KRK: ಕಮಾಲ್ ಆರ್. ಖಾನ್ ಮೇಲೆ ಸಲ್ಮಾನ್ ಖಾನ್ ಕೇಸ್ ಹಾಕಿದ್ದು ದುಡ್ಡಿಗೋಸ್ಕರನಾ? ಶುರುವಾಯ್ತು ಚರ್ಚೆ
Kamaal R Khan: ವಿವಾದಗಳಿಂದ ಕಮಾಲ್ ಆರ್ ಖಾನ್ ಒಮ್ಮೆ ಜೈಲಿಗೆ ಹೋಗಿ ಬಂದಿದ್ದಾರೆ. ಇಷ್ಟಾದರೂ ಕೂಡ ಅವರು ಬುದ್ಧಿ ಕಲಿತಿಲ್ಲ. ಈಗ ಅವರು ಹೊಸ ವರಸೆ ತೆಗೆದಿದ್ದಾರೆ.
Updated on: May 19, 2023 | 6:52 PM
ಕಮಾಲ್ ಆರ್. ಖಾನ್ (Kamaal R Khan) ಬಗ್ಗೆ ಹೊಸದಾಗಿ ಹೇಳಬೇಕಾದ್ದು ಏನೂ ಇಲ್ಲ. ವಿವಾದಗಳಿಂದಲೇ ಅವರು ಫೇಮಸ್. ನಟನಾಗಿ ಅವರಿಗೆ ಬಾಲಿವುಡ್ನಲ್ಲಿ ಭವಿಷ್ಯ ಕಟ್ಟಿಕೊಳ್ಳಲು ಸಾಧ್ಯವಾಗಲಿಲ್ಲ. ಇನ್ನುಳಿದವರ ಸಿನಿಮಾವನ್ನು ವಿಮರ್ಶೆ ಮಾಡುತ್ತಾ, ಆಕ್ಷೇಪಾರ್ಹ ರೀತಿಯಲ್ಲಿ ಕಮೆಂಟ್ ಮಾಡುತ್ತಾ ಅವರು ಕಾಲ ಕಳೆಯುತ್ತಿದ್ದಾರೆ. ಅದರಿಂದ ಅವರ ಮೇಲೆ ಅನೇಕ ಕೇಸ್ಗಳು (Defamation Case) ಬಿದ್ದಿವೆ. ಒಮ್ಮೆ ಅವರು ಜೈಲಿಗೂ ಹೋಗಿ ಬಂದಿದ್ದಾರೆ. ಇಷ್ಟಾದರೂ ಕೂಡ ಕಮಾಲ್ ಆರ್. ಖಾನ್ ಬುದ್ಧಿ ಕಲಿತಿಲ್ಲ. ಈಗ ಅವರು ಹೊಸ ವರಸೆ ತೆಗೆದಿದ್ದಾರೆ. ತಮ್ಮ ಮೇಲೆ ಸಲ್ಮಾನ್ ಖಾನ್ (Salman Khan), ಮನೋಜ್ ಬಾಜ್ಪೇಯಿ ಮುಂತಾದವರು ಕೇಸ್ ಹಾಕಿದ್ದು ಹಣಕ್ಕೋಸ್ಕರ ಎಂಬ ಅರ್ಥ ಬರುವ ರೀತಿಯಲ್ಲಿ ಕೆಆರ್ಕೆ ಟ್ವೀಟ್ ಮಾಡಿದ್ದಾರೆ. ಆ ಮೂಲಕ ಅವರು ಟ್ರೋಲ್ ಆಗಿದ್ದಾರೆ.
ಕಮಾಲ್ ಆರ್. ಖಾನ್ ಟ್ವೀಟ್ನಲ್ಲಿ ಏನಿದೆ?
‘ಸಲ್ಮಾನ್ ಖಾನ್, ವಶು ಭಗ್ನಾನಿ, ಮನೋಜ್ ಬಾಜ್ಪೇಯಿ, ಹನ್ಸಲ್ ಮೆಹ್ತಾ, ವಿಕ್ರಮ್ ಭಟ್ ಮುಂತಾದ ದೊಡ್ಡ ದೊಡ್ಡ ವ್ಯಕ್ತಿಗಳು ನನ್ನ ವಿರುದ್ಧ ಏಕೆ ಮಾನನಷ್ಟ ಮೊಕದ್ದಮೆ ಹೂಡಿದ್ದಾರೆ ಎಂದು ಹಲವರು ನನ್ನನ್ನು ಕೇಳುತ್ತಾರೆ. ಅದಕ್ಕೆ ನನ್ನ ಉತ್ತರ; ಶ್ರೀಮಂತ ಮತ್ತು ಪ್ರಸಿದ್ಧ ವ್ಯಕ್ತಿಗಳ ವಿರುದ್ಧ ಮಾತ್ರ ಜನರು ಮಾನನಷ್ಟ ಮೊಕದ್ದಮೆಗಳನ್ನು ಹೂಡುತ್ತಾರೆ’ ಎಂದು ಕಮಾಲ್ ಆರ್. ಖಾನ್ ಟ್ವೀಟ್ ಮಾಡಿದ್ದಾರೆ.
Many people do ask me that why big big people like Salman Khan, Vashu bhagnani, Manoj Bajpayee, Hansal mehta, Vikram Bhatt Etc have filed defamation cases against me? My reply:- people do file defamation cases against rich and famous people only.
— KRK (@kamaalrkhan) May 19, 2023
ಇತ್ತೀಚೆಗೆ ವಿವೇಕ್ ಅಗ್ನಿಹೋತ್ರಿ ಬಗ್ಗೆ ಕಮಾಲ್ ಆರ್. ಖಾನ್ ಖಾರವಾಗಿ ಟ್ವೀಟ್ ಮಾಡಿದ್ದರು. ‘ಈತ ಬಾಲಿವುಡ್ನಲ್ಲಿ ಅತಿ ಹೆಚ್ಚು ಹತಾಶೆಗೆ ಒಳಗಾದ ವ್ಯಕ್ತಿ. ಜೀವನದಲ್ಲಿ ಬರೀ ಕೆಟ್ಟ ಸಿನಿಮಾಗಳನ್ನು ಮಾಡಿದ. ಹಾಗಾಗಿ ಈತನನ್ನು ಬಾಲಿವುಡ್ನವರು ದೊಡ್ಡ ನಿರ್ದೇಶಕ ಅಂತ ಗುರುತಿಸಲಿಲ್ಲ. ದಿ ಕಾಶ್ಮೀರ್ ಫೈಲ್ಸ್ ಸಿನಿಮಾ ನಿರ್ದೇಶಿಸಿದ ನಂತರವೂ ಇವನಿಗೆ ಬಾಲಿವುಡ್ನವರು ಮನ್ನಣೆ ನೀಡಿಲ್ಲ. ಹಾಗಾಗಿ ಇನ್ನೂ ಹೆಚ್ಚು ಹತಾಶೆಗೆ ಒಳಗಾಗಿದ್ದಾನೆ’ ಎಂದು ಕಮಾಲ್ ಆರ್. ಖಾನ್ ಅವರು ಟ್ವೀಟ್ ಮಾಡಿದ್ದರು.
ಇದನ್ನೂ ಓದಿ: KRK: ಶ್ರದ್ಧಾ ಕಪೂರ್ಗೆ ಬಾಡಿ ಶೇಮಿಂಗ್ ಮಾಡಿದ ಕಾಂಟ್ರವರ್ಸಿ ವಿಮರ್ಶಕ ಕಮಾಲ್ ಆರ್. ಖಾನ್
ಟ್ವಿಟರ್ನಲ್ಲಿ ಕಮಾಲ್ ಆರ್. ಖಾನ್ ಆ್ಯಕ್ಟೀವ್ ಆಗಿದ್ದಾರೆ. ಆಗಾಗ ಅವರು ವಿವಾದಾತ್ಮಕ ರೀತಿಯಲ್ಲಿ ಪೋಸ್ಟ್ ಮಾಡಿ ಸುದ್ದಿ ಆಗುತ್ತಾರೆ. ಹಿಂದಿ ಚಿತ್ರರಂಗದ ಬಹುತೇಕ ಎಲ್ಲ ಸೆಲೆಬ್ರಿಟಿಗಳನ್ನೂ ಅವರು ಎದುರು ಹಾಕಿಕೊಂಡಿದ್ದಾರೆ.
ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
