ದೇವಸ್ಥಾನದ ಎದುರು ಸಿಹಿ ಹಂಚಿ, ‘ಫೋಟೋ ತೆಗೆಯಬೇಡಿ’ ಎಂದು ಸಾರಾ ಅಲಿ ಖಾನ್​

ನಟಿ ಸಾರಾ ಅಲಿ ಖಾನ್​ (Sara Ali Khan) ಅವರು ಬಾಲಿವುಡ್​ನಲ್ಲಿ ಬ್ಯುಸಿ ಆಗಿದ್ದಾರೆ. ಸೋಲು ಗೆಲುವು ಏನೇ ಇದ್ದರೂ ಅವರಿಗೆ ಸಿಗುವ ಅವಕಾಶ ಕಡಿಮೆ ಆಗಿಲ್ಲ. ಈ ತಿಂಗಳು ಅವರ ಎರಡು ಸಿನಿಮಾಗಳು ರಿಲೀಸ್​ ಆಗಿವೆ. ಈ ನಡುವೆ ಅವರು ದೇವಸ್ಥಾನಗಳಿಗೆ ಭೇಟಿ ನೀಡುವ ಮೂಲಕವೂ ಸುದ್ದಿ ಆಗುತ್ತಾರೆ. ಸಾರಾ ಅಲಿ ಖಾನ್​ ಈಗ ಜುಹೂನಲ್ಲಿ ಇರುವ ಶನಿ ದೇವಸ್ಥಾನಕ್ಕೆ (Shani Temple) ಭೇಟಿ ನೀಡಿದ್ದಾರೆ. ದೇವಸ್ಥಾನದ ಹೊರಗೆ ಇರುವ ಅನೇಕರಿಗೆ ಅವರು ಸಿಹಿ ಹಂಚಿದ್ದಾರೆ. ಈ ಸಂದರ್ಭದ ಫೋಟೋ ಮತ್ತು ವಿಡಿಯೋ ವೈರಲ್​ ಆಗಿವೆ. ಸಿಹಿ ಹಂಚುವಾಗ ತಮ್ಮ ಫೋಟೋ ತೆಗೆಯುವುದು ಬೇಡ ಎಂದು ಪಾಪರಾಜಿಗಳ ಬಳಿ ಸಾರಾ ಅಲಿ ಖಾನ್​ ಅವರು ಮನವಿ ಮಾಡಿಕೊಂಡಿದ್ದಾರೆ.

ಸಾರಾ ಅಲಿ ಖಾನ್​ ಅವರು ಹಿಂದೂ ದೇವಾಲಯಗಳಿಗೆ ತೆರಳಿದಾಗೆಲ್ಲ ಒಂದಷ್ಟು ಮಂದಿ ಟ್ರೋಲ್​ ಮಾಡುತ್ತಾರೆ. ಈ ಬಾರಿಯೂ ಅದು ಮುಂದುವರಿದಿದೆ. ಸಾರಾ ಅವರು ಶನಿ ದೇವಸ್ಥಾನದ ಎದುರು ಸಿಹಿ ಹಂಚಿದ ವಿಡಿಯೋಗಳು ಪಾಪರಾಜಿಗಳ ಸೋಶಿಯಲ್​ ಮೀಡಿಯಾ ಖಾತೆಯಲ್ಲಿ ವೈರಲ್​ ಆಗಿವೆ. ಪ್ರಚಾರಕ್ಕಾಗಿ ಸಾರಾ ಅಲಿ ಖಾನ್ ಇದನ್ನೆಲ್ಲ ಮಾಡುತ್ತಿದ್ದಾರೆ ಎಂದು ಅನೇಕರು ಕಮೆಂಟ್​ ಮಾಡಿದ್ದಾರೆ.

View this post on Instagram

A post shared by Varinder Chawla (@varindertchawla)

ಸೈಫ್​ ಅಲಿ ಖಾನ್​ ಅವರ ಮಗಳು ಸಾರಾ ಅಲಿ ಖಾನ್​. ಸ್ಟಾರ್​ ಕಿಡ್​ ಎಂಬ ಕಾರಣಕ್ಕೆ ಅವರಿಗೆ ಸುಲಭವಾಗಿ ಅವಕಾಶಗಳು ಸಿಗುತ್ತಿವೆ. ಅವರು ನೆಪೋಟಿಸಂನ ಫಲಾನುಭವಿ ಎಂದು ಅನೇಕರು ಟೀಕಿಸುತ್ತಿದ್ದಾರೆ. ಸಾರಾ ಅಲಿ ಖಾನ್ ನಟನೆಯ ‘ಯೇ ವತನ್​ ಮೇರೆ ವತನ್​’ ಹಾಗೂ ‘ಮರ್ಡರ್​ ಮುಬಾರಕ್​’ ಸಿನಿಮಾಗಳು ಮಾರ್ಚ್​ನಲ್ಲಿ ಒಟಿಟಿ ಮೂಲಕ ನೇರವಾಗಿ ಬಿಡುಗಡೆ ಆದವು.

ಹೊಗಳಿಕೆ ನಿರೀಕ್ಷಿಸಿದ್ದ ಸಾರಾ ಅಲಿ ಖಾನ್​ಗೆ ಸಿಕ್ಕಿದ್ದು ಟ್ರೋಲ್​ ಮಾತ್ರ

‘ಯೇ ವತನ್​ ಮೇರೆ ವತನ್​’ ಸಿನಿಮಾದಲ್ಲಿ ರೆಟ್ರೋ ಕಾಲದ ರಿಯಲ್​ ಲೈಫ್​ ಕಥೆ ಇದೆ. ಈ ಸಿನಿಮಾ ‘ಅಮೇಜಾನ್​ ಪ್ರೈಂ ವಿಡಿಯೋ’ ಮೂಲಕ ಮಾ.21ರಂದು ಬಿಡುಗಡೆ ಆಯಿತು. ಅದೇ ರೀತಿ, ‘ಮರ್ಡರ್​ ಮುಬಾರಕ್​’ ಸಿನಿಮಾ ನೆಟ್​ಫ್ಲಿಕ್ಸ್​ನಲ್ಲಿ ಮಾರ್ಚ್​ 15ರಂದು ಪ್ರಸಾರ ಆರಂಭಿಸಿತು. ಕೆಲವರು ಸಾರಾ ಅಲಿ ಖಾನ್​ ನಟನೆಗೆ ಟೀಕೆ ವ್ಯಕ್ತಪಡಿಸಿದ್ದಾರೆ. ಹಾಗಾಗಿ ಅವರು ಮತ್ತೆ ಪ್ರಚಾರದ ಮೂಲಕ ಮುನ್ನೆಲೆಗೆ ಬರಲು ದೇವಸ್ಥಾನದ ಎದುರು ಸಿಹಿ ಹಂಚುವ ಗಿಮಿಕ್​ ಮಾಡಿದ್ದಾರೆ ಎಂದು ಕೆಲವರು ಕಮೆಂಟ್​ ಮಾಡುತ್ತಿದ್ದಾರೆ. ಈ ಟೀಕೆಗಳಿಗೆ ಸಾರಾ ಅಲಿ ಖಾನ್​ ಯಾವ ರೀತಿ ಉತ್ತರಿಸುತ್ತಾರೆ ಎಂಬುದನ್ನು ಕಾದುನೋಡಬೇಕು.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.