Lomad Movie: ನರಿ ವೇಷ ಹಾಕಿಕೊಂಡು ಮುಂಬೈ ಬೀದಿ ಸುತ್ತುತ್ತಿರುವ ಬಾಲಿವುಡ್​ ನಿರ್ದೇಶಕ; ಕಾರಣ ಏನು?

ಮುಂಬೈನ ರಸ್ತೆಗಳಲ್ಲಿ ವ್ಯಕ್ತಿಯೊಬ್ಬರು ನರಿ (Fox) ವೇಷ ಹಾಕಿಕೊಂಡು ತಿರುಗಾಡುತ್ತಿದ್ದಾರೆ. ಕೈಯಲ್ಲಿ ಒಂದು ಬೋರ್ಡ್​ ಹಿಡಿದುಕೊಂಡು ಎಲ್ಲರ ಗಮನವನ್ನು ಸೆಳೆಯಲು ಅವರು ಪ್ರಯತ್ನಿಸುತ್ತಿದ್ದಾರೆ. ಅವರು ಈ ರೀತಿ ಮಾಡುತ್ತಿರುವುದು ತಮ್ಮ ಹೊಸ ಸಿನಿಮಾದ ಪ್ರಚಾರಕ್ಕಾಗಿ! ಹೌದು, ‘ಲೋಮಡ್​’ ಸಿನಿಮಾ (Lomad Movie) ಬಿಡುಗಡೆಗೆ ಸಜ್ಜಾಗಿದೆ. ಆಗಸ್ಟ್​ 4ರಂದು ಈ ಚಿತ್ರ ರಿಲೀಸ್​ ಆಗಲಿದೆ. ಹೊಸ ರೀತಿಯಲ್ಲಿ ಪ್ರಚಾರ ಮಾಡಬೇಕು ಎಂಬುದು ಈ ಚಿತ್ರತಂಡದ ಉದ್ದೇಶ. ಹಾಗಾಗಿ ನಿರ್ದೇಶಕ ಹೇಮ್ವಂತ್​ ತಿವಾರಿ (Hemwant Tiwari) ಅವರು ನರಿ ವೇಷ ಹಾಕಿಕೊಂಡು ಬೀದಿಗೆ ಇಳಿದಿದ್ದಾರೆ. ಅಷ್ಟಕ್ಕೂ ನರಿ ವೇಷ ಹಾಕಿದ್ದು ಯಾಕೆ? ಈ ಸಿನಿಮಾದ ವಿಶೇಷತೆ ಏನು ಎಂಬ ಬಗ್ಗೆ ಈ ಸ್ಟೋರಿಯಲ್ಲಿದೆ ಮಾಹಿತಿ..

‘ಲೋಮಡ್​’ ಎಂದರೆ ಹಿಂದಿಯಲ್ಲಿ ನರಿ ಎಂದರ್ಥ. ಹಾಗಾಗಿ ಸ್ವತಃ ನಿರ್ದೇಶಕರೇ ನರಿ ವೇಷ ಹಾಕಿಕೊಂಡು ಮುಂಬೈನ ಬೀದಿಯಲ್ಲಿ ಪ್ರಮೋಷನ್​ ಮಾಡುತ್ತಿದ್ದಾರೆ. ಬಾಲಿವುಡ್​ನಲ್ಲಿ ಸಿನಿಮಾ ಪ್ರಮೋಷನ್​ ಮಾಡಬೇಕು ಎಂದರೆ ಸಿಕ್ಕಾಪಟ್ಟೆ ಹಣ ಖರ್ಚಾಗುತ್ತದೆ. ಹೋಟೆಲ್​ಗಳಲ್ಲಿ ಸುದ್ದಿಗೋಷ್ಠಿ ಮಾಡಿದರೆ ಲಕ್ಷಾಂತರ ರೂಪಾಯಿ ಬೇಕಾಗುತ್ತದೆ. ಆದರೆ ಅಷ್ಟೆಲ್ಲ ಖರ್ಚು ಮಾಡಲು ‘ಲೋಮಡ್​’ ತಂಡದ ಬಳಿ ಬಜೆಟ್​ ಇಲ್ಲ. ಹಾಗಾಗಿ ಅವರು ರಸ್ತೆಗೆ ಇಳಿದು ಈ ಹೊಸ ರೀತಿಯಲ್ಲಿ ಪ್ರಮೋಷನ್​ ಮಾಡುತ್ತಿದ್ದಾರೆ.

?? ??????? ??? ??????

World’s first black & white SINGLE TAKE film ????? Also, the maximum award winning SINGLE TAKE film.@lomadthefilm@TOGPproduction#lomad #lomadthefilm #lomadsingletake #lomadsingleshot #oneshotfilm #onetakefilm #singletake pic.twitter.com/KHIKUGADBl

— Hemwant Tiwari (@hemwanttiwari) June 22, 2023

‘ಲೋಮಡ್​’ ಸಿನಿಮಾದಲ್ಲಿ ಒಂದಷ್ಟು ವಿಶೇಷತೆಗಳಿಗೆ. ಈ ಚಿತ್ರ ಸಂಪೂರ್ಣವಾಗಿ ಮೂಡಿಬಂದಿರುವುದು ಕಪ್ಪು-ಬಿಳಿ ಬಣ್ಣದಲ್ಲಿ. ಅಲ್ಲದೇ ಇದು ಸಿಂಗಲ್​ ಟೇಕ್​ ಸಿನಿಮಾ. ಅಂದರೆ, ಸಿನಿಮಾದ ಮೊದಲ ದೃಶ್ಯದಿಂದ ಕೊನೇ ದೃಶ್ಯದವರೆಗಿನ ಎಲ್ಲ ದೃಶ್ಯಗಳನ್ನು ಒಂದೇ ಟೇಕ್​ನಲ್ಲಿ ಚಿತ್ರಿಸಲಾಗಿದೆ. ಕ್ಯಾಮೆರಾ ಎಲ್ಲಿಯೂ ಬಂದ್​ ಆಗುವುದಿಲ್ಲ. 97 ನಿಮಿಷಗಳ ಈ ಚಿತ್ರದಲ್ಲಿ ಕಲಾವಿದರು ನಿರಂತರವಾಗಿ ನಟಿಸಿದ್ದಾರೆ. ಈ ಪ್ರಯೋಗ ಹೇಗೆ ಮೂಡಿಬಂದಿದೆ ಎಂಬುದನ್ನು ತಿಳಿಯು ಆಗಸ್ಟ್​ 4ರಂದು ಚಿತ್ರಮಂದಿರದಲ್ಲಿ ಈ ಸಿನಿಮಾ ನೋಡಬೇಕು.

ಇದನ್ನೂ ಓದಿ: Kajol: ಪ್ರಚಾರಕ್ಕಾಗಿ ಗಿಮಿಕ್​ ಮಾಡಿದ ಕಾಜೋಲ್​; ಇದು ಪ್ರೀತಿ, ಕಾನೂನು ಮತ್ತು ಮೋಸದ ಕಥೆ

‘ಒಂದು ವೇಳೆ ಎಲ್ಲಿಯಾದರೂ ಕ್ಯಾಮೆರಾ ಬಂದ್​ ಆಗಿದ್ದನ್ನು ಹುಡುಕಿ ತೋರಿಸಿದವರಿಗೆ ಟಿಕೆಟ್​ ಬೆಲೆಯ ಡಬಲ್​ ಹಣವನ್ನು ವಾಪಸ್​ ನೀಡುತ್ತೇವೆ’ ಎಂಬ ಬೋರ್ಡ್​ ಹಿಡಿದುಕೊಂಡು ನಿರ್ದೇಶಕ ಹೇಮ್ವಂತ್​ ತಿವಾರಿ ಅವರು ಪ್ರಚಾರ ಮಾಡುತ್ತಿದ್ದಾರೆ. ಅಲ್ಲದೇ ಸಿಂಗಲ್​ ಟೇಕ್​ ಸಿನಿಮಾ ಎಂದರೆ ಏನು ಎಂಬುದುನ್ನು ಕೂಡ ಅವರು ಬೀದಿಯಲ್ಲಿ ನಿಂತು ಜನರಿಗೆ ತಿಳಿಸಿಕೊಡುತ್ತಿದ್ದಾರೆ. ಈಗಾಗಲೇ ಅನೇಕ ಚಿತ್ರೋತ್ಸವಗಳಲ್ಲಿ ಪ್ರದರ್ಶನ ಕಂಡಿರುವ ಈ ಸಿನಿಮಾಗೆ ಒಂದಷ್ಟು ಪ್ರಶಸ್ತಿಗಳು ಕೂಡ ಸಿಕ್ಕಿವೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.