‘ಅಭಿಷೇಕ್​ನ ಎಷ್ಟು ಮಿಸ್ ಮಾಡಿಕೊಳ್ತೀರಾ’ ಎಂಬ ಪ್ರಶ್ನೆಗೆ ಖಡಕ್ ಆಗಿ ಉತ್ತರಿಸಿದ್ದ ನಟಿ ಐಶ್ವರ್ಯಾ ರೈ ಬಚ್ಚನ್

ಐಶ್ವರ್ಯಾ ರೈ ಬಚ್ಚನ್ ಹಾಗೂ ಅಭಿಷೇಕ್ ಬಚ್ಚನ್ (Abhishek Bachchan) ಪ್ರೀತಿಸಿ ಮದುವೆ ಆದವರು. ಇವರು ಹಾಯಾಗಿ ಸಂಸಾರ ನಡೆಸುತ್ತಿದ್ದಾರೆ. ಈ ದಂಪತಿಗೆ ಆರಾಧ್ಯಾ ಹೆಸರಿನ ಮಗಳು ಇದ್ದಾಳೆ. ಐಶ್ವರ್ಯಾ ರೈ ಅವರು ಫ್ಯಾಮಿಲಿ ವಿಚಾರಕ್ಕೆ ಆಗಾಗ ಸುದ್ದಿ ಆಗುತ್ತಲೇ ಇರುತ್ತಾರೆ. ಈಗ ಅವರ ಹಳೆಯ ವಿಡಿಯೋ ಒಂದು ವೈರಲ್ ಆಗಿದೆ. ಈ ವಿಡಿಯೋದಲ್ಲಿ ಐಶ್ವರ್ಯಾ ರೈಗೆ ಕೇಳಿದ ಪ್ರಶ್ನೆ ಬಹಳ ವಿಚಿತ್ರವಾಗಿತ್ತು. ಇದಕ್ಕೆ ಐಶ್ವರ್ಯಾ ಅವರು ಸೈಲೆಂಟ್​ ಆಗಿ ಕ್ಲಾಸ್ ತೆಗೆದುಕೊಂಡಿದ್ದರು. ಹಳೆಯ ವಿಡಿಯೋ ಈಗ ವೈರಲ್ ಆಗುತ್ತಿದೆ.

ಐಶ್ವರ್ಯಾ ರೈ ಅವರು ಸಿನಿಮಾ ಒಂದರ ಟ್ರೇಲರ್ ಲಾಂಚ್ ಕಾರ್ಯಕ್ರಮದಲ್ಲಿ ಭಾಗಿ ಆಗಿದ್ದರು. ಈ ಸಂದರ್ಭದಲ್ಲಿ ಅವರ ಪತಿ ಅಭಿಷೇಕ್ ಅವರು ಇದರಲ್ಲಿ ಹಾಜರಿ ಹಾಕಿರಲಿಲ್ಲ. ಇದನ್ನೇ ಪತ್ರಕರ್ತರು ಟಾರ್ಗೆಟ್ ಮಾಡಿದಂತಿತ್ತು. ‘ಈ ಸಿನಿಮಾ ಪತಿ ಪತ್ನಿಯ ಭಾವನೆಗಳಿಗೆ ಸಂಬಂಧಿಸಿದೆ. ಹೀಗಾಗಿ, ನೀವು ನಿಮ್ಮ ಪತಿಯನ್ನು ಎಷ್ಟು ಮಿಸ್ ಮಾಡಿಕೊಳ್ಳುತ್ತೀರಿ’ ಎಂದು ಕೇಳಿದ್ದರು. ಇದಕ್ಕೆ ಅವರು ನೇರವಾಗಿ ಉತ್ತರ ನೀಡಿದ್ದರು.

‘ಅವರು ಮನೆಯಲ್ಲಿದ್ದಾರೆ. ಅರ್ಧಗಂಟೆಯಲ್ಲಿ ಮನೆಗೆ ಹೋಗುತ್ತೇನೆ. ಆಗ ಭೇಟಿ ಮಾಡುತ್ತೇನೆ’ ಎಂದು ಐಶ್ವರ್ಯಾ ಉತ್ತರಿಸಿದ್ದರು. ಹಾಗಂತ ಇದನ್ನು ಹೇಳುವಾಗ ಐಶ್ವರ್ಯಾ ರೈ ಅವರ ಮುಖದಲ್ಲಿ ಯಾವುದೇ ಸಿಟ್ಟಿರಲಿಲ್ಲ. ಅವರು ನಗುನಗುತ್ತಲೇ ಈ ಉತ್ತರ ನೀಡಿದ್ದರು.

ಐಶ್ವರ್ಯಾ ರೈ ಅವರು ಇತ್ತೀಚೆಗೆ ಫ್ಯಾಮಿಲಿ ವಿಚಾರದಲ್ಲಿ ಸಾಕಷ್ಟು ಸುದ್ದಿಯಲ್ಲಿದ್ದಾರೆ. ಐಶ್ವರ್ಯಾ ರೈ ಅವರು ಪ್ಯಾರಿಸ್ ಫ್ಯಾಷನ್ ವೀಕ್​ನಲ್ಲಿ ಹೆಜ್ಜೆ ಹಾಕಿದ್ದರು. ಈ ವೇಳೆ ಜಯಾ ಬಚ್ಚನ್ ಹಾಗೂ ನಂದ ಕೂಡ ಇದ್ದರು. ಇಲ್ಲಿ ಭಾಗಿ ಆಗಿದ್ದ ನವ್ಯಾ ಅವರನ್ನು ಚಿಯರ್ ಮಾಡಲು ಜಯಾ ಹಾಗೂ ನಂದ ಆಗಮಿಸಿದ್ದರು. ಆದರೆ, ಇವರು ಹಾಕಿದ ಯಾವ ಪೋಸ್ಟ್​ನಲ್ಲೂ ಐಶ್ವರ್ಯಾ ಇರಲಿಲ್ಲ. ಅವರನ್ನು ಟ್ಯಾಗ್ ಕೂಡ ಮಾಡಿರಲಿಲ್ಲ. ಐಶ್ವರ್ಯಾ ರೈ ಬಚ್ಚನ್ ಫ್ಯಾಮಿಲಿಯಲ್ಲಿ ಯಾವುದೂ ಸರಿ ಇಲ್ಲ ಎಂದು ಕೆಲವರು ಮಾತನಾಡಿಕೊಂಡಿದ್ದರು. ಅಮಿತಾಭ್ ಬಚ್ಚನ್​ ಬರ್ತ್​ಡೇಗೆ ವಿಶ್ ಮಾಡುವ ಸಂದರ್ಭದಲ್ಲಿ ಜಯಾ ಬಚ್ಚನ್, ಶ್ವೇತಾ ನಂದ, ಅಗಸ್ತ್ಯ ಹಾಗೂ ನವ್ಯಾ ಫೋಟೋನ ಕ್ರಾಪ್ ಮಾಡಿ ಹಾಕಿದ್ದರು. ಇದು ಸಾಕಷ್ಟು ಸುದ್ದಿ ಆಗಿತ್ತು.

ಇದನ್ನೂ ಓದಿ: ಫ್ಯಾಮಿಲಿ ಫೋಟೋದಿಂದ ಅತ್ತೆ, ನಾದಿನಿ ಮಗಳನ್ನು ಹೊರಗಿಟ್ಟ ಐಶ್ವರ್ಯಾ ರೈ; ಕುಟುಂಬದಲ್ಲಿ ಬಿರುಕು? 

ಐಶ್ವರ್ಯಾ ರೈ ಅವರು ಸಿನಿಮಾ ಆಯ್ಕೆಯಲ್ಲಿ ಸಖತ್ ಚ್ಯೂಸಿ ಆಗಿದ್ದಾರೆ. ಅವರ ನಟನೆಯ ‘ಪೊನ್ನಿಯಿನ್ ಸೆಲ್ವನ್ 2’ ಸಿನಿಮಾ ಇತ್ತೀಚೆಗೆ ರಿಲೀಸ್ ಆಗಿ ಯಶಸ್ಸು ಕಂಡಿದೆ. ಈ ಚಿತ್ರಕ್ಕೆ ಮಣಿರತ್ನಂ ಅವರು ನಿರ್ದೇಶನ ಮಾಡಿದ್ದರು. ಇದಾದ ಬಳಿಕ ಐಶ್ವರ್ಯಾ ನಟನೆಯ ಯಾವುದೇ ಸಿನಿಮಾ ರಿಲೀಸ್ ಆಗಿಲ್ಲ.

ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ

Published On - 8:12 am, Fri, 27 October 23