ಹೊಸ ಪ್ರೇಯಸಿ ಜೊತೆ ಡೇಟಿಂಗ್​ ಮಾಡುತ್ತಿರುವ ಹೃತಿಕ್​ ರೋಷನ್​; ಈಗ ಯಾವುದೂ ಗುಟ್ಟಾಗಿ ಉಳಿದಿಲ್ಲ

ನಟ ಹೃತಿಕ್​ ರೋಷನ್​ (Hrithik Roshan) ಅವರು ಸಿನಿಮಾ ಕೆಲಸಗಳಿಂದ ಸಣ್ಣ ಬ್ರೇಕ್​ ಪಡೆದುಕೊಂಡಿದ್ದಾರೆ. ಹಾಯಾಗಿ ಅವರು ವಿದೇಶದಲ್ಲಿ ಸುತ್ತಾಟ ನಡೆಸುತ್ತಿದ್ದಾರೆ. ಅವರು ಸಿಂಗಲ್​ ಆಗಿ ರಜೆಯನ್ನು ಎಂಜಾಯ್​ ಮಾಡಿದ್ದರೆ ಇಷ್ಟು ಸುದ್ದಿ ಆಗುತ್ತಿರಲಿಲ್ಲ. ಆದರೆ ಹೃತಿಕ್ ರೋಷನ್​ ಅವರು ಎಲ್ಲರ ಗಮನ ಸೆಳೆಯುತ್ತಿರುವುದು ಹೊಸ ಪ್ರೇಯಸಿಯ ಕಾರಣದಿಂದ! ಹೌದು, ಸಬಾ ಆಜಾದ್​ (Saba Azad) ಜೊತೆ ಹೃತಿಕ್ ರೋಷನ್​ ಅವರು ಡೇಟಿಂಗ್​ (Dating) ಮಾಡುತ್ತಿದ್ದಾರೆ. ಈಗ ಅವರಿಬ್ಬರ ಪ್ರೀತಿಯ ವಿಚಾರ ಗುಟ್ಟಾಗಿ ಉಳಿದಿಲ್ಲ. ಸೋಶಿಯಲ್​ ಮೀಡಿಯಾದಲ್ಲಿ ಹರಿದಾಡುತ್ತಿರುವ ಹಲವಾರು ಫೋಟೋಗಳು ಇಬರಿಬ್ಬರ ಸಂಬಂಧಕ್ಕೆ ಸಾಕ್ಷಿ ಒದಗಿಸುತ್ತಿವೆ.

ಈ ಮೊದಲು ಹೃತಿಕ್​ ರೋಷನ್​ ಅವರು ಸುಸಾನೆ ಖಾನ್​ ಜೊತೆ ಮದುವೆ ಆಗಿದ್ದರು. ಆ ದಂಪತಿಗೆ ಇಬ್ಬರು ಗಂಡು ಮಕ್ಕಳು ಜನಿಸಿದ್ದರು. ವರ್ಷಗಳು ಕಳೆದಂತೆ ಹೃತಿಕ್​ ರೋಷನ್​ ಮತ್ತು ಸುಸಾನೆ ಖಾನ್​ ಅವರ ನಡುವೆ ವೈಮನಸ್ಸು ಮೂಡಿತು. ಹಾಗಾಗಿ ಅವರು ಇಚ್ಛೇದನ ಪಡೆದುಕೊಂಡರು. ಡಿವೋರ್ಸ್​ ಬಳಿಕ ಮಕ್ಕಳ ಜವಾಬ್ದಾರಿಯನ್ನು ಇಬ್ಬರೂ ಹೊತ್ತುಕೊಂಡಿದ್ದಾರೆ. ಮಾಜಿ ಪತ್ನಿ ಸುಸಾನೆ ಖಾನ್​ರಿಂದ ಸಂಪೂರ್ಣ ದೂರ ಆಗಿರುವ ಹೃತಿಕ್​ ರೋಷನ್​ ಅವರು ಈಗ ಹೊಸ ಪ್ರೇಯಸಿ ಸಬಾ ಆಜಾದ್​ ಜೊತೆ ಸುತ್ತಾಡುತ್ತಿದ್ದಾರೆ.

View this post on Instagram

A post shared by Hrithik Roshan (@hrithikroshan)

ಸಬಾ ಆಜಾದ್​ ಮತ್ತು ಹೃತಿಕ್ ರೋಷನ್​ ಅವರು ಡೇಟಿಂಗ್​ ಮಾಡುತ್ತಿದ್ದಾರೆ ಎಂಬ ವಿಚಾರ ಮೊದಲೆಲ್ಲ ಗಾಸಿಪ್​ ರೂಪದಲ್ಲಿ ಇತ್ತು. ಆ ಬಗ್ಗೆ ಹೃತಿಕ್​ ರೋಷನ್​ ಅವರಾಗಲಿ, ಸಬಾ ಆಜಾದ್​ ಅವರಾಗಲಿ ಯಾವುದೇ ವಿಷಯ ಬಾಯಿ ಬಿಟ್ಟಿರಲಿಲ್ಲ. ಆದರೆ ಈಗ ಅವರಿಬ್ಬರು ಯಾವುದೇ ಹಿಂಜರಿಕೆ ಇಲ್ಲದೇ ತಮ್ಮ ಫೋಟೋಗಳನ್ನು ಸೋಶಿಯಲ್​ ಮೀಡಿಯಾದಲ್ಲಿ ಹಂಚಿಕೊಳ್ಳುತ್ತಿದ್ದಾರೆ. ಸದ್ಯ ಹೃತಿಕ್​ ರೋಷನ್​ ಮತ್ತು ಸಬಾ ಅಜಾದ್​ ಅವರು ಅರ್ಜೆಂಟಿನಾಗೆ ತೆರೆಳಿದ್ದಾರೆ. ಅಲ್ಲಿನ ಸುಂದರವಾದ ಸ್ಥಳಗಳಲ್ಲಿ ರಜೆಯ ಮಜಾ ಸವಿಯುತ್ತಿದ್ದಾರೆ.

ಇದನ್ನೂ ಓದಿ: Hrithik Roshan: ‘ಫೈಟರ್​’ ಚಿತ್ರದಲ್ಲಿ ಹೃತಿಕ್​ ರೋಷನ್​ಗೆ 85 ಕೋಟಿ ರೂ. ಸಂಭಾವನೆ; ದೀಪಿಕಾ ಪಡುಕೋಣೆ ಸಂಬಳ ಎಷ್ಟು?

ಬಾಲಿವುಡ್​ನಲ್ಲಿ ಹೃತಿಕ್​ ರೋಷನ್​ ಅವರಿಗೆ ಸಖತ್​ ಬೇಡಿಕೆ ಇದೆ. ಸೈಫ್​ ಅಲಿ ಖಾನ್​ ಜೊತೆ ಅವರು ನಟಿಸಿದ ‘ವಿಕ್ರಮ್​ ವೇದ’ ಸಿನಿಮಾ ಕಳೆದ ವರ್ಷ ಬಿಡುಗಡೆ ಆಯಿತು. ಆದರೆ ಹೇಳಿಕೊಳ್ಳುವ ಮಟ್ಟಕ್ಕೆ ಜನಮೆಚ್ಚುಗೆ ಸಿಗಲಿಲ್ಲ. ಈಗ ಹೃತಿಕ್​ ರೋಷನ್​ ಅವರ ಕೈಯಲ್ಲಿ ‘ಫೈಟರ್​’ ಮತ್ತು ‘ವಾರ್​ 2’ ಚಿತ್ರಗಳು ಇವೆ. ‘ಫೈಟರ್​’ ಸಿನಿಮಾಗೆ ದೀಪಿಕಾ ಪಡುಕೋಣೆ ನಾಯಕಿ. ಇನ್ನು, ‘ವಾರ್​ 2’ ಚಿತ್ರದಲ್ಲಿ ಹೃತಿಕ್​ ರೋಷನ್​ ಅವರು ಜೂನಿಯರ್​ ಎನ್​ಟಿಆರ್​ ಜೊತೆ ತೆರೆ ಹಂಚಿಕೊಳ್ಳಲಿದ್ದಾರೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.