ದಬಾಂಗ್ ಸರಣಿ ವಿಚಾರದಲ್ಲಿ ದೊಡ್ಡ ರಿಸ್ಕ್ ತೆಗೆದುಕೊಳ್ಳುತ್ತಿದ್ದಾರೆ ಸಲ್ಮಾನ್ ಖಾನ್
2019ರಲ್ಲಿ ತೆರೆಗೆ ಬಂದ ‘ದಬಾಂಗ್ 3’ ಸಿನಿಮಾದಲ್ಲಿ ಚುಲ್ಬುಲ್ ಪಾಂಡೆ ಪಾತ್ರದಲ್ಲಿ ಸಲ್ಲು ನಟಿಸಿದರೆ, ಸುದೀಪ್ ನೆಗೆಟಿವ್ ಶೇಡ್ನಲ್ಲಿ ಮಿಂಚಿದ್ದರು. ಈ ಚಿತ್ರದ ಮೇಲೆ ದೊಡ್ಡಮಟ್ಟದ ನಿರೀಕ್ಷೆ ಇತ್ತು. ಆದರೆ, ಅದು ಹುಸಿ ಆಗಿತ್ತು.
Updated on: Jul 21, 2021 | 6:54 PM
ಸಲ್ಮಾನ್ ಖಾನ್ ಹಾಗೂ ಕಿಚ್ಚ ಸುದೀಪ್ ಮುಖ್ಯಭೂಮಿಕೆಯಲ್ಲಿ ಕಾಣಿಸಿಕೊಂಡಿದ್ದ ‘ದಬಾಂಗ್ 3’ ಸಿನಿಮಾ ಬಾಕ್ಸ್ ಆಫೀಸ್ ಹಾಗೂ ವಿಮರ್ಶೆ ಎರಡರಲ್ಲೂ ಸೋತಿತ್ತು. ಈ ಮಧ್ಯೆಯೂ ‘ದಬಾಂಗ್ 4’ ಮಾಡೋಕೆ ಸಲ್ಲು ತೆರೆಮರೆಯಲ್ಲಿ ಸಿದ್ಧತೆ ನಡೆಸಿದ್ದಾರೆ. ಈ ವಿಚಾರ ಅಭಿಮಾನಿಗಳಿಗೆ ಅಚ್ಚರಿ ಹಾಗೂ ಖುಷಿ ಎರಡನ್ನೂ ನೀಡಿದೆ.
ಒಂದು ಫ್ರಾಚೈಸ್ನಲ್ಲಿ ಮೂರು-ನಾಲ್ಕು ಚಿತ್ರಗಳು ಮೂಡಿ ಬಂದ ಉದಾಹರಣೆ ಸಾಕಷ್ಟಿದೆ. ಆದರೆ, ಒಂದು ಚಿತ್ರ ಸೋತರೂ ನಂತರ ಆ ಸರಣಿಯಲ್ಲಿ ಮತ್ತೆ ಚಿತ್ರ ಮಾಡುವ ಸಾಹಸಕ್ಕೆ ಯಾವ ನಿರ್ಮಾಪಕರೂ ಹೋಗುವುದಿಲ್ಲ. ಆದರೆ, ಸಲ್ಮಾನ್ ಖಾನ್ ಹೀಗೊಂದು ರಿಸ್ಕ್ ತೆಗೆದುಕೊಳ್ಳುತ್ತಿದ್ದಾರೆ.
2019ರಲ್ಲಿ ತೆರೆಗೆ ಬಂದ ‘ದಬಾಂಗ್ 3’ ಸಿನಿಮಾದಲ್ಲಿ ಚುಲ್ಬುಲ್ ಪಾಂಡೆ ಪಾತ್ರದಲ್ಲಿ ಸಲ್ಲು ನಟಿಸಿದರೆ, ಸುದೀಪ್ ನೆಗೆಟಿವ್ ಶೇಡ್ನಲ್ಲಿ ಮಿಂಚಿದ್ದರು. ಈ ಚಿತ್ರದ ಮೇಲೆ ದೊಡ್ಡಮಟ್ಟದ ನಿರೀಕ್ಷೆ ಇತ್ತು. ಆದರೆ, ಅದು ಹುಸಿ ಆಗಿತ್ತು. ಈಗ ಸಲ್ಲು ದಬಾಂಗ್ 4 ಮಾಡುತ್ತಿರುವ ಬಗ್ಗೆ ಘೋಷಣೆ ಮಾಡಿದ್ದಾರೆ.
ಸಲ್ಲು ಸಹೋದರ ಅರ್ಬಾಜ್ ಖಾನ್ ‘ಕ್ವಿಕ್ ಹೀಲ್ ಪಿಂಚ್ ಸೀಸನ್ 2’ ಆರಂಭಿಸಿದ್ದಾರೆ. ಸೈಬರ್ ಬೆದರಿಕೆ ಬಗ್ಗೆ ಜಾಗೃತಿ ಮೂಡಿಸೋದು ಈ ಕಾರ್ಯಕ್ರಮದ ಉದ್ದೇಶ. ಸೀಸನ್ 2ನ ಮೊದಲ ಅತಿಥಿಯಾಗಿ ಸಲ್ಮಾನ್ ಖಾನ್ ಆಗಮಿಸಿದ್ದಾರೆ. ಈ ವೇಳೆ ದಬಾಂಗ್ 4 ಬಗ್ಗೆ ಚರ್ಚೆ ನಡೆದಿದೆ.
ದಬಾಂಗ್ 1,2,3 ಹಾಗೂ 4 ಇದರಲ್ಲಿ ಯಾವುದು ನಿಮ್ಮಿಷ್ಟದ ಸಿನಿಮಾ ಎನ್ನುವ ಪ್ರಶ್ನೆಯನ್ನು ಸಲ್ಮಾನ್ ಖಾನ್ಗೆ ಅರ್ಬಾಜ್ ಕೇಳಿದ್ದಾರೆ. ಇದಕ್ಕೆ ಸಲ್ಲು ‘ದಬಾಂಗ್ 4’ ಎಂದು ಉತ್ತರಿಸಿದ್ದಾರೆ. ಈ ವೇಳೆ ಅರ್ಬಾಜ್, ‘ನೀವು ಈ ಬಗ್ಗೆ ಅಧಿಕೃತ ಘೋಷಣೆ ಮಾಡಿದಂತಾಯಿತು’ ಎಂದಿದ್ದಾರೆ. ಈ ಮೂಲಕ ಸಲ್ಲು ದಬಾಂಗ್ 4 ಮಾಡ್ತಿರೋ ವಿಚಾರವನ್ನು ಖಚಿತಪಡಿಸಿದ್ದಾರೆ.
ದಬಾಂಗ್ ಸರಣಿಯ ಮೂರು ಚಿತ್ರಗಳನ್ನೂ ಅರ್ಬಾಜ್ ನಿರ್ಮಾಣ ಮಾಡಿದ್ದಾರೆ. ಮೊದಲ ಸಿನಿಮಾವನ್ನು ಅಭಿನವ್ ಕಶ್ಯಪ್ ನಿರ್ದೇಶನ ಮಾಡಿದರೆ, ದಬಾಂಗ್ 2 ಅರ್ಬಾಜ್ ಖಾನ್ ಹಾಗೂ ದಬಾಂಗ್ 3 ಪ್ರಭುದೇವ ಅವರು ನಿರ್ದೇಶನ ಮಾಡಿದ್ದಾರೆ. ಆಯುಷ್ ಶರ್ಮಾ ಅವರು ಅಂತಿಮ್ ಸಿನಿಮಾದಲ್ಲಿ ಸಲ್ಮಾನ್ ಖಾನ್ ನಟಿಸುತತ್ತಿದ್ದಾರೆ. ಇದರ ಜತೆಗೆ ಟೈಗರ್ 3 ಚಿತ್ರದಲ್ಲೂ ಸಲ್ಲು ಅಭಿನಯಿಸುತ್ತಿದ್ದಾರೆ.
ಇದನ್ನೂ ಓದಿ: ಸಲ್ಮಾನ್ ಖಾನ್ ದಾಂಪತ್ಯದ ಗುಟ್ಟನ್ನು ಹೇಳುವುದು; ನಾನು ಸ್ಟಾರ್ ಆಗುವುದು ಹೇಗೆ ಎಂಬ ಪಾಠ ಮಾಡುವುದು ಎರಡೂ ಒಂದೇ!: ಅರ್ಬಾಜ್ ಖಾನ್
32 ವರ್ಷದ ಕೆರಿಯರ್ನಲ್ಲಿ ಮೊಟ್ಟಮೊದಲ ಬಾರಿಗೆ ಬಯೋಪಿಕ್ಗೆ ಸಹಿ ಹಾಕಿದ ಸಲ್ಮಾನ್ ಖಾನ್
