ಲಾಸ್​ ವೇಗಾಸ್ ನಲ್ಲಿ ರೊಮ್ಯಾಂಟಿಕ್​ ವಾಕ್​ ಮಾಡಿದ ಪ್ರಿಯಾಂಕಾ ಚೋಪ್ರಾ  ಮತ್ತು ನಿಕ್​ ಜೋನಸ್​  

ಇತ್ತೀಚೆಗೆ ಭಾರತ ಪ್ರವಾಸ ಮುಗಿಸಿ ವಿದೇಶಕ್ಕೆ ಹಿಂದಿರುಗಿದ ನಟಿ ಪ್ರಿಯಾಂಕಾ ಚೋಪ್ರಾ (priyanka chopra)ತನ್ನ ಪತಿ ನಿಕ್​ ಅವರ ಜೊತೆ ಕಾಲಕಳೆದಿರುವ ಫೋಟೋವನ್ನು ಹಂಚಿಕೊಂಡಿದ್ದಾರೆ. ಹಿಂಬದಿಯಿಂದ ತೆಗೆದ ಫೋಟೋದಲ್ಲಿ ಪ್ರಿಯಾಂಕಾ ಕಪ್ಪು ಬೂಟುಗಳೊಂದಿಗೆ ಕೆಂಪು ಓವರ್​ ಕೋಟ್​ ಹಾಕಿಕೊಂಡಿದ್ದು, ನಿಕ್​ ಜೋನಸ್​ ಹಳದಿ ಜಾಕೆಟ್​ ಮತ್ತು ಜೀನ್ಸ್​ ಜೊತೆ ಬಿಳಿ ಬಣ್ಣದ ಸ್ನೀಕರ್ಸ್​ ಧರಿಸಿದ್ದಾರೆ.

ಮೂರು ವರ್ಷಗಳ ಬಳಿಕ ಮುಂಬೈಗೆ ಬಂದಿದ್ದ ಪ್ರಿಯಾಂಕಾ ಚೋಪ್ರಾ ತಮ್ಮ ಹೇರ್​ಕೇರ್​ ಬ್ರ್ಯಾಂಡ್​ನ್ನು ಪ್ರಚಾರ ಮಾಡಲು ಭಾರತಕ್ಕೆ ಆಗಮಿಸಿದ್ದರು, ಮುಂಬೈನ ತಮ್ಮ ನೆಚ್ಚಿನ ಸ್ಥಳಗಳಿಗೆ ಭೇಟಿ ನೀಡುವ ಫೋಟೋಗಳನ್ನು ಸೋಶಿಯಲ್​ ಮೀಡಿಯಾಗಳಲ್ಲಿ ಹಂಚಿಕೊಳ್ಳುವುದರ ಮೂಲಕ ಅಲ್ಲಿ ಕಳೆದ ನೆನಪುಗಳನ್ನು ಮೆಲಕು ಹಾಕುತ್ತಿದ್ದರು, ಮುಂಬೈನ ಮೆರೈನ್​ಡ್ರೈವ್​ ಬಳಿ ಕೆಲಕಾಲ ಕಾರು ನಿಲ್ಲಿಸಿ,‘ಒಂದು ನಿಮಿಷವಾದರೂ ನಾನು ನಿನ್ನನ್ನು ಮಿಸ್​ ಮಾಡಿಕೊಂಡಿದ್ದೇನೆ’ ಎಂದು ಬರೆದುಕೊಂಡಿದ್ದರು. ಇದರ ಜೊತೆಗೆ ಲಕ್ನೋದಲ್ಲಿರುವ ತಮ್ಮ ಬಾಲ್ಯದ ಮನೆಗೂ ಭೇಟಿ ನೀಡಿ ‘ನಾನು ಕೆಲವು ವರ್ಷಗಳು ನನ್ನ ಬಾಲ್ಯವನ್ನ ಇಲ್ಲಿಯೇ ಕಳೆದಿದ್ದು, ಇಲ್ಲಿ ನನಗೆ ಸ್ನೇಹಿತರಿದ್ದಾರೆ’ ಎಂದು ಹೇಳಿದ್ದರು.

View this post on Instagram

A post shared by Priyanka (@priyankachopra)

ಲಾಸ್​ ಏಂಜಲೀಸ್​ಗೆ ಮರಳಿದ ನಂತರ, ಪ್ರಿಯಾಂಕಾ ಚೋಪ್ರಾ ಅವರು ತಮ್ಮ ಮಗಳು ಮಾಲ್ತಿ ಮೇರಿ ಚೋಪ್ರಾ ಜೋನಸ್​ ಅವರೊಂದಿಗೆ ಆಟವಾಡುತ್ತಿರುವ ಫೋಟೋವನ್ನು ಹಂಚಿಕೊಂಡಿದ್ದಾರೆ, ಇದರಲ್ಲಿ ನಿಕ್​ ಅವರು ಮುದ್ದಾಗಿ ನೋಡುತ್ತಿದ್ದಾರೆ, ಈ ಪೋಸ್ಟ್​ನಲ್ಲಿ ಅವರು ‘ಮನೆ’ ಎಂದು ಬರೆದು ಹಾರ್ಟ್​ ಎಮೋಜಿಯನ್ನು ಹಾಕಿದ್ದಾರೆ.

ಇದನ್ನೂ ಓದಿ:Priyanka Chopra: ‘ಪ್ರಿಯಾಂಕಾ ಚೋಪ್ರಾ ವಿಶ್ವ ಸುಂದರಿ ಆಗಿದ್ದು ಮೋಸದಿಂದ’; 22 ವರ್ಷಗಳ ಬಳಿಕ ಗಂಭೀರ ಆರೋಪ

ಇನ್ನು ಪ್ರಿಯಾಂಕಾ ಚೋಪ್ರಾ ಅವರು ಬಾಲಿವುಡ್​ನಲ್ಲಿ ಕೊನೆಯದಾಗಿ 2019 ರಲ್ಲಿ ‘ದಿ ಸ್ಕೈ ಇಸ್​ ಪಿಂಕ್​’ ಚಿತ್ರದಲ್ಲಿ ಕಾಣಿಸಿಕೊಂಡಿದ್ದರು. ಇದಾದ ಬಳಿಕ ಈಗ ‘ಜೀ ಲೆ ಜರಾ’ದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ, ಪ್ರಿಯಾಂಕಾ ಚೋಪ್ರಾ ಬಾಲಿವುಡ್​ ಸಿನಿಮಾಗಳಿಗಿಂತಲೂ ಹಾಲಿವುಡ್​ ಚಿತ್ರಗಳನ್ನೇ ಹೆಚ್ಚಾಗಿ ಒಪ್ಪಿಕೊಳ್ಳುತ್ತಿದ್ದಾರೆ. ಹಾಲಿವುಡ್​ನಲ್ಲಿ ಅವರ ‘ಲವ್​ ಅಗೇನ್​’ ಸಿನಿಮಾವು ಮುಂದಿನ ವರ್ಷ ರಿಲೀಸ್​ ಆಗಲಿದೆ.

ಇನ್ನಷ್ಟು ಮನರಂಜನಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ