Sidharth Shukla: ಸಿದ್ದಾರ್ಥ್ ಶುಕ್ಲಾ ಸಾವಿನ ಸಮಯದ ಬಗ್ಗೆ ಮೂಡಿದೆ ಶಂಕೆ; ಹಿಂದೂಸ್ತಾನಿ ಭಾವು ಹೇಳಿದ ಇನ್ನೊಂದು ಕಥೆ
Hindustani Bhau: ಸಿದ್ದಾರ್ಥ್ ಶುಕ್ಲಾ ನಿಧನರಾದರು ಎಂದು ಕುಟುಂಬದವರಿಗೆ ತಿಳಿದು ಬಂದಿದ್ದು ಬೆಳಗ್ಗೆ 7 ಗಂಟೆಗೋ ಅಥವಾ 10 ಗಂಟೆಗೋ ಎಂಬ ಬಗ್ಗೆ ಈಗ ಅನುಮಾನ ಮೂಡುವಂತಾಗಿದೆ. ಅದಕ್ಕೆ ಕಾರಣ ಹಿಂದೂಸ್ತಾನಿ ಭಾವು ನೀಡಿದ ಹೊಸ ಹೇಳಿಕೆ.
Updated on: Sep 05, 2021 | 3:36 PM
ಹಿಂದಿ ಕಿರುತೆರೆಯಲ್ಲಿ ದೊಡ್ಡ ಹೆಸರು ಮಾಡಿದ್ದ ನಟ ಸಿದ್ದಾರ್ಥ್ ಶುಕ್ಲಾ ಅವರು ಸೆ.2ರಂದು ಹೃದಯಾಘಾತದಿಂದ ನಿಧನರಾದ ಸುದ್ದಿ ಸಿಡಿಲಿನಂತೆ ಬಡಿಯಿತು. ಮುಂಬೈನ ತಮ್ಮ ಅಪಾರ್ಟ್ಮೆಂಟ್ನಲ್ಲೇ ಸಿದ್ದಾರ್ಥ್ ಕೊನೆಯುಸಿರೆಳೆದರು. ಅವರ ಸಾವಿನ ಕುರಿತು ಕೆಲವು ಅನುಮಾನಗಳು ಕೂಡ ಇವೆ. ಆ ಬಗ್ಗೆ ಇನ್ನಷ್ಟೇ ತನಿಖೆ ಆಗಬೇಕಿದೆ. ಹಿಂದಿನ ರಾತ್ರಿ ಮಲಗುವಾಗ ಸಿದ್ದಾರ್ಥ್ ಯಾವುದೋ ಔಷಧಿ ಸೇವಿಸಿದ್ದರು ಎಂಬ ಮಾಹಿತಿ ಇದೆ. ಅಲ್ಲದೇ, ಅವರು ನಿಧನರಾದ ನಿರ್ದಿಷ್ಟ ಸಮಯ ಯಾವುದು ಎಂಬ ಬಗ್ಗೆ ಈಗ ಹೊಸ ಪ್ರಶ್ನೆ ಹುಟ್ಟಿಕೊಳ್ಳುವಂತಾಗಿದೆ. ಅದಕ್ಕೆ ಕಾರಣ ಆಗಿರುವುದು ಹಿಂದೂಸ್ತಾವಿ ಭಾವು ಅಲಿಯಾಸ್ ವಿಕಾಸ್ ಜಯರಾಮ್ ಪಾಠಕ್.
ಸಿದ್ದಾರ್ಥ್ ನಿಧನರಾದ ಬಳಿಕ ಕುಟುಂಬದವರಿಗೆ ಸಾಂತ್ವನ ಹೇಳಲು ಅವರ ಮನೆಗೆ ಅನೇಕ ಸೆಲೆಬ್ರಿಟಿಗಳು ಭೇಟಿ ನೀಡುತ್ತಿದ್ದಾರೆ. ಆ ಪೈಕಿ ಕೆಲವರು ಹೇಳಿದ ಪ್ರಕಾರ, ಸೆ.1ರ ರಾತ್ರಿ 1 ಗಂಟೆವರೆಗೂ ಪ್ರೇಯಸಿ ಶೆಹನಾಜ್ ಗಿಲ್ ಅವರು ಸಿದ್ದಾರ್ಥ್ ಜೊತೆಯಲ್ಲೇ ಇದ್ದರು. ಸೆ.2ರ ಬೆಳಗ್ಗೆ 7 ಗಂಟೆಗೆ ಅವರು ನಿಧನರಾಗಿರುವುದು ಗೊತ್ತಾಯಿತು ಎಂಬ ಮಾಹಿತಿ ಕೇಳಿಬಂದಿತ್ತು. ಆದರೆ ಈಗ ಹಿಂದೂಸ್ತಾನಿ ಭಾವು ಬೇರೆ ಕಥೆ ಹೇಳುತ್ತಿದ್ದಾರೆ.
ಸೋಶಿಯಲ್ ಮೀಡಿಯಾದಲ್ಲಿ ಟ್ರೋಲ್ ವಿಡಿಯೋಗಳ ಮೂಲಕ ಫೇಮಸ್ ಆದವರು ಹಿಂದೂಸ್ತಾನಿ ಭಾವು. ಬಿಗ್ ಬಾಸ್ ಹಿಂದಿ ಸೀಸನ್ 13ರಲ್ಲಿ ಅವರು ಮತ್ತು ಸಿದ್ದಾರ್ಥ್ ಜೊತೆಯಾಗಿ ಭಾಗವಹಿಸಿದ್ದರು. ಆ ವೇಳೆ ಇಬ್ಬರ ನಡುವೆ ಸ್ನೇಹ ಬೆಳೆದಿತ್ತು. ಗೆಳೆಯನ ನಿಧನದ ಸುದ್ದಿಯಿಂದ ಹಿಂದೂಸ್ತಾನಿ ಭಾವು ನೋವಿನಲ್ಲಿದ್ದಾರೆ. ಸಿದ್ದಾರ್ಥ್ರ ಮನೆಗೆ ಭೇಟಿ ನೀಡಿದ ಬಳಿಕ ಅವರು ಮಾಧ್ಯಮಗಳ ಜೊತೆ ಮಾತನಾಡಿದರು.
‘ಮಧ್ಯ ರಾತ್ರಿ 3.30ರ ಸಮಯದಲ್ಲಿ ಸಿದ್ದಾರ್ಥ್ ಅವರ ಆರೋಗ್ಯದಲ್ಲಿ ಏರುಪೇರಾಗತೊಡಗಿತು. ಆಗ ಅವರ ತಾಯಿ ನೀರು ಕೊಟ್ಟರು. ಬಳಿಕ ಅವರು ಐಸ್ ಕ್ರೀಮ್ ತಿಂದು ಮಲಗಿದರು. ಸಿದ್ದಾರ್ಥ್ ಪ್ರತಿ ದಿನ ಜಿಮ್ಗೆ ತೆರಳಬೇಕು ಎಂದು ಬೆಳಗ್ಗೆ 10 ಗಂಟೆಗೆ ಅಲಾರ್ಮ್ ಇಟ್ಟುಕೊಳ್ಳುತ್ತಿದ್ದರು. ಆದರೆ ಸೆ.2ರಂದು ಬೆಳಗ್ಗೆ 10 ಗಂಟೆಗೆ ಅಲಾರ್ಮ್ ಬಡಿದುಕೊಂಡರೂ ಸಿದ್ದಾರ್ಥ್ ಎಚ್ಚರಗೊಳ್ಳಲಿಲ್ಲ’ ಎಂದು ಸಿದ್ದಾರ್ಥ್ ಕುಟುಂಬದವರಿಂದ ಕೇಳಿ ತಿಳಿದ ಮಾಹಿತಿಯನ್ನು ಹಿಂದೂಸ್ತಾನಿ ಭಾವು ಅವರು ಮಾಧ್ಯಮಗಳ ಜೊತೆ ಹಂಚಿಕೊಂಡಿದ್ದಾರೆ.
ಹಾಗಾದರೆ ಸಿದ್ದಾರ್ಥ್ ನಿಧನರಾದರು ಎಂದು ಕುಟುಂಬದವರಿಗೆ ತಿಳಿದು ಬಂದಿದ್ದು ಬೆಳಗ್ಗೆ 7 ಗಂಟೆಗೋ ಅಥವಾ 10 ಗಂಟೆಗೋ ಎಂಬ ಬಗ್ಗೆ ಈಗ ಅನುಮಾನ ಮೂಡುವಂತಾಗಿದೆ. ಒಟ್ಟಿನಲ್ಲಿ ಅಭಿಮಾನಿಗಳ ಮನದಲ್ಲಿ ಹಲವು ಸಂಶಯಗಳು ಹುಟ್ಟಿಕೊಂಡಿರುವುದಂತೂ ನಿಜ.
ಇದನ್ನೂ ಓದಿ:
ಪ್ರೇಯಸಿ ಮಡಿಲಲ್ಲೇ ಪ್ರಾಣ ಬಿಟ್ರಾ ಸಿದ್ದಾರ್ಥ್? ಹೃದಯಾಘಾತ ಆಗೋದಕ್ಕೂ ಮುನ್ನ ನಡೆದಿದ್ದೇನು? ಇಲ್ಲಿದೆ ವಿವರ
‘ಆ ಸಿದ್ದಾರ್ಥ್ ಬದಲು ಈ ಸಿದ್ದಾರ್ಥ್ ಸಾಯಬೇಕಿತ್ತು’ ಎಂದು ದ್ವೇಷಕಾರಿದ ನೆಟ್ಟಿಗರು; ನಟನ ಪ್ರತಿಕ್ರಿಯೆ ಏನು?
