ಅತ್ತಿಗೆ ವಿರುದ್ಧ ಹೈಕೋರ್ಟ್ ಮೆಟ್ಟಿಲೇರಿದ ಪುನೀತ್ ಸಿನಿಮಾ ನಟಿ ಹನ್ಸಿಕಾ

ಕನ್ನಡದ ‘ಬಿಂದಾಸ್’ ಸೇರಿದಂತೆ ದಕ್ಷಿಣ ಭಾರತದ ಹಾಗೂ ಬಾಲಿವುಡ್ (Bollywood) ಸಿನಿಮಾಗಳಲ್ಲಿಯೂ ನಟಿಸಿರುವ ನಟಿ ಹನ್ಸಿಕಾ ಮೊಟ್ವಾನಿ ಇದೀಗ ಹೈಕೋರ್ಟ್ ಮೆಟ್ಟಿಲೇರಿದ್ದಾರೆ. ಹನ್ಸಿಕಾ ಮೊಟ್ವಾನಿಯ ಸಹೋದರ ಪ್ರಶಾಂತ್ ಮೊಟ್ವಾನಿಯ (Prashant motwani) ಪತ್ನಿ ಮುಸ್ಕಾನ್ ನ್ಯಾನ್ಸಿ ಕಳೆದ ವರ್ಷ ಪತಿ ಪ್ರಶಾಂತ್, ಹನ್ಸಿಕಾ ಹಾಗೂ ಅವರ ಪೋಷಕರ ವಿರುದ್ಧ ದೌರ್ಜನ್ಯ ಮತ್ತು ಹಣಕಾಸು ವಂಚನೆ ಆರೋಪಗಳನ್ನು ಮಾಡಿದ್ದರು. ಇದೀಗ ಹನ್ಸಿಕಾ, ನಾದಿನಿಯ ವಿರುದ್ಧ ಹೈಕೋರ್ಟ್ ಮೆಟ್ಟಿಲೇರಿದ್ದು, ವಂಚನೆ ಆರೋಪ ಮಾಡಿದ್ದಾರೆ.

ಮುಸ್ಕಾನ್ ಅವರ ದೂರು ಆಧರಿಸಿ, ಪ್ರಶಾಂತ್, ಹನ್ಸಿಕಾ ಹಾಗೂ ಅವರ ಕುಟುಂಬದವರ ವಿರುದ್ಧ ಕ್ರಿಮಿನಲ್ ಪ್ರಕರಣ ದಾಖಲಿಸಿ ವಿಚಾರಣೆ ನಡೆಸಲಾಗುತ್ತಿದೆ. ಇದೀಗ ಬಾಂಬೆ ಹೈಕೋರ್ಟ್ ಮೆಟ್ಟಿಲೇರಿರುವ ಹನ್ಸಿಕಾ ಮೊಟ್ವಾನಿ ಕ್ರಿಮಿನಲ್ ಪ್ರಕರಣವನ್ನು ರದ್ದು ಮಾಡಬೇಕೆಂದು ಮನವಿ ಮಾಡಿರುವ ಜೊತೆಗೆ, ಮುಸ್ಕಾನ್, ತಮಗೆ 27 ಲಕ್ಷ ರೂಪಾಯಿ ಹಣ ವಂಚನೆ ಮಾಡಿದ್ದಾರೆಂದು ಆರೋಪಿಸಿದ್ದಾರೆ.

ಮುಸ್ಕಾನ್ ಹಾಗೂ ಪ್ರಶಾಂತ್ ಅವರ ಮದುವೆಗೆ ತಾವು 27 ಲಕ್ಷ ರೂಪಾಯಿ ಹಣ ನೀಡಿದ್ದು, ಆ ಹಣವನ್ನು ವಾಪಸ್ ಮಾಡಿಲ್ಲ ಎಂದು ಆರೋಪಿಸಿದ್ದಾರೆ. ಅಲ್ಲದೆ, ಮುಸ್ಕಾನ್ ದಾಖಲಿಸಿರುವ ಕ್ರಿಮಿನಲ್ ಮೊಕದ್ದಮೆಗೂ ತಮಗೂ ಸಂಬಂಧವಿಲ್ಲವೆಂದು ಸಹೋದರ ಹಾಗೂ ಮುಸ್ಕಾನ್ ನಡುವಿನ ವೈವಾಹಿಕ ಕಲಹಗಳಿಗೆ ನಮ್ಮನ್ನು ಆರೋಪಿಗಳನ್ನಾಗಿ ಮಾಡಲಾಗಿದೆ, ಹಾಗಾಗಿ ತಮ್ಮ ವಿರುದ್ಧ ಪ್ರಕರಣವನ್ನು ಕೈಬಿಡಬೇಕೆಂದು ನ್ಯಾಯಾಲಯಕ್ಕೆ ಮನವಿ ಮಾಡಿದ್ದಾರೆ.

ಇದನ್ನೂ ಓದಿ

ಐಶಾರಾಮಿ ಕಾರು ಖರೀದಿ ಮಾಡಿದ ರಶ್ಮಿಕಾ ಮಂದಣ್ಣ, ಬೆಲೆ ಎಷ್ಟು ಕೋಟಿ?

ರಶ್ಮಿಕಾಗೆ ಹಿಂದಿ ಕಲಿಯಲು ಆಗಲ್ಲ, ಕಾರಣ ಹೇಳಿದ ಸಲ್ಮಾನ್ ಖಾನ್

‘ಮಾಣಿಕ್ಯ’ ಚಿತ್ರದ ನಟಿ ರನ್ಯಾ ಬಳಿ ಸಿಕ್ಕಿದ್ದು ಬರೋಬ್ಬರಿ 15 ಕೆಜಿ ಚಿನ್ನ

ಪುಡಿರೌಡಿ ತರ ಆಡೋದು ಬಿಡಿ, ಸಿಎಂ ಆದ್ರೆ ಕಷ್ಟ ಇದೆ’; ಡಿಕೆಶಿಗೆ ಕೌಂಟರ್

ಇದನ್ನೂ ಓದಿ:ತೆಲುಗಿನ ಇಬ್ಬರು ನಟರ ಕೊಂಡಾಡಿದ ಹನ್ಸಿಕಾ ಮೊಟ್ವಾನಿ: ಯಾರವರು?

ಹನ್ಸಿಕಾ ಮೊಟ್ವಾನಿ, ಉದ್ಯಮಿ ಸೋಹೆಲ್ ಕಾತುರಿಯಾ ಜೊತೆಗೆ 2022 ರಲ್ಲಿ ವಿವಾಹವಾದರು. ಮದುವೆಯ ಬಳಿಕವೂ ಸಿನಿಮಾಗಳಲ್ಲಿ ನಟಿಸುವುದನ್ನು ಹನ್ಸಿಕಾ ಮುಂದುವರೆಸಿದ್ದು, ಪ್ರಸ್ತುತ ‘ರೌಡಿ ಬೇಬಿ’, ‘ಮ್ಯಾನ್’ ಮತ್ತು ‘ಗಾಂಧಾರಿ’ ಸಿನಿಮಾಗಳಲ್ಲಿ ನಟಿಸಿದ್ದಾರೆ.

ಹನ್ಸಿಕಾ ಹಾಗೂ ಅವರ ಕುಟುಂಬದ ವಿರುದ್ಧ ದೌರ್ಜನ್ಯದ ಪ್ರಕರಣ ದಾಖಲಿಸಿರುವ ಮುಸ್ಕಾನ್ ಸಹ ಸೆಲೆಬ್ರಿಟಿಯೇ ಆಗಿದ್ದು, ಟಿವಿ ಲೋಕದಲ್ಲಿ ಸಾಕಷ್ಟು ಹೆಸರು ಮಾಡಿದ್ದಾರೆ. 2002 ರಿಂದಲೂ ಅವರು ಹಿಂದಿ ಟಿವಿ ಲೋಕದ ಜನಪ್ರಿಯ ತಾರೆ. ಹನ್ಸಿಕಾರ ಕುಟುಂಬದ ದಾಳಿಯಿಂದ ತಮ್ಮ ಮುಖದ ಒಂದು ಭಾಗ ಪಾರ್ಶ್ವವಾಯುವಿಗೆ ತುತ್ತಾಗಿದೆ ಎಂದು ಅವರು ದೂರಿನಲ್ಲಿ ಉಲ್ಲೇಖಿಸಿದ್ದರು. ಪ್ರಕರಣದ ವಿಚಾರಣೆ ಚಾಲ್ತಿಯಲ್ಲಿದೆ.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 12:53 pm, Fri, 4 April 25