. ಅವರು ‘ದೃಶ್ಯಂ 2’ ಮಾಡೋಕೆ ರೆಡಿ ಆಗಿದ್ದಾರೆ.  

ಮೋಹನ್​ಲಾಲ್​ ನಟನೆಯ ‘ದೃಶ್ಯಂ’ ಸಿನಿಮಾ 2013ರಲ್ಲಿ ತೆರೆಗೆ ಬಂದು ಸೂಪರ್ ಹಿಟ್​ ಆಗಿತ್ತು. ಸಸ್ಪೆನ್ಸ್​ ಥ್ರಿಲ್ಲರ್​ ಕಥಾ ಹಂದರ ಹೊಂದಿದ್ದ ಈ ಸಿನಿಮಾದ ಸೀಕ್ವೆಲ್​ ‘ದೃಶ್ಯಂ 2’ ಶೀರ್ಷಿಕೆಯಲ್ಲಿ ಈ ವರ್ಷ ತೆರೆಗೆ ಬಂದಿದೆ. ಕೊವಿಡ್ ಕಾರಣದಿಂದ ಚಿತ್ರಮಂದಿರ ಓಪನ್​ ಆಗಿಲ್ಲ. ಹೀಗಾಗಿ, ಸಿನಿಮಾ ಅಮೇಜಾನ್​ ಪ್ರೈಮ್​ನಲ್ಲಿ ರಿಲೀಸ್​ ಆಗಿತ್ತು. ಎಲ್ಲ ಕಡೆಗಳಿಂದ ಈ ಸಿನಿಮಾಗೆ ಮೆಚ್ಚುಗೆ ವ್ಯಕ್ತವಾಗಿತ್ತು. ಹೀಗಾಗಿ, ಈ ಮೊದಲು ದೃಶ್ಯಂ ರಿಮೇಕ್​ ಮಾಡಿದ್ದ ಚಿತ್ರತಂಡ ‘ದೃಶ್ಯಂ 2’ ಮಾಡೋಕೆ ರೆಡಿ ಆಗಿದೆ.

‘ದೃಶ್ಯಂ’ ಚಿತ್ರದ ಹಿಂದಿ ರಿಮೇಕ್​ನಲ್ಲಿ ಅಜಯ್​ ದೇವಗನ್​ ಕಾಣಿಸಿಕೊಂಡಿದ್ದರು. ಈಗ ಬಾಲಿವುಡ್​ನಲ್ಲಿ ಪಾರ್ಟ್​ 2 ಬರುತ್ತಿದೆ. ಅದಕ್ಕೆ ಅಜಯ್​ ಸಿದ್ಧತೆ ಮಾಡಿಕೊಳ್ಳುತ್ತಿದ್ದಾರೆ. ಸದ್ಯ, ಸ್ಕ್ರಿಪ್ಟ್​ ಕೆಲಸಗಳು ನಡೆಯುತ್ತಿದ್ದು, ಡಿಸೆಂಬರ್​ ವೇಳೆಗೆ ಸಿನಿಮಾ ಶೂಟಿಂಗ್ ಪೂರ್ಣಗೊಳ್ಳಲಿದೆ. ಕುಮಾರ್​ ಪಾಟಕ್​ ‘ದೃಶ್ಯಂ 2’ನ ರಿಮೇಕ್​ ಹಕ್ಕನ್ನು ಪಡೆದಿದ್ದಾರೆ. ಇವರ ಮಗ ಅಭಿಷೇಕ್​ ಪಾಟಕ್​ ಈ ಸಿನಿಮಾ ನಿರ್ದೇಶನ ಮಾಡಲಿದ್ದಾರೆ.

ಮೊದಲ ಭಾಗವನ್ನು ನಿಶಿಕಾಂತ್​ ಕಾಮತ್​ ನಿರ್ದೇಶನ ಮಾಡಿದ್ದರು. ಆದರೆ, ಕಳೆದ ವರ್ಷ ಅವರು ನಿಧನ ಹೊಂದಿದರು. ಹೀಗಾಗಿ, ಬೇರೆ ನಿರ್ದೇಶಕರ ಆಯ್ಕೆ ಅನಿವಾರ್ಯವಾಗಿದೆ. ಈ ಕಾರಣಕ್ಕೆ ನಿರ್ಮಾಪಕರು ತಮ್ಮ ಮಗನನ್ನೇ ನಿರ್ದೇಶನಕ್ಕೆ ಇಳಿಸುವ ಆಲೋಚನೆಯಲ್ಲಿ ಇದ್ದಾರೆ. ಅಜಯ್​ ದೇವಗನ್​ ಜತೆ ಟಬು, ಶ್ರಿಯಾ ಶರಣ್​,  ಇಶಿಯಾ ದತ್ತ, ಮೃನಾಲ್​ ಜಾಧವ್​ ಮೊದಲಾದವರು ನಟಿಸುತ್ತಿದ್ದಾರೆ.

ಸದ್ಯ ಅಜಯ್​ ಮೇಡೇ ಸಿನಿಮಾ ಶೂಟಿಂಗ್​ನಲ್ಲಿ ಬ್ಯುಸಿ ಇದ್ದಾರೆ. ಈ ಚಿತ್ರದ ಶೂಟಿಂಗ್​ಗಾಗಿ ಅವರು ಮುಂದಿನ ತಿಂಗಳು ಮಾಸ್ಕೋಗೆ ತೆರಳಲಿದ್ದಾರೆ. ನಂತರ ಮೈದಾನ್​ ಸಿನಿಮಾದಲ್ಲಿ ಬ್ಯುಸಿ ಆಗಲಿದ್ದಾರೆ. ಇದಾದ ನಂತರವೇ ಅವರು ‘ದೃಶ್ಯಂ 2’ ಕೆಲಸಗಳಲ್ಲಿ ತೊಡಗಿಕೊಳ್ಳಲಿದ್ದಾರೆ.

ಇದನ್ನೂ ಓದಿ:ಚಿಕ್ಕ ಹುಡುಗನಿಂದ RRR​ ಚಿತ್ರದ ದೊಡ್ಡ ಸೀಕ್ರೆಟ್​ ಬಯಲು; ಅಜಯ್​ ದೇವಗನ್​ ಪಾತ್ರದ ಗುಟ್ಟು ರಟ್ಟು 

ಮಾರ್ವೆಲ್ ಸರಣಿಯ ಹೊಸ ಚಿತ್ರಕ್ಕೂ, ಅಜಯ್​ ದೇವಗನ್​ರ ‘ಜಿಗರ್’ ಚಿತ್ರಕ್ಕೂ ಸಾಮ್ಯತೆ ಕಂಡುಹಿಡಿದ ಅಭಿಮಾನಿಗಳು