Vikram Vedha: ‘ವಿಕ್ರಮ್ ವೇದ’ ಚಿತ್ರದ ಹೃತಿಕ್​ ರೋಷನ್​ ಲುಕ್​ ರಿವೀಲ್​; ಫ್ಯಾನ್ಸ್​ ಫಿದಾ

ತಮಿಳಲ್ಲಿ ತೆರೆಗೆ ಬಂದ ‘ವಿಕ್ರಮ್​ ವೇದ’ (Vikram Vedha) ಸಿನಿಮಾ ಸೂಪರ್ ಹಿಟ್​ ಆಗಿತ್ತು. ಈ ಚಿತ್ರದಲ್ಲಿ ವಿಕ್ರಮ್​ ಆಗಿ ಮಾಧವನ್ (Madhavan) ಕಾಣಿಸಿಕೊಂಡರೆ, ವೇದ ಆಗಿ ವಿಜಯ್​ ಸೇತುಪತಿ (Vijay Sethupathi) ಮಿಂಚಿದ್ದರು. ಇವರ ಕಾಂಬಿನೇಷನ್​ ಪ್ರೇಕ್ಷಕರಿಗೆ ಇಷ್ಟವಾಗಿತ್ತು. ಈ ಸಿನಿಮಾ ಸೂಪರ್ ಹಿಟ್​ ಆದ ಬೆನ್ನಲ್ಲೇ ಅದನ್ನು ರಿಮೇಕ್​ ಮಾಡಲು ಬಾಲಿವುಡ್ (Bollywood)​ ಮಂದಿ ಮುಂದೆ ಬಂದಿದ್ದಾರೆ. ಹೃತಿಕ್​ ರೋಷನ್​ (Hrithik Roshan) ಈ ಸಿನಿಮಾದಲ್ಲಿ ವೇದ ಎಂಬ ಗ್ಯಾಂಗ್​​ಸ್ಟರ್​ ಆಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಅವರ ಬರ್ತ್​ಡೇ ಅಂಗವಾಗಿ ಇಂದು ಲುಕ್​ ರಿಲೀಸ್​ ಆಗಿದೆ. ಈ ಲುಕ್​ ನೋಡಿ ಅಭಿಮಾನಿಗಳು ಫಿದಾ ಆಗಿದ್ದಾರೆ.

ಹೃತಿಕ್​ ಅವರು ಈ ಸಿನಿಮಾದಲ್ಲಿ ವೇದ ಆಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಸೈಫ್​ ಅಲಿ ಖಾನ್​ ವಿಕ್ರಮ್​ ಆಗಿ ನಟಿಸಲಿದ್ದಾರೆ. ಹೃತಿಕ್​ ಅವರು ಗಡ್ಡ ಬಿಟ್ಟಿದ್ದಾರೆ. ಕಣ್ಣಿಗೆ ಗಾಗಲ್​​ ಹಾಕಿ ಮಿಂಚಿದ್ದಾರೆ. ಕತ್ತಿನಲ್ಲಿ ರಕ್ತವಿದೆ. ಈ ಫೋಟೋ ಪೋಸ್ಟ್ ಮಾಡಿ 3 ಗಂಟೆಯಲ್ಲಿ 18 ಲಕ್ಷಕ್ಕೂ ಅಧಿಕ ಲೈಕ್ಸ್​ ಪಡೆದುಕೊಂಡಿದೆ.

View this post on Instagram

A post shared by Hrithik Roshan (@hrithikroshan)

ಇನ್​ಸ್ಟಾಗ್ರಾಮ್​ನಲ್ಲಿ ಹೃತಿಕ್​ ಅವರ ಫೋಟೋ ಪೋಸ್ಟ್ ಮಾಡಿದ್ದಾರೆ. ವೇದ ಅನ್ನೋದು ಗ್ಯಾಂಗ್​ಸ್ಟರ್​ ಪಾತ್ರವಾದರೆ, ವಿಕ್ರಮ್ ಅನ್ನೋದು​ ಪೊಲೀಸ್​ ಪಾತ್ರ. ರಾಧಿಕಾ ಆಪ್ಟೆ ಹಾಗೂ ರೋಹಿತ್​ ಸರಫ್​ ಈ ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಹೃತಿಕ್​ ಅವರ ಲುಕ್​ಗೆ ಅಭಿಮಾನಿಗಳು ನಾನಾ ರೀತಿಯಲ್ಲಿ ಕಮೆಂಟ್​ ಮಾಡುತ್ತಿದ್ದಾರೆ. ‘ಇಂಟರ್​ನೆಟ್​ನಲ್ಲಿ ಹೊಸ ಸೆನ್ಸೇಷನ್​ ಸೃಷ್ಟಿ ಮಾಡಿದ್ದೀರಿ’ ಎಂದು ಕೆಲವರು ಬರೆದುಕೊಂಡಿದ್ದಾರೆ. ‘ಈ ಲುಕ್​ಗೆ ಫಿದಾ ಆದೆ ಎಂದು’ ಕೆಲವರು ಹೇಳಿದ್ದಾರೆ.

ಪುಷ್ಕರ್​ ಮತ್ತು ಗಾಯತ್ರಿ ತಮಿಳಿನ ‘ವಿಕ್ರಮ್​ ವೇದ’ ಸಿನಿಮಾ ನಿರ್ದೇಶನ ಮಾಡಿದ್ದರು. ಇದರ ರಿಮೇಕ್​ ಕೂಡ ಅವರೇ ನಿರ್ದೇಶನ ಮಾಡುತ್ತಿದ್ದಾರೆ. ‘ಹೃತಿಕ್​ ಹಾಗೂ ಸೈಫ್​ ಜತೆ ಕೆಲಸ ಮಾಡೋಕೆ ಖುಷಿ ಇದೆ. ಮೂಲ ಸಿನಿಮಾಗೂ ಅದ್ಭುತವಾಗಿ ಈ ಚಿತ್ರವನ್ನು ಕಟ್ಟಿಕೊಡುತ್ತೇವೆ’ ಎಂದು ಅವರು ಹೇಳಿದ್ದರು.

‘ವಿಕ್ರಮ್​ ವೇದ’ ಚಿತ್ರದ ದುಬೈ ಭಾಗದ ಶೂಟಿಂಗ್​ ಹಾಗೂ ಲಖನೌ ಭಾಗದ ಶೂಟಿಂಗ್​ ಪೂರ್ಣಗೊಂಡಿದೆ. 2022ರ ಸೆಪ್ಟೆಂಬರ್​ 30ರಂದು ಸಿನಿಮಾ ರಿಲೀಸ್​ ಮಾಡುವ ಉದ್ದೇಶ ಚಿತ್ರತಂಡಕ್ಕೆ ಇದೆ. ಆದರೆ, ಕೊವಿಡ್ ಕಾರಣದಿಂದ ಸಿನಿಮಾ ವಿಳಂಬವಾಗುವ ಸಾಧ್ಯತೆ ಇದೆ ಎನ್ನುವ ಮಾತು ಕೇಳಿಬಂದಿದೆ.

ಇದನ್ನೂ ಓದಿ: ‘ಪುಷ್ಪ 2’ ಚಿತ್ರಕ್ಕಾಗಿ ಈಗಲೇ ಐಟಂ ಸಾಂಗ್​ ಸಿದ್ಧಪಡಿಸಲು ಮುಂದಾದ ನಿರ್ದೇಶಕ; ಈ ಬಾರಿ ಸಮಂತಾಗಿಲ್ಲ ಚಾನ್ಸ್​

ಸಲ್ಮಾನ್​ ಖಾನ್​ ಹೊಸ ಗರ್ಲ್​ಫ್ರೆಂಡ್​ ಸಮಂತಾ; ಆದ್ರೆ ಇದು ನೀವಂದುಕೊಂಡ ಸಮಂತಾ ಅಲ್ಲ