ಮದುವೆ ಆದ ಖುಷಿಯಲ್ಲಿ ಕಿಯಾರಾ ಅಡ್ವಾಣಿ ತುಟಿಗೆ ಮುತ್ತಿಟ್ಟ ಸಿದ್ದಾರ್ಥ್; ಇಲ್ಲಿದೆ ವಿಡಿಯೋ
ಈ ವಿವಾಹ ಎಷ್ಟು ಅದ್ದೂರಿಯಾಗಿತ್ತು ಎಂಬುದಕ್ಕೆ ಈಗ ಹಂಚಿಕೊಂಡಿರುವ ವಿಡಿಯೋನೇ ಸಾಕ್ಷಿ. ಈ ವಿಡಿಯೋದಲ್ಲಿ ಕಿಯಾರಾ ಹಾಗೂ ಸಿದ್ದಾರ್ಥ್ ಸಖತ್ ಕ್ಯೂಟ್ ಆಗಿ ಕಾಣಿಸಿಕೊಂಡಿದ್ದಾರೆ.
Updated on: Feb 10, 2023 | 2:18 PM
ಕಿಯಾರಾ ಅಡ್ವಾಣಿ (Kiara Advani) ಹಾಗೂ ಸಿದ್ದಾರ್ಥ್ ಮಲ್ಹೋತ್ರ ಪ್ರೀತಿಸಿ ಮದುವೆ ಆಗಿದ್ದಾರೆ. ಫೆ.7ರಂದು ಅದ್ದೂರಿಯಾಗಿ ಇವರ ವಿವಾಹ ನೆರವೇರಿದೆ. ಈ ಮದುವೆ ಹೇಗಿತ್ತು ಎಂಬುದಕ್ಕೆ ಕಿಯಾರಾ ಹಾಗೂ ಸಿದ್ಧಾರ್ಥ್ ವಿಡಿಯೋ ಹಂಚಿಕೊಂಡಿದ್ದಾರೆ. ಈ ವಿಡಿಯೋದಲ್ಲಿ ಕಿಯಾರಾ ತುಟಿಗೆ ಸಿದ್ದಾರ್ಥ್ (Sidharth Malhotra) ಮುತ್ತಿಟ್ಟಿದ್ದಾರೆ. ಸದ್ಯ ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಪೋಸ್ಟ್ ಮಾಡಿದ ಒಂದು ಗಂಟೆಗೆ ಈ ರೀಲ್ 23 ಲಕ್ಷ ಲೈಕ್ಸ್ ಪಡೆದುಕೊಂಡಿದೆ. 68 ಲಕ್ಷ ಬಾರಿ ವೀಕ್ಷಣೆ ಕಂಡಿದೆ.
ಕಿಯಾರಾ ಅಡ್ವಾಣಿ ಹಾಗೂ ಸಿದ್ದಾರ್ಥ್ ಮಲ್ಹೋತ್ರ ರಾಜಸ್ಥಾನದ ಜೈಸಲ್ಮೇರ್ನ ಸೂರ್ಯಗಢ ಹೋಟೆಲ್ನಲ್ಲಿ ಮದುವೆ ಆದರು. ಇವರ ಮದುವೆಗೆ ಆರು ಕೋಟಿ ರೂಪಾಯಿ ಖರ್ಚಾಗಿದೆ ಎನ್ನಲಾಗಿದೆ. ಈ ವಿವಾಹ ಎಷ್ಟು ಅದ್ದೂರಿಯಾಗಿತ್ತು ಎಂಬುದಕ್ಕೆ ಈಗ ಹಂಚಿಕೊಂಡಿರುವ ವಿಡಿಯೋನೇ ಸಾಕ್ಷಿ. ಈ ವಿಡಿಯೋದಲ್ಲಿ ಕಿಯಾರಾ ಹಾಗೂ ಸಿದ್ದಾರ್ಥ್ ಸಖತ್ ಕ್ಯೂಟ್ ಆಗಿ ಕಾಣಿಸಿಕೊಂಡಿದ್ದಾರೆ.
ಕಿಯಾರಾ ಅವರು ಮುತ್ತಿನ ಚಪ್ಪರದ ಅಡಿಯಲ್ಲಿ ನಡೆದು ಬರುತ್ತಾರೆ. ಅಲ್ಲಿಯೇ ಡ್ಯಾನ್ಸ್ ಮಾಡುತ್ತಾರೆ. ಮತ್ತೊಂದು ಕಡೆ ನಿಂತ ಸಿದ್ದಾರ್ಥ್ ಅವರು ಮದುವೆಗೆ ತಡವಾಯಿತು ಎಂದು ಟೆನ್ಷನ್ ಮಾಡಿಕೊಳ್ಳುತ್ತಾರೆ. ಮಂಟಪಕ್ಕೆ ಬರುವ ಇಬ್ಬರೂ ಹಾರ ಬದಲಾಯಿಸಿಕೊಳ್ಳುತ್ತಾರೆ. ಇಬ್ಬರ ಮೇಲೆ ಹೂವಿನ ಮಳೆ ಸುರಿಯುತ್ತದೆ. ಕಿಯಾರಾ-ಸಿದ್ದಾರ್ಥ್ ಪರಸ್ಪರ ತುಟಿಗೆ ಮುತ್ತಿಟ್ಟುಕೊಳ್ಳುತ್ತಾರೆ.
View this post on Instagram
ಈ ವಿಡಿಯೋಗೆ ಸೆಲೆಬ್ರಿಟಿಗಳು, ಅಭಿಮಾನಿಗಳು ಪ್ರೀತಿಯ ಮಳೆ ಸುರಿಸಿದ್ದಾರೆ. ‘ನನ್ನ ಕಣ್ಣಲ್ಲಿ ನೀರು ಬಂತು. ದೇವರು ಒಳ್ಳೆಯದು ಮಾಡಲಿ’ ಎಂದು ನಟಿ ರಾಕುಲ್ ಪ್ರೀತ್ ಸಿಂಗ್ ಹೇಳಿದ್ದಾರೆ. ಅನನ್ಯಾ ಪಾಂಡೆ ಸೇರಿ ಅನೇಕರು ಈ ವಿಡಿಯೋಗೆ ಕಮೆಂಟ್ ಮಾಡಿ ಶುಭಾಶಯ ತಿಳಿಸಿದ್ದಾರೆ.
ಇದನ್ನೂ ಓದಿ: ‘ಕಿಯಾರಾ-ಸಿದ್ದಾರ್ಥ್ ರೀತಿ ನೀವೂ ಒಂದಾಗಿ’; ಒಟ್ಟಾಗಿ ಕಾಣಿಸಿಕೊಂಡ ಕಾರ್ತಿಕ್-ಸಾರಾಗೆ ಫ್ಯಾನ್ಸ್ ಕೋರಿಕೆ
ಕಿಯಾರಾ ಹಾಗೂ ಸಿದ್ದಾರ್ಥ್ ‘ಶೇರ್ಷಾ’ ಸಿನಿಮಾದಲ್ಲಿ ಒಟ್ಟಾಗಿ ನಟಿಸಿದ್ದರು. ಇಬ್ಬರ ಮಧ್ಯೆ ಆಪ್ತತೆ ಬೆಳೆದಿದ್ದು ಇದೇ ಸಿನಿಮಾದ ಸೆಟ್ನಲ್ಲಿ ಎನ್ನಲಾಗುತ್ತಿದೆ. ಈ ಚಿತ್ರದ ‘ರಾಂಜಾ..’ ಹಾಡು ಹಿಟ್ ಆಗಿದೆ. ಇದೇ ಹಾಡನ್ನು ಕಿಯಾರಾ ವಿಡಿಯೋಗೆ ಬಳಕೆ ಮಾಡಿಕೊಂಡಿದ್ದಾರೆ. ಇವರ ಮದುವೆಯ ಇನ್ನಷ್ಟು ಫೋಟೋ ಹಾಗೂ ವಿಡಿಯೋಗಳು ಬರಲಿ ಎಂದು ಫ್ಯಾನ್ಸ್ ಕಾಯುತ್ತಿದ್ದಾರೆ.
ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
