Shah Rukh Khan Birthday: ಶಾರುಖ್ ನಟನೆಯ ಈ ರೊಮ್ಯಾಂಟಿಕ್ ಚಿತ್ರಗಳನ್ನು ಮಿಸ್ ಮಾಡಲೇಬೇಡಿ

ಬಾಲಿವುಡ್ ನಟ ಶಾರುಖ್ ಖಾನ್ (Shah Rukh Khan) ಅಭಿಮಾನಿಗಳಿಂದ ಬಾಲಿವುಡ್ ಬಾದ್​ಷಾ ಎಂದೇ ಕರೆಸಿಕೊಳ್ಳುತ್ತಾರೆ. ಇಂದು ಅವರು 56ನೇ ವರ್ಷಕ್ಕೆ ಕಾಲಿಟ್ಟಿದ್ದಾರೆ. ಕಿರುತೆರೆ ಮುಖಾಂತರ ನಟನೆಗೆ ಪಾದಾರ್ಪಣೆ ಮಾಡಿದ ಅವರು, 1992ರಲ್ಲಿ ‘ದೀವಾನಾ’ ಚಿತ್ರದ ಮುಖಾಂತರ ಬಾಲಿವುಡ್ ಪ್ರವೇಶಿಸಿದರು. ಬಾಲಿವುಡ್​ನ ಯಶಸ್ವಿ ರೊಮ್ಯಾಂಟಿಕ್ ನಾಯಕನೆಂದೇ ಗುರುತಿಸಿಕೊಂಡಿರುವ ಶಾರುಖ್- ಕಾಜೊಲ್, ಮಾಧುರಿ ದೀಕ್ಷಿತ್, ಕರಿಷ್ಮಾ ಕಪೂರ್, ಜೂಹಿ ಚಾವ್ಲಾ, ದೀಪಿಕಾ ಪಡುಕೋಣೆ, ಆಲಿಯಾ ಭಟ್, ಸುಷ್ಮಿತಾ ಸೇನ್, ಕರೀನಾ ಕಪೂರ್, ಐಶ್ವರ್ಯಾ ರೈ ಬಚ್ಚನ್ ಸೇರಿದಂತೆ ಖ್ಯಾತ ನಾಯಕಿಯರೊಂದಿಗೆ ಬಣ್ಣ ಹಚ್ಚಿದ್ದಾರೆ. ಸಹಜ ಅಭಿನಯದಿಂದಲೇ ಎಲ್ಲರನ್ನೂ ಸೆಳೆಯುವ ಶಾರುಖ್​ಗೆ ವಿಶ್ವಾದ್ಯಂತ ಅಭಿಮಾನಿ ವೃಂದವಿದೆ. ಶಾರುಖ್ ನಟನೆಯ ಅತ್ಯುತ್ತಮ 5 ರೊಮ್ಯಾಂಟಿಕ್ ಚಿತ್ರಗಳ ಪಟ್ಟಿ ಇಲ್ಲಿದೆ.

1. ದಿಲ್ವಾಲೆ ದುಲ್ಹನಿಯಾ ಲೇ ಜಾಯೇಂಗೆ (DILWALE DULHANIA LE JAYENGE): 1995ರಲ್ಲಿ ಬಿಡುಗಡೆಯಾದ ಈ ಚಿತ್ರ ಡಿಡಿಎಲ್​ಜೆ ಎಂದೇ ಪ್ರಸಿದ್ಧವಾಗಿದ್ದು, ಶಾರುಖ್ ಖಾನ್ ಹಾಗೂ ಕಾಜೊಲ್ ಬಣ್ಣ ಹಚ್ಚಿದ್ದಾರೆ. ಈ ಚಿತ್ರದ ರಾಜ್ ಹಾಗೂ ಸಿಮ್ರಾನ್ ಪಾತ್ರಗಳು ಭಾರತೀಯ ಚಿತ್ರರಂಗದ ವೈಶಿಷ್ಟ್ಯಪೂರ್ಣ ಪಾತ್ರಗಳಲ್ಲಿ ಒಂದು ಎಂದು ಪರಿಗಣಿತವಾಗಿದೆ. ಈ ಚಿತ್ರ ಬಹಳ ದೊಡ್ಡ ಮಟ್ಟದಲ್ಲಿ ಹಿಟ್ ಆಗಿತ್ತು.

2. ದಿಲ್ ತೋ ಪಾಗಲ್ ಹೈ (DIL TO PAGAL HAI): ಯಶ್ ಚೋಪ್ರಾ ನಿರ್ದೇಶನದ ಈ ಚಿತ್ರದಲ್ಲಿ ಶಾರುಖ್​ಗೆ ಜೋಡಿಯಾಗಿ ಮಾಧುರಿ ದೀಕ್ಷಿತ್ ಹಾಗೂ ಕರಿಷ್ಮಾ ಕಪೂರ್ ಅಭಿನಯಿಸಿದ್ದಾರೆ. ಅಕ್ಷಯ್ ಕುಮಾರ್ ಕೂಡ ಕಾಣಿಸಿಕೊಂಡಿದ್ದಾರೆ. 1997ರಲ್ಲಿ ಬಿಡುಗಡೆಯಾದ ಈ ಚಿತ್ರ ಕೂಡ ಶಾರುಖ್ ವೃತ್ತಿ ಜೀವನದ ಯಶಸ್ವಿ ಚಿತ್ರಗಳಲ್ಲೊಂದು.

3. ಕುಛ್ ಕುಛ್ ಹೋತಾ ಹೈ (KUCH KUCH HOTA HAI): ಶಾರುಖ್ ಖಾನ್, ಕಾಜೊಲ್, ರಾಣಿ ಮುಖರ್ಜಿ, ಸಲ್ಮಾನ್ ಖಾನ್ ಅಭಿನಯಿಸಿರುವ ಈ ಚಿತ್ರವನ್ನು ಕರಣ್ ಜೋಹರ್ ನಿರ್ದೇಶಿಸಿದ್ದಾರೆ. 1998ರಲ್ಲಿ ಬಿಡುಗಡೆಯಾದ ಈ ಚಿತ್ರ ಎರಡು ತ್ರಿಕೋನ್ ಪ್ರೇಮಕಥೆಗಳನ್ನೊಳಗೊಂಡಿದೆ.

4. ದಿಲ್​ಸೆ (Dil Se): ಮಣಿರತ್ನಂ ನಿರ್ದೇಶನದ ಈ ಚಿತ್ರದಲ್ಲಿ ಶಾರುಖ್​ಗೆ ಜೋಡಿಯಾಗಿ ಮನಿಷಾ ಕೊಯಿರಾಲ ಅಭಿನಯಿಸಿದ್ದರು. ಪ್ರೀತಿ ಜಿಂಟಾ ಕೂಡ ಈ ಚಿತ್ರದ ಮುಖಾಂತರ ಬಾಲಿವುಡ್​ಗೆ ಪ್ರವೇಶಿಸಿದರು. 1999ರಲ್ಲಿ ಬಿಡುಗಡೆಯಾದ ಈ ಚಿತ್ರ, ಎರಡು ರಾಷ್ಟ್ರೀಯ ಪ್ರಶಸ್ತಿಗಳನ್ನೂ ಪಡೆದಿತ್ತು. ಈ ಚಿತ್ರದ ಛಾಯಾಗ್ರಹಣ ಹಾಗೂ ಎ.ಆರ್ ರೆಹಮಾನ್ ಅವರ ಸಂಗೀತ ಅಪಾರ ಮೆಚ್ಚುಗೆಗೆ ಪಾತ್ರವಾಗಿತ್ತು. ಚಿತ್ರದ ಹಾಡುಗಳನ್ನು ಈಗಲೂ ಸಂಗೀತ ಪ್ರಿಯರು ಗುನುಗುತ್ತಾರೆ.

ದಿಲ್​ಸೆ ಚಿತ್ರದ ಪೋಸ್ಟರ್

5. ದೇವದಾಸ್: ಶರತ್ ಚಂದ್ರ ಚಟ್ಟೋಪಾಧ್ಯಾಯರ ಕಾದಂಬರಿ ಆಧರಿಸಿದ ಈ ಚಿತ್ರ 2002ರಲ್ಲಿ ತೆರೆಗೆ ಬಂದಿತ್ತು. ಸಂಜಯ್ ಲೀಲಾ ಭನ್ಸಾಲಿ ನಿರ್ದೇಶನದ ಈ ಚಿತ್ರದಲ್ಲಿ ಶಾರುಖ್​ರೊಂದಿಗೆ ಐಶ್ವರ್ಯಾ ರೈ ತೆರೆಹಂಚಿಕೊಂಡಿದ್ದರು. ಮಾಧುರಿ ದೀಕ್ಷಿತ್, ಜಾಕಿ ಶ್ರಾಫ್, ಚುನ್ನಿ ಬಾಬು ಮೊದಲಾದವರು ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು.

ಶಾರುಖ್ ಅಭಿನಯದ ಈ 5 ಚಿತ್ರಗಳಲ್ಲದೇ, ಅವರ ಹಲವಾರು ಚಿತ್ರಗಳು ಅಭಿಮಾನಿಗಳಿಂದ ಅಪಾರ ಮೆಚ್ಚುಗೆ ಪಡೆದಿವೆ. ‘ಚಕ್​ದೆ ಇಂಡಿಯಾ, ಬಾದ್​ಷಾ, ಮೊಹಬ್ಬತೇನ್, ಡಾನ್, ಡಾನ್ 2, ಹ್ಯಾಪಿ ನ್ಯೂ ಇಯರ್, ಪಹೇಲಿ’ ಸೇರಿದಂತೆ ಹಲವಾರು ಚಿತ್ರಗಳು ಶಾರುಖ್ ಅಭಿಮಾನಿಗಳಿಗೆ ಅಚ್ಚುಮೆಚ್ಚಿನ ಚಿತ್ರಗಳಾಗಿವೆ.

ಇದನ್ನೂ ಓದಿ:

Shah Rukh Khan: ಶಾರುಖ್​ಗೆ ಜನ್ಮದಿನದ ಸಂಭ್ರಮ​; ಮನ್ನತ್​ ಮೇಲೆ ನಿಂತು ಅಭಿಮಾನಿಗಳಿಗೆ ಧನ್ಯವಾದ ಹೇಳಲಿದ್ದಾರೆ ಕಿಂಗ್​ ಖಾನ್?

Aryan Khan Jail: ಜೈಲಿನಿಂದ ಹೊರಬಂದ ಆರ್ಯನ್​ ಖಾನ್​; ಶಾರುಖ್​ ನಿವಾಸ ಮನ್ನತ್​ ಎದುರು ಫ್ಯಾನ್ಸ್​ ಸಂಭ್ರಮ