Alia Bhatt: ಪ್ರೆಗ್ನೆಂಟ್​ ಆಗಿದ್ದು ಆಲಿಯಾ ಭಟ್​, ಆದರೆ ಸುದ್ದಿ ಕೇಳಿ ಕಣ್ಣೀರು ಹಾಕಿದ್ದು ಕರಣ್​ ಜೋಹರ್​

Karan Johar | Alia Bhatt: ‘17ನೇ ವಯಸ್ಸಿನಲ್ಲಿ ಆಲಿಯಾ ಭಟ್​ ನನ್ನ ಆಫೀಸ್​ಗೆ ಬಂದಿದ್ದಳು. ಈಗ ಅವಳಿಗೆ 29ರ ಪ್ರಾಯ. ಕಳೆದ 12 ವರ್ಷಗಳು ನಮ್ಮಿಬ್ಬರಿಗೂ ಮ್ಯಾಜಿಕಲ್​ ಆಗಿತ್ತು’ ಎಂದು ಕರಣ್​ ಜೋಹರ್​ ಹೇಳಿದ್ದಾರೆ.

Alia Bhatt: ಪ್ರೆಗ್ನೆಂಟ್​ ಆಗಿದ್ದು ಆಲಿಯಾ ಭಟ್​, ಆದರೆ ಸುದ್ದಿ ಕೇಳಿ ಕಣ್ಣೀರು ಹಾಕಿದ್ದು ಕರಣ್​ ಜೋಹರ್​
ಆಲಿಯಾ ಭಟ್, ಕರಣ್ ಜೋಹರ್
TV9kannada Web Team

| Edited By: Madan Kumar

Jul 06, 2022 | 7:44 AM

ನಟಿ ಆಲಿಯಾ ಭಟ್​ (Alia Bhatt) ಅವರು ಬದುಕಿನ ಹೊಸ ಘಟ್ಟದಲ್ಲಿ ಇದ್ದಾರೆ. ಕೇವಲ ಎರಡೂವರೆ ತಿಂಗಳ ಹಿಂದೆ ಅವರ ಮದುವೆ ಆಯಿತು. ಪ್ರಿಯಕರ ರಣಬೀರ್​ ಕಪೂರ್ (Ranbir Kapoor)​ ಜೊತೆ ಅವರು ಸಪ್ತಪದಿ ತುಳಿದರು. ಅದರ ಬೆನ್ನಲ್ಲೇ ಅವರು ಗುಡ್​ ನ್ಯೂಸ್​ ನೀಡಿದರು. ಆಲಿಯಾ ಭಟ್​ ಈಗ ಪ್ರೆಗ್ನೆಂಟ್​ ಎಂಬುದು ಜಗಜ್ಜಾಹೀರಾಗಿದೆ. ಈ ವಿಷಯ ಕೇಳಿ ಅವರ ಅಭಿಮಾನಿಗಳು ಖುಷಿಪಟ್ಟಿದ್ದಾರೆ. ಮದುವೆ ಆಗಿ ಕೇವಲ ಎರಡೂವರೆ ತಿಂಗಳಿಗೆ ಗರ್ಭಿಣಿ ಆಗಿಬಿಟ್ರಾ ಎಂದು ಕಣ್ಣರಳಿಸಿದವರೂ ಇದ್ದಾರೆ. ಆದರೆ ನಿರ್ಮಾಪಕ ಕರಣ್​ ಜೋಹರ್​ (Karan Johar) ಅವರ ರಿಯಾಕ್ಷನ್​ ಬೇರೆ ಇತ್ತು. ಆಲಿಯಾ ಭಟ್​ ಪ್ರೆಗ್ನೆಂಟ್​ ಎಂದು ಮೊದಲ ಬಾರಿಗೆ ಗೊತ್ತಾದಾಗ ಕರಣ್​ ಜೋಹರ್​ ಕಣ್ಣೀರು ಹಾಕಿದ್ದರು.

ಆಲಿಯಾ ಭಟ್​ ಮತ್ತು ಕರಣ್​ ಜೋಹರ್​ ನಡುವೆ ಉತ್ತಮ ಬಾಂಧವ್ಯ ಇದೆ. ನಿರ್ದೇಶಕನಾಗಿ, ನಿರ್ಮಾಪಕನಾಗಿ, ನಿರೂಪಕನಾಗಿ ಕರಣ್​ ಅವರು ಬಾಲಿವುಡ್​ನಲ್ಲಿ ಸಕ್ರಿಯರಾಗಿದ್ದಾರೆ. ಆಲಿಯಾ ಹೀರೋಯಿನ್​ ಆಗಿ ನಟಿಸಿದ ಮೊದಲ ಸಿನಿಮಾಗೆ ಬಂಡವಾಳ ಹೂಡಿ, ನಿರ್ದೇಶನ ಮಾಡಿದ್ದೇ ಕರಣ್​ ಜೋಹರ್​. ಆ ದಿನಗಳಿಂದಲೂ ಇಬ್ಬರೂ ಆಪ್ತವಾಗಿ ಇದ್ದಾರೆ. ಇತ್ತೀಚೆಗೆ ಟೈಮ್ಸ್​ ಆಫ್​ ಇಂಡಿಯಾಗೆ ನೀಡಿದ ಸಂದರ್ಶನದಲ್ಲಿ ಕರಣ್​ ಜೋಹರ್​ ಅವರು ಕೆಲವು ವಿಚಾರಗಳನ್ನು ಹಂಚಿಕೊಂಡಿದ್ದಾರೆ.

‘ಅಂದು ಆಲಿಯಾ ಭಟ್​ ನನ್ನ ಆಫೀಸ್​ಗೆ ಬಂದು ಈ ವಿಷಯ ಹೇಳಿದಾಗ ನಾನು ಅತ್ತುಬಿಟ್ಟೆ. ಅದೇ ನನ್ನ ಮೊದಲ ರಿಯಾಕ್ಷನ್​ ಆಗಿತ್ತು. ಆಗ ಆಕೆ ನನ್ನನ್ನು ತಬ್ಬಿಕೊಂಡಳು. ನೀನು ತಾಯಿ ಆಗುತ್ತಿದ್ದೀಯ ಎಂಬುದನ್ನು ನನಗೆ ನಂಬಲು ಸಾಧ್ಯವಾಗುತ್ತಿಲ್ಲ ಅಂತ ಆಕೆಗೆ ಹೇಳಿದೆ. ನಿಮ್ಮ ಮಗುವಿಗೆ ಮಗು ಆಗುತ್ತಿದೆ ಎಂಬಂತಹ ಸಂದರ್ಭವಿದು. ಇದು ತುಂಬಾ ಭಾವನಾತ್ಮಕ ವಿಷಯ’ ಎಂದು ಕರಣ್​ ಜೋಹರ್​ ಹೇಳಿದ್ದಾರೆ.

‘ಚಿಕ್ಕ ಹುಡುಗಿ ಆಗಿದ್ದಾಗಿನಿಂದ ಹಿಡಿದು, ಅದ್ಭುತ ನಟಿಯಾಗಿ ಬೆಳೆಯುವವರೆಗೂ ಆಕೆಯನ್ನು ನಾನು ಕಂಡಿದ್ದೇನೆ. 17ನೇ ವಯಸ್ಸಿನಲ್ಲಿ ಆಲಿಯಾ ನನ್ನ ಆಫೀಸ್​ಗೆ ಬಂದಿದ್ದಳು. ಈಗ ಅವಳಿಗೆ 29ರ ಪ್ರಾಯ. ಕಳೆದ 12 ವರ್ಷಗಳು ನಮ್ಮಿಬ್ಬರಿಗೂ ಮ್ಯಾಜಿಕಲ್​ ಆಗಿತ್ತು. ಆಕೆಯ ಮಗುವನ್ನು ಎತ್ತಿಕೊಳ್ಳಲು ನಾನು ಕಾಯುತ್ತಿದ್ದೇನೆ. ನನ್ನ ಸ್ವಂತ ಮಕ್ಕಳನ್ನೇ ಎತ್ತಿಕೊಂಡಂತಹ ಭಾವನೆ ಅದು’ ಎಂದು ಕರಣ್​ ಜೋಹರ್​ ಹೇಳಿದ್ದಾರೆ. ಸದ್ಯ ‘ರಾಕಿ ಔರ್​ ರಾಣಿ ಕಿ ಪ್ರೇಮ್​ ಕಹಾನಿ’ ಸಿನಿಮಾದಲ್ಲಿ ಆಲಿಯಾ ಭಟ್​ ಹಾಗೂ ರಣವೀರ್​ ಸಿಂಗ್​ ನಟಿಸುತ್ತಿದ್ದು, ಅದಕ್ಕೆ ಕರಣ್​ ಜೋಹರ್​ ನಿರ್ದೇಶನ ಮಾಡುತ್ತಿದ್ದಾರೆ.

ಇದನ್ನೂ ಓದಿ: ಮೊದಲ ರಾತ್ರಿ ಎಂಬುದೆಲ್ಲ ಇರುವುದಿಲ್ಲ, ಏಕೆಂದರೆ ನೀವು ಸುಸ್ತಾಗಿರುತ್ತೀರಿ ಎಂದ ಆಲಿಯಾ ಭಟ್

ವಿಮಾನ ನಿಲ್ದಾಣದಲ್ಲಿ ಗಾಬರಿಯಿಂದ ಓಡಿ ಹೋದ ನಟಿ ಆಲಿಯಾ ಭಟ್​; ವೈರಲ್​ ವಿಡಿಯೋದ ಸತ್ಯಾಂಶ ಏನು?

ಇದನ್ನೂ ಓದಿ

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada