Evelyn Sharma: ಮಗುವಿಗೆ ಹಾಲುಣಿಸುತ್ತಿರುವ ಫೋಟೋ ಹಂಚಿಕೊಂಡ ಬಾಲಿವುಡ್​ ನಟಿ 

ಎವೆಲಿನ್​ ಶರ್ಮಾ (Evelyn Sharma) ಅವರು ಬಾಲಿವುಡ್​ನಲ್ಲಿ ಸಾಕಷ್ಟು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ರಣಬೀರ್​ ಕಪೂರ್ ಹಾಗೂ ದೀಪಿಕಾ ಪಡುಕೋಣೆ ಅಭಿನಯದ ‘ಯೇ ಜವಾನಿ ಹೇ ದಿವಾನಿ’ ಸಿನಿಮಾದಲ್ಲಿ ಎವೆಲಿನ್​ ಮಾಡಿದ ಪೋಷಕ ಪಾತ್ರ ಮೆಚ್ಚುಗೆ ಪಡೆದುಕೊಂಡಿತ್ತು. ಅವರಿಗೆ ಕಳೆದ ವರ್ಷ ನವೆಂಬರ್​ನಲ್ಲಿ ಮಗು ಜನಿಸಿದೆ. ಈಗ ಅವರು ಮಗುವಿಗೆ ಹಾಲುಣಿಸುತ್ತಿರುವ ಫೋಟೋ ಹಂಚಿಕೊಂಡಿದ್ದಾರೆ. ಅಲ್ಲದೆ, ಅದರ ಸ್ಟ್ರಗಲ್​ ಬಗ್ಗೆಯೂ ಬರೆದುಕೊಂಡಿದ್ದಾರೆ. ಈ ಫೋಟೋ ನೋಡಿದ ಅಭಿಮಾನಿಗಳು ಅಮ್ಮ ಮತ್ತು ಮಗುವಿನ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನು ಆಡಿದ್ದಾರೆ.

ನಟಿ ಎವೆಲಿನ್ ಶರ್ಮಾ ಅವರು ಕಳೆದ ವರ್ಷ ಮೇ 15ರಂದು ತಮ್ಮ ಬಾಯ್​ಫ್ರೆಂಡ್​ ತುಷಾನ್ ಭಿಂಡಿ ಜತೆ ವಿವಾಹವಾದರು. ಜೂನ್‌ನಲ್ಲಿ ಅವರು ಮದುವೆ ಫೋಟೋಗಳನ್ನು ಹಂಚಿಕೊಂಡರು. ನವೆಂಬರ್​ನಲ್ಲಿ ಅವರಿಗೆ ಮಗು ಜನಿಸಿತು. ಅವಾ ಎಂದು ಮಗುವಿಗೆ ಹೆಸರಿಡಲಾಗಿದೆ. ಮಗುವಿನ ಜತೆಗಿನ ಹಲವು ಫೋಟೋಗಳನ್ನು ಎವೆಲಿನ್​ ಈ ಮೊದಲು ಹಂಚಿಕೊಂಡಿದ್ದಾರೆ. ಈ ಮೂಲಕ ಅವರು ತಾಯಿ ಆಗಿರುವ ಸಂಭ್ರಮವನ್ನು ಅಭಿಮಾನಿಗಳ ಎದುರು ವ್ಯಕ್ತಪಡಿಸುತ್ತಿದ್ದಾರೆ.

View this post on Instagram

A post shared by Evelyn Sharma (@evelyn_sharma)

ಈಗ ಹೊಸ ಪೋಸ್ಟ್​ನಲ್ಲಿ ಮಗಳಿಗೆ ಹಾಲುಣಿಸುತ್ತಿರುವ ಫೋಟೋವನ್ನು ಅವರು ಹಂಚಿಕೊಂಡಿದ್ದಾರೆ. ಮಗು ಎದೆಹಾಲು ಕುಡಿಯುತ್ತಿದೆ. ಎವೆಲಿನ್​ ಅವರು ಕ್ಯಾಮೆರಾ ಕಡೆಗೆ ನೋಡಿದ್ದಾರೆ. ಅವರು ತಾಯಿ ಆಗಿ ತಮ್ಮ ಜವಾಬ್ದಾರಿಗಳನ್ನು ನಿಭಾಯಿಸುತ್ತಿದ್ದಾರೆ. ಕ್ಯಾಪ್ಷನ್​ನಲ್ಲಿ ಅವರು ತಮ್ಮ ಸ್ಟ್ರಗಲ್​ ಬಗ್ಗೆ ವಿವರಿಸಿದ್ದಾರೆ. ಈ ಫೋಟೋಗೆ ಸ್ಮೈಲ್​ ಫಾರ್​ ದಿ ಕ್ಯಾಮೆರಾ ಹಾಗೂ ಥಿಂಗ್ಸ್​ ನೋ ಒನ್​ ವಾರ್ನ್ಸ್​ ಅಬೌಟ್​ ಎನ್ನುವ ಹ್ಯಾಶ್​ಟ್ಯಾಗ್​ ಹಾಕಿದ್ದಾರೆ.

View this post on Instagram

A post shared by Evelyn Sharma (@evelyn_sharma)

ತುಷಾನ್​ ಆಸ್ಟ್ರೇಲಿಯಾ ಮೂಲದ ವೈದ್ಯ. ಅವರು ಉದ್ಯಮಿ ಕೂಡ ಹೌದು. ‘ಯೇ ಜವಾನಿ ಹೇ ದಿವಾನಿ’, ‘ಮೇ ತೆರಾ ಹೀರೋ’, ‘ಜಬ್​ ಹ್ಯಾರಿ ಮೆಟ್​ ಸೇಜಲ್​’, ‘ಸಾಹೋ’, ‘ನೌಟಂಕಿ ಸಾಲಾ’ ಮೊದಲಾದ ಚಿತ್ರಗಳಲ್ಲಿ ಎವೆಲಿನ್​ ನಟಿಸಿದ್ದಾರೆ. ಅವರು ಕೆಲವೇ ಚಿತ್ರಗಳಲ್ಲಿ ಕಾಣಿಸಿಕೊಂಡರೂ ಅವರಿಗೆ ಅಭಿಮಾನಿ ಬಳಗ ದೊಡ್ದದಿದೆ. ಇನ್​​ಸ್ಟ್ರಾಗ್ರಾಮ್​ನಲ್ಲಿ ಅವರನ್ನು ಬರೋಬ್ಬರಿ 29 ಲಕ್ಷ ಜನರು ಹಿಂಬಾಲಿಸುತ್ತಿದ್ದಾರೆ. ‘ಸಾಹೋ’ ಬಳಿಕ ಅವರು ಯಾವುದೇ ಸಿನಿಮಾಗಳಲ್ಲೂ ನಟಿಸಿಲ್ಲ. ಮುಂದಿನ ಕೆಲ ವರ್ಷ ಅವರು ಕುಟುಂಬಕ್ಕೆ ಸಮಯ ನೀಡಲು ನಿರ್ಧರಿಸಿದ್ದಾರೆ ಎನ್ನಲಾಗಿದೆ.

ಇದನ್ನೂ ಓದಿ: Amulya: ಅದ್ದೂರಿಯಾಗಿ ನಡೆದ ಅಮೂಲ್ಯ ಸೀಮಂತ ಶಾಸ್ತ್ರ; ಇಲ್ಲಿವೆ ಫೋಟೋಗಳು

ಹೊಸ ಫೋಟೋ ಹಂಚಿಕೊಂಡ ನಟಿ; ಕಂಕುಳ ಕೂದಲ ನೋಡಿ ಕೆಟ್ಟದಾಗಿ ಕಮೆಂಟ್​ ಹಾಕಿದ ಅಭಿಮಾನಿಗಳು

Published On - 8:14 pm, Thu, 20 January 22